Yeneses 30:4 - Kamula

⁴ Epammama Leisotapo Bilhaye ya꞉wolali Yokob watle hamiyo.

Yeneses 30:4 Iomraidhean Croise

Yeneses 16:2

Epapeleye Selaita A꞉iblam watle epo atlaiyo, “Na꞉ Godta na꞉ta yimlala hohomolowe apiye godena. Epapedeme wa꞉ wata tame na꞉ oko a꞉ya ipilalo Hagai hane. Epame ya꞉ta yimlala hatitimelepiye, eye nolëpo,” diyo. Epalati A꞉iblamta Selai yu dla dalepo ka꞉dena depame Hagaiye haiyo. Epedeme koko iye A꞉iblamta tame Keinan mo dla sokomoko 10 halale oloma edla apiyo. Epalati alotle Hagaita ya꞉ta mopapo polaleye natipame A꞉iblam ya꞉llu ikadepe Selaiye kokosa꞉mdiyo.

Yeneses 21:10

Selata epapele koko natipame A꞉iblaham watle epo atlaiyo, “Na꞉ oko a꞉ya i mate epo yami mate alikili dla tane dene. Adipalati, na꞉ posolotamasema, Isip a꞉ya e yamita na꞉ maseyemala mate wa꞉ elo dla ha꞉ha꞉mama wa꞉ alisisi omha꞉ha꞉loweye,” diyo.

Yeneses 22:24

Epame Naholtapo ma a꞉ya hale Leuma hapame ma akimlala 4 hatitimaiyo. Yia꞉ hiye ipo, Teba, epo Gaham, epo Tahas, epo Maka.

Yeneses 25:1

A꞉iblaham ya꞉llu Selata powale alotle A꞉iblahamtapo ma a꞉ya hale Ketula hapame akimlala opi hatitimaiyo. Akimlala ewolo hiye ipo, Simlan, epo Yoksan, epo Medan, epo Midiyan, epo Isbak, epo Suwa.

Yeneses 25:6

Epame ya꞉ ma ala popolalo halemama Hagai mate epo Ketula mateta hatitimale akimlala dla namkale dle alisisi halopiyo. Epame yia꞉ye ya꞉ elo ikadepe dla hallalo maseyemala Aisek tle alikili a꞉ma salita matlalo tiyama dla taiya, diyo.

Yeneses 29:29

Epapeleye Labantapo ya꞉ oko a꞉ya Bilhaye Leisol gademsela꞉lepo depame hamame iyo.

Yeneses 30:5

Epalati Bilhata mopapo polopame maseyemala hamaiyo.

Yeneses 35:22

Epapele dulu dla Yokobta mo edla me-hallati me-ya꞉ maseyemala Lubentapo ya꞉ wai hale Bilhaye uhaiyo. Epapeleye ya꞉ a Yokobtapo koko iye alotle me-daliyo.

Yeneses 46:25

Epapele dulu dla akimlala iwoloye Yokob ya꞉llu hale Bilhata hatitimalepo. Epedeme ya꞉ akimlala mate epo ya꞉ awadulo mate hatlo godepo sesa꞉lati 7 umaiyo. Amasiyama Bilha iye Labanta yoti hale Leisol watle hamame ili oko a꞉yapo.