Yeneses 43:16 - Kamula

¹⁶ Yia꞉ Isip mo dla tame Yosep hala dla woyamalati Yoseptapo Benyamin natipame ya꞉ oko oplami watle epo atlaiyo, “Opa iwolotapo wata alila dla na꞉ mate daya delepe. Epedeme yia꞉ye na꞉ aya dla eleme hetame aliya halo yumpo di daya ha꞉ne,” diyo.

Yeneses 43:16 Iomraidhean Croise

Yeneses 15:2

Amasiyama A꞉iblamta epo atlaiyo, “Na꞉ pato God, wa꞉ apa kokoye na꞉ watle hamipa꞉? Adipalati, na꞉ maseyemala pa꞉le halema. Epedeme na꞉ta polati na꞉ oko oplami, Damasko dla hallalo Eliyeselta na꞉ elo dla hallalo hallepe. Adipalati, wa꞉ta na꞉ watle akimlalaye pohapina,” diyo.

Yeneses 21:8

Aisekta ta꞉mtamama meme memellati ya꞉ a A꞉iblahamtapo daya dele pato dinapiyo.

Yeneses 26:30

Epalati Aisektapo daya dele pato dinapopame yimkata daya deiyo.

Yeneses 31:54

Epame Yokobtapo tamali di dla God hi di dla ta꞉demama aliya halo yumpame God watle hamiyo. Epo ya꞉ asiyadulo watle daya dla puaiya diyo. Epapeleye yia꞉ daya depame tamali di medla hutiyeiyo.

Yeneses 43:17

Epalati Yosep ya꞉ oko oplamitapo Yosepta atlale koko dolumama yia꞉ye elemhetaiyo.

Yeneses 43:19

Epapeleye yia꞉ Yosep aya dla tame woyapame ya꞉ oko oplami watle epo atlaiyo,

Yeneses 44:1

Epapele dulu dla ya꞉ bapadulota daya ma-dempopa꞉po gudlati Yoseptapo tuwame ya꞉ oko oplami watle epo atlaiyo, “Wa꞉ opa iwolo dayaye yia꞉ yekalo dla atilimama sikemte poposatilimane. Epame yia꞉ mani mape i-ilapo hatine.

Yeneses 44:4

Epapeleye yia꞉ ala mo saliyome mateka꞉pi tiyama dla me-tamha꞉ha꞉lati Yoseptapo ya꞉ oko oplami watle atlemama, “Wa꞉ opa ala tamalale so alotle dodolomtame yia꞉ watle ipo atlane, ‘Na꞉ dokopala oplamitapo wua꞉ dla ka꞉dle koko halepo. Epapele tlope wua꞉ adipalati batalimale koko hamama ya꞉ta yú dlalo isilakoye uhampuo? Isilako etle na꞉ dokopala oplamitapo itapu dla wowoyamolowe kokoye atlamdepo,’ dene,” diyo.