Yeneses 41:30 - Kamula

^30-31 Amasiyama ma alotle sokomoko 7 opi dulu dla emale alisisitapo woloma ka꞉pi pomatlalo gegeyalimama pallipe. Oloma edla dayata pa꞉mama Isip mo patoye sikemte batalipo hamastlepe. Epapele dulu dla opatapo daya pa꞉le dulu edla ha꞉ha꞉mama yia꞉ta ka꞉yapa sokomoko 7 ka꞉ka꞉dle dulu dla ha꞉ha꞉mama dlowe alisisi sikemte poposatilipo ha꞉ha꞉uwa kokoye wowellipe.

Yeneses 41:30 Iomraidhean Croise

Yeneses 41:21

Amasiyama yia꞉ta epo gola꞉gola꞉depo ha꞉ha꞉le alotle natilati yia꞉ dulu dla teta꞉le ponatina. Amasiyama yia꞉ta hapulomatapo poteta꞉lalo isikimi mepo ka꞉yapa bobatlalipo ha꞉ha꞉uwaye, ma mepo ha꞉ha꞉la nati. Na꞉ epalati ma elale tle yiele.

Yeneses 41:27

Amasiyama wa꞉tapo bulumkiyawa aliya sikemte bobatlalimale 7 tlamale mate epo witi daya gegeyalimaleta sosoumale 7 tlamale mate yia꞉ dulu koko mape sokomoko 7po. Amasiyama sokomoko 7 dulu edla daya pa꞉le kokota ellepe.

Yeneses 41:51

Epalati Yoseptapo itapu hamale maseyemala ya꞉ hiye Manase depame epo atlaiyo, “Godtapo na꞉ta upiyele dulu dla puwa malamale mate epame na꞉ta totosomale mate mo-welipo hamastauwapo,” diyo.

Yeneses 41:54

Epalati Yosepta atlamale koko mate ala꞉mama ma sokomoko 7 dulu dla sali pato sisilapomama daya pa꞉lowe alilatapo mo-kotiyamaiyo. Epapele oloma dla mo hapulomatapo dlowe alisisita mo-pa꞉iyo. Amasiyama hatlo Isip mo dla Yosepta aya patoto halomale dulu dla dlowe alisisita me-poposatilipo hutiyeiyo.

Yeneses 41:56

Epapeleye daya pa꞉le kokota Isip mo patoye ma-halati asiyama Yoseptapo dlowe alisisi kokolumale aya patoto halomale kokolomaye dodokotimaiyo. Epalati Isip sota ya꞉ hala dla puame dayaye mani mate halomha꞉ha꞉iyo.

Yeneses 47:13

Epapeleye daya pa꞉le kokotapo mo pato hamama Isip mo mate epo Keinan mo mate dla dlowe alisisi emaletapo hapuloma paliyo.

Ka꞉dle molo atlale yu Lukta ilimale 4:25

Epedeme wua꞉ daliya, Ilayata halale oloma edla sali silaple patota puwapo. Epalati sokomoko dapahatlope epo mama 6 dulu dla tiyota pehellalo haluwapo. Oloma edla Isalael mo dla dupulapitalo me-popa꞉uwapo.

Yeims 5:17

Epedeme wua꞉ natiya, di mama Ilayaye oplami dia꞉ sepele haluwapo. Ya꞉tapo tiyo pehellalo hallepo depame inoma sumale kokalle himilati tiyota pehellalo sokomoko dapahatlope gudepo ma mama 6 pololuwapo.