Yeneses 48:14 - Kamula

^14-15 Amasiyama Yokobtapo akimlala dapiyamte iwolo dla inoma sumale mate yia꞉ye God dla ta꞉demama ya꞉ dowala dotapo ya꞉ ei Eplaim dokopala dla hamaiyo. Epalati ya꞉ weke dotapo ya꞉ bapa Manase dokopala dla hamaiyo. Epo halemama epo atlaiyo, “Na꞉ mama A꞉iblaham mate epo na꞉ a Aisek mate yia꞉ God wa꞉tapo na꞉ pasakaloye woloma omhalemduwapo.

Yeneses 48:14 Iomraidhean Croise

Yeneses 41:51

Epalati Yoseptapo itapu hamale maseyemala ya꞉ hiye Manase depame epo atlaiyo, “Godtapo na꞉ta upiyele dulu dla puwa malamale mate epame na꞉ta totosomale mate mo-welipo hamastauwapo,” diyo.

Yeneses 41:52

Epame ya꞉ maseyemala hale hiye Eplaim depame epo atlaiyo, “Godtapo na꞉ta upiyele hamhaluwa mo hema yimlalaye halopima,” diyo.

Yeneses 46:20

Epapeleye Yoseptapo Heliyopolis mo dla alinepi poyupo god dla hamilalo oplami Potipela yoti Asenat haiyo. Epame akimlala dapiyamte hatitimaiyo, yia꞉ hiye Manase mate epo Eplaim matepo.

Yeneses 48:13

Epame Yoseptapo ya꞉ maseyemala pato Manaseye ya꞉ a do dowala tiyama dla pameliyo. Epalati ya꞉ ei Eplaimye hamame ya꞉ a do weke tiyama dla pameliyo.

Yeneses 48:17

Amasiyama Yokobtapo ya꞉ dowala dota Eplaim dokopala dla hama epela asiyama ya꞉ weke dota ya꞉ bapa Manase dokopala dla hama depo halemama inoma sumalati yami Yosepta koko e natipame posiyeiyo. Epammama ya꞉tapo ya꞉ a doye alikili a꞉ma poloko demama epo atlaiyo, “A, wa꞉ dowala doye itapu hamale maseyemala dokopala dla pohamamhalasema. Amasiyama ma ya꞉ ei yemala dokopala dla hamamhalapo. Epedeme wa꞉ dowala doye itapu hamale maseyemala Manase dokopala dla hamolowe ka꞉pi,” diyo.

Ekesedes 15:6

Epame God wa꞉tapo Isip soye wa꞉ta itiyamale pato mate mo-potipo hamastalepo.

Ma꞉tiyu 16:18

Epedeme Pita, na꞉ wa꞉ dla atlema, wa꞉ye ewalapo. Epedeme na꞉tapo ewala tama hema na꞉ sosye kotiyamolowepo. Epapele dulu dla polowe itiyamaletapo sos eye potla꞉mtlowa.

Ma꞉tiyu 19:13

Opa opitapo yia꞉ yimlalaye Yesu hala dla elempumulaiyo, Yesutapo yia꞉ yilo inoma sumama ya꞉ do mate yia꞉ u-umamelepo depame. Epalati ya꞉ alotle tlalo sota koko e natipame yia꞉ye humatlaiyo.

Ma꞉tiyu 19:15

Epame ya꞉tapo ya꞉ do mate yia꞉ u-umapame ma mo hale dla taiyo.

Ma꞉tiyu 6:5

“Epame wua꞉ inoma sumama yiskamu pepeyalimalalo so some ha꞉ha꞉miya. Adipalati, yia꞉ye opata yia꞉ natilipo depame mo duka dla epame inoma sumalalo aya dulu dla itapu ikadepe dla tuwame ha꞉ha꞉mama inoma sumha꞉ha꞉mdepo. Epedeme na꞉ ikadepe koko wua꞉ watle atlema. Yia꞉ta epapele koko halomha꞉ha꞉ tle yia꞉ asiyama ma-hamha꞉ha꞉po. Epapedeme yia꞉ God tle asiyama hale pohalowa.

Ka꞉dle molo atlale yu Lukta ilimale 13:13

Epo atlepame Yesuta ya꞉ do mate a꞉ya eye umaiyo. Epalati pakasiyamalalo poutamsela꞉lalo a꞉yatapo matle dolepo sela꞉lowe kotiyapame God dla siyele ta꞉diyo.

Ka꞉dle molo atlale yu Lukta ilimale 4:40

Salita mo-tullati opata esusulumale so hapulomaye Yesu watle eleme pumhalaiyo. Epalati ya꞉tapo ya꞉ do mate esusulumale so hapulomaye hohopame ka꞉ka꞉diyo.

Taiya dle so 13:3

Epalati yia꞉ta daya aiyalma depo ha꞉ha꞉po gudepame Banabas mate Sol mate dota hohopo inoma supame God oko dla taiya diyo.

Taiya dle so 6:6

Yia꞉ opa 7 iwolo hohopame Taiya dle so hala dla elempuaiyo. Epalati Taiya dle sota opa iwoloye dokopala dla hohopo inoma sumaiyo.

1 Timoti 4:14

Epame sos dokopala sotapo wa꞉ dokopala dla hamame inoma sumama wa꞉ watle molo atlale oloma dla Hela꞉dle Sokota wa꞉ watle hamili oko hamiwa eye woloma itiyamale mate hamhalane.

1 Timoti 5:22

Epame wa꞉ hahapila꞉le mate opaye sos dokopala ha꞉ha꞉lepo depame hapele huhulupo yia꞉ dokopala dla do mate hohopo inoma suma demhalemiya. Epame opa opita batalimale koko dulu dla tullati wa꞉ mate tuludemhalemiya. Amasiyama wa꞉ wa꞉skamu wa꞉ motota batalimale koko dla tullala depame hamalalo halane.