Yeneses 49:33 - Kamula

³³ Epapele dulu dla Yokobtapo ya꞉ akimlala dla yu hapuloma ma-atlapo gudepame ya꞉ heteye woloma ya꞉ta ellalo dla ola꞉po elemama mosukulu dupa ketamtuluiyo.

Yeneses 49:33 Iomraidhean Croise

Yeneses 15:5

Epame Godta A꞉iblamye aya alikili dla semtame halemama epo atlaiyo, “Wa꞉ inoma mate omapla di dla natine. Wa꞉ ala꞉lepiye, wa꞉ tamili hapuloma eye sesa꞉pa꞉mele pokadene. Wa꞉ mamadulotapo tamili some epo pasatlepe,” diyo.

Yeneses 25:17

Epedeme Ismaeltapo 137 sokomoko halepo gudepame powaiyo.

Yeneses 49:1

Yokobtapo ya꞉ akimlala hapulomaye sisilapame yia꞉ watle epo atlaiyo, “Wua꞉ta hapuloma yimkata na꞉ mateka꞉pi dla puame alumaiya. Epalati na꞉tapo wua꞉ watle itapu dla wowoyamolowe kokoye atlamolowepo. Adipalati, na꞉ye Yokob, wua꞉ a Isalaelpo,” diyo.

Yeneses 49:29

Epapele dulu dla Yokobtapo ya꞉ akimlala 12 watle epo atlaiyo, “Na꞉ye mo-polowe mateka꞉pi dla polapo. Epedeme na꞉ motoye Makapela teiko hotuwale dulu dla na꞉ mamadulo hatili medla hamatiye. Wabasi iye Keinan mo pato dulu dla Mamele mo yemala dla halapo. Adipalati, na꞉ mama A꞉iblahamtapo wabasi eye mo-powataliya Hitai elele halë oplami Epolon tle asiyama mate hauwapo.

Yeneses 49:32

Ame adipalati, na꞉ mama A꞉iblahamtapo popoliyelowe ta꞉la iye Hitai so tle asiyama mate ma-hauwapo.”

Yeneses 50:1

Epapeleye Yokobta mo-polati yami Yoseptapo ya꞉ a dla hamame poposila꞉lepo ammela꞉iyo.

Ka꞉dle molo atlale yu Lukta ilimale 2:29

Ya꞉ta God dla siyele yu atlemama epo atlaiyo, “Lod, wa꞉ta na꞉ye Keliso natipame polope duwapo. Epedeme na꞉ siyema, wata na꞉tapo sadle mate poloweye.

Taiya dle so 7:15

Epedeme Yokobta Isip mo dla tame halemama ya꞉ mate ya꞉ akimlala mate medla paliwapo.

Hibulu 11:22

Epame Yoseptapo mo-totoyemala mo-polowe mateka꞉pi dla halemama ya꞉ta mikadepe dle tle Godtapo Isalael soye Isip mo tle alikili dla eleme woyamoloweye atluwapo. Epapedeme ya꞉tapo ya꞉ opa Isalael so watle epo atluwapo, “Wua꞉tapo Isip mo tle alikili dla woyapo tamalemama na꞉ elo mate halopo telepe,” duwapo.

Hibulu 12:23

Epame mo edla Godta ka꞉yapa hohomale akimlala Pepele dimo dla yia꞉ hi hutiye so ma medla me-ha꞉ha꞉po. Epame opa hapuloma koko gladlalo God ma edla halapo. Epame God mila꞉pi tle ka꞉ka꞉depo ha꞉ha꞉mama palli so yia꞉nasama mape mo edla ha꞉ha꞉po. Adipalati, yia꞉ mape mo edla God tle pasakalo gadle halopo ha꞉ha꞉po.