Yeneses 43:30 - Kamula

³⁰ Amasiyama Yoseptapo Benyamin sikemte malamama ya꞉ta ellalo dulu dla tuwame amaiyo.

Yeneses 43:30 Iomraidhean Croise

Yeneses 42:24

Epeleye Yoseptapo ya꞉ bapadulota epo yu hamyela dalepame helestame tumama amaiyo. Epame ma helestame halemama ya꞉ bapadulo dulu dla Simiyon tlo hamame do keketipoliyepo amtuwale aya dulu dla ka꞉staiya, diyo.

Yeneses 45:2

Epapele dulu dla Yoseptapo sikemte di dla amalati ya꞉ oko sotapo dalepame ma tame Pelo atlaiyo.

Yeneses 46:29

Epalati Yudatapo tame Yosep atlati ya꞉tapo ya꞉ aliya koa tle tame Gosen mo dla ya꞉ a umaiyo. Epame ya꞉tapo ya꞉ a mila꞉pi natipame ya꞉ a dla poposila꞉lepo hamame sikemte ammama kelliwe pa꞉iyo.

Taiya dle so 20:19

Na꞉ alila hapuloma dulu dla God oko halowe dla po-alimdena. Epammama naskamu di dla pohamhetamsela꞉na. Epame Yu sota na꞉ye yumuluwedeme wotiyalle hapimyelati dulu metle kaiyo mate God oko hamtauwapo.

Taiya dle so 20:31

Epedeme wua꞉ yu i malaha꞉ha꞉mama woloma omha꞉ha꞉iya. Adipalati, na꞉tapo sokomoko dapahatlope dulu dla alila hapuloma epo utula꞉la hapuloma dla koko hema wua꞉ dla amale mate imsela꞉mduwapo. Epapedeme na꞉ta imale koko iye wowelimiya.

Taiya dle so 20:37

Epame yia꞉ta hapulomata a꞉luwa. Adipalati, Polota yia꞉ watle atlemama, “Wua꞉ ma na꞉ mila꞉pi ponatilowa,” dlati. Epo yia꞉tapo Poloye huhulapame koa sitali dla semtuluwa.

Pilipi 1:8

God ya꞉malamana, na꞉ta wua꞉ natilowedeme solotamale pato himme hala kokoye. Adipalati, na꞉tapo wua꞉ye Yesu Kelisota bokotiyapo malamale mate wua꞉ye sikemte malahalema.

Pilipi 2:1

Wua꞉ Keliso dulu dla ha꞉ha꞉lati itiyamale hamdi? Epame ya꞉ta bokotiyapo malamaleta wua꞉ye gademdi? Epo dulu edla wua꞉ Soko mate hatlope demdi? Epame wua꞉ dulu dla ya꞉mkale polowamale mate gadlowe koko mate elema꞉?

Kolosi 3:12

Epedeme wua꞉ye God ya꞉ opapo. Ya꞉tapo wua꞉ye bokotiyapo malapame ma-sesalemuwapo. Epedeme wua꞉ sadle mate ha꞉ha꞉mama yimkadulo polowamale mate ha꞉ha꞉iya. Epame wua꞉ amkadulo dla namkale dle mate ha꞉ha꞉mama yimkadulo yu dla heodemha꞉ha꞉iya.

2 Timoti 1:4

Epame dita yimkata ha꞉ha꞉pame na꞉ta wa꞉ saliyome tlati wa꞉ta na꞉ yilo sikemte amuwaye na꞉ e powelimhalasema. Epedeme na꞉ wa꞉ mila꞉pi matle natipame sikemte siyele mate hallowe solotama.

1 Yon 3:17

Epapedeme oplami hale alisisi pasataletapo ya꞉mkale mikadepe dle oplami alisisi pa꞉le hallati natipame ya꞉ gadlowe allipiye, ya꞉ dupa dulu dla God sikemte malamaleye hawa ikadepepo.