Yeneses 25:30 - Kamula

³⁰ Epalati ya꞉tapo ya꞉ ei Yokob watle epo atlaiyo, “Na꞉ ya꞉mkale, daya ta꞉mama pola yakoma. Epedeme wa꞉ tiyokona opo omteka꞉pele eye na꞉ watle hamine,” diyo. Epapele koko tle Iso ya꞉ hi haleye Edom demdepo.

Yeneses 25:30 Iomraidhean Croise

Yeneses 25:29

Alila hale dla Yokobtapo tiyokona opo ha꞉mhalaiyo. Epalati Isota to hamtaleta pumama daya sikemte ta꞉le mate puaiyo.

Yeneses 25:31

Epalati Yokobta asiyama epo atlaiyo, “Ka꞉dena, na꞉ wa꞉ watle hamilowepo. Amasiyama wa꞉ ka꞉yapa wa꞉ta di a elo dla halemama ya꞉ alisisi hapuloma omhallowe itiyamale hamhalaye na꞉ watle hamine,” diyo.

Yeneses 32:3

Yokobtapo ya꞉ yu hamtlalo so taiya demama yia꞉ watle epo atlaiyo, “Wua꞉ tame na꞉ bapa Iso watle yu ipo atlaiye, ‘Na꞉ye Yokobpo, ya꞉ yu dla salladepo sela꞉lalo oplami. Na꞉tapo Laban mate halepo gudepame ma wata ya꞉ hala dla ilame pumhalema,’ diye. Epame ya꞉ dla ma ipo atellepe, ‘Na꞉ye na꞉ bulumkiyawa aliya mate epo donki aliya mate epo sipi aliya mate epame na꞉ oko so mate puma,’ diye. Epame matle ya꞉ watle epo atlaiye, ‘Na꞉ yu iye ya꞉ dla hamima, ya꞉tapo na꞉ta pua kokoye momolo malapame na꞉ye sadle mate selepo depame,’ diye,” diyo. Epapeleye ya꞉tapo ya꞉ opa watle yu ipo atlepame ya꞉ bapa Iso hala dla taiya diyo. Epalati yia꞉tapo tame ya꞉ bapa Isoye Seil mo dla hallati natipame yu eye atlamaiyo.

Yeneses 36:1

Aisek yami Iso ya꞉ hi haleye Edom demdepo. Epame ya꞉ mape ya꞉ mamaduloye sikemte pasatana.

Yeneses 36:19

Epedeme elele meyelope meyelope dle hapuloma hema hutiyemtuluye, hatlo Iso tle kotiyamale elelepo. Iso ya꞉ hi haleye Edom.

Yeneses 36:9

Isoye Edom elele halë so yia꞉ mama patopo. Epedeme ya꞉ mamadulo Seil mo dla ha꞉ha꞉lalo so yia꞉ hiye ipo.

Ekesedes 15:15

Epame Edom dokopala so mate epo Moab dokopala so mate sikemte eseselalalimale mate dupa yulumama wowota꞉myelepe. Epame Keinan so tlo sikemte yiyellepe.