Yeneses 3:16 - Kamula

¹⁶ Epame Godta a꞉ya watle epo atlaiyo, “Wa꞉ta owayemala hammama wotiyalle haloweye na꞉ta ma pato dlowepo. Epalati wa꞉tapo wotiyalle mate owayimlala hohomhallepe. Amasiyama epapele tlope wa꞉ dla ala wa꞉wolali sikemte solotamale patota me-ellepe. Epalati ya꞉tapo wa꞉ omhallalo hallepe,” diyo.

Yeneses 3:16 Iomraidhean Croise

Yeneses 4:7

Wa꞉ta woloma ka꞉dle koko tlo hamatiye, eta na꞉tapo wa꞉ta namkale dle alisisi hamili dla siyelemla. Amasiyama wa꞉ poka꞉dle koko hamhallepiye, wa꞉ batalimaletapo wa꞉ye dokopala depo hallowedeme ma-dinapopo wa꞉ye omhalapo. Amasiyama koko eta wa꞉ dla woyamalala depame, wa꞉ itiyamale mate halane,” diyo.

Ka꞉dle molo atlale yu Yonta ilimale 16:21

Epapedeme wua꞉ natiya, a꞉yatapo owayemala hamale oloma edla ya꞉ wotiyalle natimdepo. Amasiyama ya꞉ta owayemala ma-hamale alotle wotiyalle ya꞉ta natiliye mo-welimdepo. Adipalati, ya꞉tapo owayemala amko hamale koko dla sikemte siyemdepo.

1 Kolin 11:3

Amasiyama wua꞉ malamaiya, Kelisotapo oplamiye dokopala depo halapo. Epalati asiyama oplamitapo ya꞉ a꞉yaye dokopala depo halapo. Epame Keliso mape ya꞉ dokopala oplamiye Godta halapo.

1 Kolin 7:4

Adipalati, a꞉yaye ya꞉wolali tetepo. Epedeme ya꞉tapo ya꞉skamu ya꞉ motoye po-omhalasema. Amasiyama ya꞉wolalita omhalapo. Epame asiyama oplami mape ya꞉llu tetepo. Adipalati, ya꞉tapo ya꞉skamu ya꞉ motoye po-omhalasema, ya꞉llutapo omhalapo.

Kolosi 3:18

Wola꞉, wua꞉wolalidulo yu dla salladepo siyamaiya. Adipalati, Lod dulu dla koko iye ka꞉pipo.

1 Tesalonika 5:3

Alila oloma edla opata epo atlamyelepe, “Haiya! Alila pta ka꞉pi. Dia꞉ dla koko hale hawa, siyele siyapota elapo,” demyelepe. Epamyelati pakasiyamalalo wotiyalle kokota yia꞉ dla pumama pallipe. Epedeme wua꞉ malamaiya, mopapo pollalo a꞉yata ya꞉ta owayemala hamolowe wotiyalleta ya꞉ dla pumdiye ya꞉ malapollati po-apesemde. Epapedeme e ma epapena. Opata alila e malaha꞉ha꞉lati populuwa. Epedeme alila hema oplami haleta poteletlowa.

1 Timoti 2:13

Adipalati, Godtapo A꞉dam tatle mita꞉pame ma alotle Ib mita꞉puwapo.

1 Timoti 2:15

Epedeme wola꞉tapo mepo yimlala hohomha꞉ha꞉lepe. Epame yia꞉tapo yia꞉ta mikadepe dle dulu dla ullu pa꞉po kokalepo ha꞉ha꞉mama opa hapulomaye bokotiyapo malamale mate koko ka꞉ka꞉dle halomha꞉ha꞉lepiye, Godtapo yia꞉ pasakaloye gadlepe.

Taites 2:5

Epame ka꞉dena, yia꞉tapo amkoteta꞉le so wola꞉ta ka꞉dle koko halomha꞉ha꞉mama yiskamu yia꞉ moto hohomolowe kokoye imelepe. Epame yia꞉wolalidulo mate yia꞉ yimlala mate woloma natilowe koko ma imelepe. Epame yia꞉tapo yia꞉wolalidulo yu dla sallademha꞉ha꞉lowe koko ma imelepe. Yia꞉ta epamha꞉ha꞉lepiye, pomikadepe dle sotapo koko e natimama God yu dla pobatalipo atlowa.