Yeneses 36:9 - Kamula

⁹ Isoye Edom elele halë so yia꞉ mama patopo. Epedeme ya꞉ mamadulo Seil mo dla ha꞉ha꞉lalo so yia꞉ hiye ipo.

Yeneses 36:9 Iomraidhean Croise

Yeneses 19:37

Yoti patotapo maseyemala hamaiyo, epame ya꞉ hiye Moab, diyo. Epedeme maseyemala itapo Moab so wata ha꞉ha꞉ yia꞉ mama pato halapo.

Yeneses 32:3

Yokobtapo ya꞉ yu hamtlalo so taiya demama yia꞉ watle epo atlaiyo, “Wua꞉ tame na꞉ bapa Iso watle yu ipo atlaiye, ‘Na꞉ye Yokobpo, ya꞉ yu dla salladepo sela꞉lalo oplami. Na꞉tapo Laban mate halepo gudepame ma wata ya꞉ hala dla ilame pumhalema,’ diye. Epame ya꞉ dla ma ipo atellepe, ‘Na꞉ye na꞉ bulumkiyawa aliya mate epo donki aliya mate epo sipi aliya mate epame na꞉ oko so mate puma,’ diye. Epame matle ya꞉ watle epo atlaiye, ‘Na꞉ yu iye ya꞉ dla hamima, ya꞉tapo na꞉ta pua kokoye momolo malapame na꞉ye sadle mate selepo depame,’ diye,” diyo. Epapeleye ya꞉tapo ya꞉ opa watle yu ipo atlepame ya꞉ bapa Iso hala dla taiya diyo. Epalati yia꞉tapo tame ya꞉ bapa Isoye Seil mo dla hallati natipame yu eye atlamaiyo.

Yeneses 36:10

Iso ya꞉llu hale Adatapo maseyemala hatlo himiyo, ya꞉ hiye Elipas. Epalati Elipas ya꞉ akimlala hiye Teman, epo Omal, epo Sepo, epo Gatam, epo Kenas. Epame Iso yami Elipasta ma a꞉ya hale Timna hapame maseyemala hatlo himiyo, ya꞉ hiye Amalek. Iso ya꞉llu hale Basemattapo maseyemala hatlo himiyo, ya꞉ hiye Luwel. Epame Luwel ya꞉ akimlala hiye Nahat, epo Yela, epo Sama, epo Misa.