Yeneses 35:5 - Kamula

⁵ Epame Yokob mate epo ya꞉ wola꞉ mate epo ya꞉ yimlala mate epame opa opi yia꞉ mate tale so mate ma-tamalaiyo. Amasiyama Godta mo yimlala mateka꞉pi dla popa꞉myale so dla wowota꞉le hamilati yia꞉tapo Yokob wolota ma-tlati yia꞉ mate opahale dlowedeme yia꞉ alotle podolumtamallalo wekiyo.

Yeneses 35:5 Iomraidhean Croise

Yeneses 34:30

Amasiyama Yokobtapo koko i dalepame Simiyon mate epo Libai mate dla epo atlaiyo, “Wua꞉ adipalati koko ipapele hao? Watapo mo hema ha꞉ha꞉lalo Keinan so mate epo Pelisi so matetapo dia꞉ dla sikemte elle pato himilipe. Epedeme wua꞉ natiya, dia꞉ye opa pase pato, epapedeme yia꞉tapo dia꞉ mate opahale dlepiye, yia꞉ta di poyulupe,” diyo.

Yeneses 35:4

Epapalati opatapo yia꞉ dulu dla dlopi dota mimita꞉pele biskapa god mate epo sutulu mate uptipame Yokob watle halopiyo. Epalati ya꞉tapo alisisi eye halopame Sekem mo mateka꞉pi dla dali pato hallalo hala sitali isili dla muwalepo hatiyo.

Ekesedes 34:24

Amasiyama wua꞉ta ta꞉la halowedeme ha꞉ha꞉ mo edla ha꞉ha꞉lalo soye na꞉tapo dodolomsalepame ma ta꞉la eye popolalepo mellowepo. Epalati wua꞉ta mo edla ha꞉ha꞉mama sokomoko hatlo dulu dla alumale dapahatlope i halomha꞉ha꞉lati opa ewolotapo ma ilampuame wua꞉ ta꞉la halowedeme wua꞉ye pokotlomolowa.