Yeneses 31:34 - Kamula

³⁴ Amasiyama biskapa dlopi dota mimita꞉pele god eye Leisoltapo duli dulu dla hatipame ka꞉mol aliya dimsisi di dla himpame di tle polaiyo. Epapele koko tle Labantapo Leisolta ellalo mo dla tuwame totamalati ponatilalo wekiyo.

Yeneses 31:34 Iomraidhean Croise

Yeneses 31:17

Epedeme Yokobye ya꞉ doko Labanye po-atlalo hemele mo-tlowedeme ma-dinapiyo. Amasiyama alila oloma eye Labantapo ya꞉ aliya halo dlaloye ketlemhalla taiyo. Epalati yoti Leisoltapo mo-tlowedeme sela꞉mama hemele hetame ya꞉ a Laban aya dla biskapa god dlopi dota mimita꞉peleye halomaiyo. Epame Yokobtapo ya꞉ wola꞉ dapiyamte mate epo ya꞉ yimlala mate ka꞉mol aliya di dla ipila꞉pame ya꞉ a Aisekta hala mo Keinan dla ilame ma-tamalaiyo. Yia꞉ tamalemama yia꞉ alisisi hapuloma mate aliya halo hapuloma mateye eleme tamalaiyo. Yia꞉ tame Yupalates aloma patoye ulupame ma Giliyad mo dla hetamalaiyo.

Yeneses 31:33

Epalati Labantapo ya꞉ biskapa dlopi dota mimita꞉pele godye totamtame Yokobta ellalo dla tuwame totama, epo ma Liyata ellalo dla tuwame totama, epame ma tuwame Liya mate epo Leisol mate yia꞉ gadlalo wola꞉ta hutiyelalo dla tuwame totama diyo. Amasiyama ya꞉ ponatiyo. Epalati ma mosukulu dla Leisolta ellalo dla totamala tuwaiyo.

Yeneses 31:35

Epame Leisoltapo ya꞉ a Laban watle epo atlaiyo, “A, na꞉ta ka꞉mol aliya di tle alikili a꞉ma potullalo pola koko dla wa꞉ na꞉ dla ase sikemte siyalademiya. Adipalati, na꞉ye na꞉ toto koko natipo poloma,” diyo. Epapalati Labantapo kimna꞉ya duluye sikemte totamaiyo, amasiyama ya꞉ ponatiyo.