Yeneses 48:19 - Kamula

¹⁹ Amasiyama ya꞉ ata Yosep watle epo atlaiyo, “Na꞉ta koko i haye na꞉malamana. Adipalati, ya꞉ ei yemala Eplaim ya꞉ mamadulotapo sikemte pasatamama ya꞉ bapa Manase ya꞉ mamaduloye tla꞉mtelepe,” diyo.

Yeneses 48:19 Iomraidhean Croise

Yeneses 17:4

“Na꞉ta wa꞉ dla yu itiyapo himiliye ipo, wa꞉tapo ta꞉la so hapuloma yia꞉ a hallepe. Epedeme wata oloma hema wa꞉ hiye ma po-A꞉iblam dlowa, amasiyama wa꞉ hiye ma A꞉iblaham dlepe.

Yeneses 25:23

“Opa alumale dapiyamtetapo wa꞉ koko dulu dla popa꞉po. Alumale dapiyamte ewolotapo wa꞉ koko dulu tle wowoyapo ha꞉ha꞉mama yia꞉ dulu dla opahale demha꞉ha꞉lepe. Yia꞉ta dapiyamteta epo opahale demha꞉ha꞉le dulu dla haletapo itiyamale mate hallati asiyama haletapo pase itiyamale mate hallowa. Epedeme ya꞉ bapatapo ya꞉ ei yu dla salladepo sela꞉lepe,” diyo.

Yeneses 25:28

Aisektapo Isoye sikemte malamdiyo. Adipalati, Isota alinepi siyopo pulati demama ka꞉pi demdiyo. Amasiyama Lebekatapo Yokob tlo sikemte malamdiyo.

Yeneses 28:14

Epame wa꞉ mamadulotapo sikemte pasatamama apupu some mo pato dla pasalalemtelepe. Wa꞉ mamadulo iwolo tle ta꞉la so hapuloma dla siyele hampulupe.

Yeneses 46:3

Epalati Godtapo ya꞉ watle epo atlaiyo, “Na꞉ye wa꞉ a Aisek ya꞉ Godpo. Epedeme wa꞉ Isip mo dla tloweye powota꞉lowa. Adipalati, edla na꞉tapo wa꞉ mamadulo pasatepo mellowepo.

Yeneses 48:14

Amasiyama Yokobtapo akimlala dapiyamte iwolo dla inoma sumale mate yia꞉ye God dla ta꞉demama ya꞉ dowala dotapo ya꞉ ei Eplaim dokopala dla hamaiyo. Epalati ya꞉ weke dotapo ya꞉ bapa Manase dokopala dla hamaiyo. Epo halemama epo atlaiyo, “Na꞉ mama A꞉iblaham mate epo na꞉ a Aisek mate yia꞉ God wa꞉tapo na꞉ pasakaloye woloma omhalemduwapo.

Bobotimatimale 7:6

Epame Asel elele dulu dla 12,000 opata ulu halomuwa. Epame Naptali elele dulu dla 12,000 opata ulu halomuwa. Epame Manase elele dulu dla 12,000 opata ulu halomuwa.

Bobotimatimale 7:8

Epame Sebulun elele dulu dla 12,000 opata ulu halomuwa. Epame Yosep elele dulu dla 12,000 opata ulu halomuwa. Epame Benyamin elele dulu dla 12,000 opata ulu halomuwa.