Yeneses 6:11 - Kamula

^11-13 Godtapo ta꞉lamo so hapulomata batalimale pato dulu dla ha꞉ha꞉la natipame Nowa watle epo atlaiyo, “Ta꞉lamo hema ya꞉mkale yumuluwe koko mate epo ya꞉mkale pomalamalalo wekelowe koko mateta pta pato halapo. Epedeme na꞉ ta꞉lamo mate epo dulu edla ha꞉ha꞉lalo so opa hapuloma mate poyuluwepo.

Yeneses 6:11 Iomraidhean Croise

Yeneses 10:9

Epame ya꞉tapo God mila꞉pi tle ka꞉pi dlowe alisisi siyomalalo halaiyo. Epapedeme yuta ipo atlapo, “Nimlod some God mila꞉pi tle ka꞉pi dlowe alisisi siyomalalo halane,” depo.

Yeneses 13:13

Amasiyama Sodom sotapo God mila꞉pi tle pta sikemte batalimale koko patoto halomha꞉ha꞉iyo.

Yeneses 6:10

Nowatapo ya꞉ akimlala dapahatlope elemhalaiyo, yia꞉ hiye Sem, epo Ham epo Yapet.

Yeneses 7:1

Epame Godtapo Nowa watle epo atlaiyo, “Wata oloma hema ha꞉ha꞉ opa hapuloma dulu dla na꞉ta natiye hatlo wa꞉ tlo sikemte ka꞉dle oplami halema. Epapedeme wa꞉ mate wa꞉ a꞉ya mate epo wa꞉ akimlala mate epo yia꞉ wola꞉ mate koa dulu dla elemtuwane.

Ekesedes 32:7

Epapele oloma dla Mosestapo tamali di dla ala me-hallati Godtapo opata koko halomha꞉ha꞉ natipame ya꞉ watle epo atlaiyo, “Wa꞉ ma ilame tulune. Adipalati, opa wa꞉ta eleme Isip mo tle alikili a꞉ma woyamuwaye batalimale koko pato halomha꞉ha꞉po.

Ka꞉dle molo atlale yu Lukta ilimale 1:6

Epapeleye Sekalaya mate Elisabet mate God mila꞉pi tle woloma ka꞉ka꞉depo ha꞉ha꞉mama Godta molo atlale yu woloma dolumha꞉ha꞉iyo.

Loum 2:13

Adipalati, Mosestapo ipo imuwapo, “Isikimi aiyalma koko tlo dalepo ha꞉ha꞉lalo soye Godtapo ya꞉ mila꞉pi tle po-ullu pa꞉talo so demhalasema. Amasiyama opa anawolotapo aiyalma koko dalepame yia꞉ moto mate koko halomha꞉ha꞉lalo soye Godtapo ya꞉ mila꞉pi tle ullu pa꞉talo so demhalapo.”

Loum 3:19

Epedeme dimalamana, yu iye aiyalma hatitimale hapili so dla hamiwapo. Adipalati, yu itapo ta꞉lamo so hapulomatapo yia꞉ batalimale malanatipo ma Godta kasilamale isili tle ha꞉ha꞉lepo depame apuwapo. Epapele oloma dla ditapo God mila꞉pi tle diskamu gadlowedeme di koko hemele kesomoloweye po-ala꞉lowa.