Yeneses 36:6 - Kamula

^6-8 Epapedeme Iso mate epo Yokob mate yia꞉ta madipatata Keinan mo dla ha꞉ha꞉le dulu dla yia꞉ aliya halota sikemte pasatamama mo ha꞉ha꞉lowe kustimalati ya꞉ bapa Isotapo ya꞉ wola꞉ mate epo ya꞉ yimlala mate epame ya꞉ aliya halo mate epo ya꞉ alisisi hapuloma mate ma mo hale Seil mo dla ha꞉ha꞉la taiyo.

Yeneses 36:6 Iomraidhean Croise

Yeneses 13:11

Epedeme Lottapo Yoden aloma pili dla mo halowe solotamale atlaiyo. Epapedeme yia꞉ta madipatatapo duka gladepame meyelo ma-ta meyelo ma-ta diyo.

Yeneses 13:6

Amasiyama yia꞉ta madipatata yia꞉ halo hapuloma mate ha꞉ha꞉le dulu dla mota yia꞉ mate po-ala꞉iyo.

Yeneses 17:8

Epame wata wa꞉ta Keinan mo dla asepe oplami some hala mo iye na꞉tapo wa꞉ watle epo wa꞉ mamadulo watle hamilowepo. Ta꞉la itapo mepo kokó wua꞉ hi mate ellepe. Epame na꞉ta wa꞉ mamadulo yia꞉ God hallowepo.”

Yeneses 25:23

“Opa alumale dapiyamtetapo wa꞉ koko dulu dla popa꞉po. Alumale dapiyamte ewolotapo wa꞉ koko dulu tle wowoyapo ha꞉ha꞉mama yia꞉ dulu dla opahale demha꞉ha꞉lepe. Yia꞉ta dapiyamteta epo opahale demha꞉ha꞉le dulu dla haletapo itiyamale mate hallati asiyama haletapo pase itiyamale mate hallowa. Epedeme ya꞉ bapatapo ya꞉ ei yu dla salladepo sela꞉lepe,” diyo.

Yeneses 28:4

Epame Godtapo A꞉iblaham watle ta꞉la i hamilowedeme yu itiyapo himiwaye ma alotle wa꞉ watle hamilipe. Amasiyama ditapo ta꞉la hema watapo asepe so some ha꞉ha꞉po,” diyo.

Yeneses 32:3

Yokobtapo ya꞉ yu hamtlalo so taiya demama yia꞉ watle epo atlaiyo, “Wua꞉ tame na꞉ bapa Iso watle yu ipo atlaiye, ‘Na꞉ye Yokobpo, ya꞉ yu dla salladepo sela꞉lalo oplami. Na꞉tapo Laban mate halepo gudepame ma wata ya꞉ hala dla ilame pumhalema,’ diye. Epame ya꞉ dla ma ipo atellepe, ‘Na꞉ye na꞉ bulumkiyawa aliya mate epo donki aliya mate epo sipi aliya mate epame na꞉ oko so mate puma,’ diye. Epame matle ya꞉ watle epo atlaiye, ‘Na꞉ yu iye ya꞉ dla hamima, ya꞉tapo na꞉ta pua kokoye momolo malapame na꞉ye sadle mate selepo depame,’ diye,” diyo. Epapeleye ya꞉tapo ya꞉ opa watle yu ipo atlepame ya꞉ bapa Iso hala dla taiya diyo. Epalati yia꞉tapo tame ya꞉ bapa Isoye Seil mo dla hallati natipame yu eye atlamaiyo.

Yeneses 36:5

Epame Iso ya꞉llu hale Oholibamatapo akimlala dapahatlope hatitimaiyo, yia꞉ hiye Yus, epo Yalam, epo Kola. Epedeme Isotapo Keinan mo dla halemama akimlala iwoloye hatitimaiyo.

Bobotimatimale 18:13

Epame daya dla goudepo dlalo alisisi mila꞉pi meyelope meyelope dle mate, epo ka꞉depo seyamale pamalalo alisisi mate, epame osokolo mate. Epame wain yú mate epame olipi ope mate, epo palawa daya mate, epo bulumkiyawa mate epo sipi aliya mate, epame hos aliya mate epo aliya koa mate, epame asiyama pa꞉le dla oko halomha꞉ha꞉lalo so opa mate.