Yeneses 21:34 - Kamula

³⁴ Epame A꞉iblahamtapo Pilisteya mo medla alila selemalli halaiyo.

Yeneses 21:34 Iomraidhean Croise

Yeneses 20:1

A꞉iblahamta Mamele mo melepame ma Negeb mo dla tulume Kades mo ka꞉ epame Sul mo ka꞉ duka dla halaiyo. Epame matle Gela mo dla tame halaiyo.

Yeneses 22:19

Epame A꞉iblaham ma ilame tame ya꞉ oko so mate yimkata Belseba mo dla taiyo. Epame A꞉iblahamtapo mo medla me-halaiyo.

Hibulu 11:13

Opa hapuloma iwolotapo Godta yia꞉ mate yu itiyapo himili e halomolowe dla omha꞉ha꞉lowe kokoye pomelena. Amasiyama yia꞉tapo koko eye pohalomalalo paliwapo. Yia꞉ isikimi Godta yia꞉ watle hapili dle kokota ala pateka꞉mu tle pumulla natipame isikimi ka꞉dena duwapo. Adipalati, yia꞉ malamuwapo, yia꞉ye isikimi ta꞉lamo hema asepe so some ha꞉ha꞉po depame.

Hibulu 11:9

A꞉iblahamtapo Godta ya꞉ watle hamili dle mo edla tame woyapame asepe oplami some halemama mo e halowe dla mikadepe depo haluwapo. Epame ya꞉ta mo edla tame halemama kimna꞉ya halopo halemsela꞉mduwapo. Adipalati, ya꞉tapo Godta woloma ka꞉depo dinapeleta kokó ellalo mo edla hallowe tlo omtamama dalemhaluwapo. Epame ya꞉ ko tle yami Aisek mate epo ya꞉ mama Yokob matetapo yia꞉ mape kimna꞉ya halopo ha꞉ha꞉msiyamalati Godtapo A꞉iblaham mate yu itiyapo himiliye ma yia꞉ watle hamiwapo.

1 Pita 2:11

Mikadepe dle so namkadulo, wua꞉tapo ta꞉lamo hema ha꞉ha꞉mama asepe so some ha꞉ha꞉po. Epapedeme na꞉tapo wua꞉ye sikemte itiyamale mate atlema, wua꞉tapo wua꞉ mota solotamale koko dolumsiyamolowe dla aiyalma depo ha꞉ha꞉iya. Adipalati, mota solotamale kokotapo wua꞉ sokota solotamale koko mate opahale demhalapo.