Yeneses 42:19 - Kamula

^19-20 Wua꞉ dulu dla oplami hale tlo amtuwale aya dla ka꞉stlowepo. Amasiyama opi wua꞉ tlope daya halopame ma ilame wua꞉ a hala dla tamalaiya. Amasiyama wua꞉ ei yemalaye na꞉ watle seme puaiya. Epele dulu dla wua꞉tapo ikadepe ya꞉ye seme pulupiye, na꞉ eta wua꞉ta atlamale kokoye ikadepe tepo dlowepo. Epalati na꞉tapo wua꞉ye popotimolowa,” diyo. Epalati Yosep ya꞉ bapadulotapo yu e dalepame yu hale po-atlalo me-ka꞉pi diyo.

Yeneses 42:19 Iomraidhean Croise

Yeneses 41:56

Epapeleye daya pa꞉le kokota Isip mo patoye ma-halati asiyama Yoseptapo dlowe alisisi kokolumale aya patoto halomale kokolomaye dodokotimaiyo. Epalati Isip sota ya꞉ hala dla puame dayaye mani mate halomha꞉ha꞉iyo.

Yeneses 42:18

Alila dapahatlope mogudlati Yoseptapo yia꞉ watle epo atlaiyo, “Na꞉ye God yu dla heodlalo oplamipo. Epedeme wua꞉ na꞉ta atlati koko eye halepiye, eta wua꞉ye po-potimolowa me-ha꞉ha꞉lepe.

Yeneses 42:26

Epapalati Yosep ya꞉ bapadulotapo yekalo daya atilimaleye donki aliya di dla kolupame ma Keinan mo dla ilame tamalaiyo.

Yeneses 42:33

Epalati Isip dokopala oplamitapo di watle ipo atluwa, ‘Wua꞉ dulu dla wua꞉ bapa hale tlo medla pomelepo daya halopo ma ilame tame wua꞉ a hala dla tamalaiya,’ duwa.

Yeneses 45:23

Epame ya꞉ a watle namkale dle hamimama donki aliya 10 dla Isip mo dla alisisi ka꞉ka꞉dle hutiyeleye kolupame hamiyo. Epame donki aliya molala 10 dla daya kolupo hamiyo, ya꞉ atapo Isip mo dla pumama daya dempulupo depame.