Yeneses 49:27 - Kamula

²⁷ Amasiyama Benyamin wa꞉ye moko esemala epapele some hallepe. Wa꞉tapo wa꞉ dla opahale dlalo soye potipame yia꞉ alisisiye halopo puame wa꞉ opa dla hukulupo alema demhallepe.”

Yeneses 49:27 Iomraidhean Croise

Yeneses 35:18

Amasiyama Leisoltapo dupa mosukulu ketame tulluwedeme yukamama maseyemala hiye Benoni diyo. Ya꞉ epo atlepame mo-powaiyo. Amasiyama Yokobtapo maseyemala e ya꞉ hiye ma Benyamin diyo.

Yeneses 46:21

Epame Benyaminta hatitimale akimlalaye iwolopo, Bela, epo Bekel, epo Asbel, epo Gela, epo Naman, epo Ehi, epo Los, epo Mupim, epo Hupim, epo Alad.

Yeneses 49:26

Epedeme na꞉ maseyemala, na꞉ta atlamale ka꞉ka꞉dle koko itapo wa꞉ dla pasatamama tamali aloweli selemalliye bopudlepe. Adipalati, wa꞉tapo wa꞉ bapadulo dulu dla itapu hamale some hallepe.

Yeneses 49:28

Epapedeme yu iye Yokobtapo itapu dla ya꞉ akimlala 12 dla wowoyamolowe kokoye momolo atlamale yu ipo. Epedeme Yokob ya꞉ akimlala 12 iwolotapo Isalael so elele 12 sitali ha꞉ha꞉po.

Ma꞉tiyu 10:16

“Epapedeme na꞉ wua꞉ye sipi aliya halo epapele some moko esemala kakasilamale dulu dla taiya dema. Epedeme wua꞉ ilamata kakaletalimale epapele some ha꞉ha꞉iya. Epame wua꞉ ma banapita ullu pa꞉pame salladepo sela꞉mdiye, wua꞉ ma epapiya.

Ma꞉tiyu 7:15

“Ka꞉e, wolomape! Wua꞉ biskapa God yu molo atlamalalo soye woloma natiya. Adipalati, yia꞉ye kapala di tle ka꞉ka꞉dle so some pumdepo. Amasiyama yia꞉ opasi dulu tle moko esemala kakasilamale epapele some pumdepo.

Taiya dle so 20:29

Na꞉malamana, na꞉ta ma-tlati opa opita moko esemala kakasilamale epapele some wua꞉ dulu dla puame wua꞉ haloye poyulupe.

Taiya dle so 9:1

Yelusalem dla Solta mikadepe dle so dla ala me-elle pato elemama yia꞉ye potimolowa demdiyo. Epammama ya꞉tapo Damasko mo dla mikadepe dle so opa mate wola꞉ mate hohopo Yelusalem dla elempuluwedeme aiyalma aya dokopala oplami natila taiyo. Epalati aiyalma aya dokopala oplamita ya꞉ watle yu itiyamale ilimale hamimama epo atlaiyo, “Yu ilimale ita wa꞉ watle itiyamale hamipo, wa꞉tapo Damasko mo dla tame Yesu dla mikadepe dle so hapuloma hohomelepo depame. Epedeme wa꞉ tame Damasko dla Yu so inoma sumalalo aya dokopala so watle yu ilimale iye hamine,” diyo.

Pilipi 3:5

Adipalati, na꞉ waita na꞉ hampame alila 7 pololepo gudlati 8 alila dla na꞉ kapala kestauwapo. Na꞉ye Isalael so dulu dla Benyamin elele halë oplamipo. Epapedeme na꞉ye Hibulu oplami ikadepepo. Epo na꞉ye Pa꞉lisi oplami halemama Godta aiyalma hatitimale hapulomaye woloma dolumpumama hale pohamastana.