Yeneses 27:29 - Kamula

²⁹ Epame mo meyelope meyelope dle dla ha꞉ha꞉lalo opatapo wa꞉ yu dla heodepame salladepo siyamelepe. Epame wa꞉tapo wa꞉ asiyadulo dulu dla dokopala depo hallati yia꞉tapo wa꞉ hete sitali isili dla heode demha꞉ha꞉lepe. Epame oplami antapo wa꞉ dla wotiyalle hamilipiye, asiyama Godtapo ya꞉ dla wotiyalle hamilipe. Epame oplami antapo wa꞉ dla siyele hamilipiye, asiyama Godtapo ya꞉ dla siyele hamilipe,” diyo.

Yeneses 27:29 Iomraidhean Croise

Yeneses 25:33

Epalati asiyama Yokobta epo atlaiyo, “Wa꞉ ikadepe na꞉ watle me-hamili demama God hi tle yu itiyapo himmama atlane,” diyo.

Yeneses 27:30

Epapeleye Aisektapo Yokob watle koko hapuloma atlemhalepo gudepo Yokobta ma-tlati alotle Isotapo dlowe api sela꞉leta mo-puaiyo.

Yeneses 27:37

Amasiyama Aisektapo ya꞉ watle epo atlaiyo, “Na꞉tapo Yokob watle itiyamale ma-hamilipo, ya꞉tapo wa꞉ye dokopala depo halemama wa꞉ asiyadulo dla mape ya꞉ta dokopala depo hallepe. Epame na꞉tapo na꞉ emale alisisi osalo hapuloma ma ya꞉ dla ma-hapi. Epapedeme na꞉ matle apa kokoye wa꞉ watle hamipa꞉? Na꞉ dla koko opiye ma-hawa,” diyo.

Yeneses 27:40

Epame wa꞉tapo opa mate sikemte nalatimhalemama wa꞉ ei yu dla heodepame salladepo sela꞉lepe. Amasiyama wa꞉tapo ya꞉ tle alikili a꞉ma gladepo tame mowolo hallepe,” diyo.

Yeneses 37:10

Epame ya꞉ ma tame ya꞉ta milamnatiliye ya꞉ a watle atlaiyo. Epalati ya꞉ atapo yu i dalepame alimama epo atlaiyo, “I apa koko dla milamalo natimama api? Wa꞉ na꞉ mate epo wa꞉ wai mate epame wa꞉ bapadulo mateta puame wa꞉ hete sitali isili dla heoheodlepe depo malamama amma꞉?” diyo.

Yeneses 9:27

Epame Godtapo Yapet watle ta꞉la pato hamilipe. Epame Yapettapo Sem ya꞉ aya dla hallepe. Epalati Keinantapo yia꞉ yu dla salladepo sela꞉mama yia꞉ oko oplami hallepe.”

Ma꞉tiyu 25:40

Epalati dokopala oplamitapo asiyama epo atellepe, ‘Na꞉ ikadepe kokoye wua꞉ dla atlema. Wua꞉ta opa opi gagademduwaye na꞉ dla ammduwapo,’ dlepe.

Ma꞉tiyu 25:45

Epalati dokopala oplamitapo asiyama epo atellepe, ‘Na꞉ta wua꞉ watle ikadepe koko atlema. Wua꞉ta opa opi gadla allimduwaye na꞉ dla ammduwapo,’ dlepe.

Bobotimatimale 19:16

Epalati hi itapo ya꞉ tluka dla epo ya꞉ malla dla hutiyeuwa, “Dokopala so hapuloma yia꞉ dokopala oplamipo, epame patoto so hapuloma yia꞉ Lodpo.”