Yeneses 21:22 - Kamula

²² Alila haleta Abimelek mate epo opahale so dokopala oplami Pikolo mateta puame A꞉iblaham watle epo atlaiyo, “Wa꞉ta halomhala koko hapuloma dulu dla Godtapo wa꞉ mate halapo.

Yeneses 21:22 Iomraidhean Croise

Yeneses 20:14

Epalati Abimelekta sipi aliya mate epo bulumkiyawa aliya mate epo ya꞉ oko so opa mate epo wola꞉ mate eleme puame A꞉iblaham watle pomeliyo. Epame matle Selaye ya꞉wolali A꞉iblaham watle homeliyo.

Yeneses 20:17

A꞉iblaham ya꞉llu dla woyamale koko dla Godtapo Abimelek ya꞉llu mate epo ya꞉ aya dulu dla oko halomha꞉ha꞉lalo wola꞉ mateta yimlala hohomolowe apiye godiyo. Epalati A꞉iblahamta God watle inoma sumaiyo, wola꞉ ewolota mamisika꞉ yimlala hatitimelepo depame. Epalati yia꞉tapo ma yimlala hatitimolowe kotiyamaiyo.

Yeneses 20:2

Edla halemama A꞉iblahamtapo ya꞉llu Selaye opa watle atlemama yotimala diyo. Epalati Gela mo dokopala oplami Abimelekta Selaye sisilamaiyo, ya꞉ta hala dla pulupo depame. Epame ya꞉ aya dla semhetaiyo.

Yeneses 26:26

Epapeleye Aisektapo Belseba mo dla hallati Gela mo dokopala oplami Abimelekta ya꞉ hala dla pumama opa dapiyamte mate puaiyo. Oplami haleye ya꞉ gadlalo, ya꞉ hiye Ahusat. Epalati oplami haleye opahale so dokopala oplami Pikolo.

Yeneses 26:28

Epalati asiyama yia꞉tapo epo atlaiyo, “Dimalamana, Godtapo wa꞉ mate halapo. Epedeme di solotama, wa꞉tapo dia꞉ mate po-opahale dlalo, isikimi sadepo hallepo depame solotamale yuye wa꞉ mate himila pumula.

Yeneses 28:15

Epame wa꞉tapo hadima adipo ta demsela꞉lepiye, na꞉tapo alila hapuloma dulu dla wa꞉ mate hallowepo. Epo alotle na꞉tapo wa꞉ye ta꞉la hema ma ilame sempuluwepo. Na꞉ wa꞉ye posaliyome tlowa. Epame monolo atlamale koko iye halomolowepo,” diyo.

Yeneses 30:27

Amasiyama Labantapo asiyama epo atlaiyo, “Hao, wa꞉ta na꞉ saliyome tlowe poka꞉dena. Adipalati, na꞉ta inoma nalatimale tle natili dulu dla Godtapo wa꞉ tle na꞉ dla gadle pato himimhalapo.

Yeneses 31:5

Epame yia꞉ watle epo atlaiyo, “Na꞉ wata mo-malanatima, wua꞉ atapo na꞉ dla elle himhala kokoye. Amasiyama dulu edla na꞉ a Aisek ya꞉ Godtapo na꞉ mate halemama wua꞉ atapo na꞉ watle wotiyalle pohamimdena. Epapedeme wua꞉ mo-wua꞉malamana, na꞉tapo wua꞉ a oko pato hamhaluwaye. Epapele tlope ya꞉tapo na꞉ dla isikimi mala-atlale koko hamama na꞉ oko asiyamaye alila opi dla meyelope de epo ma alila opi dla meyelope de demhaluwapo.

Ma꞉tiyu 1:23

“Ipilalo oplami koko yeliyeletapo mopapo polopame maseyemala hamelepe. Epalati opata ya꞉ hiye Imanuwel sepilipe,” duwapo. Hi i ya꞉ dulu kokoye ipo elema, Godye dia꞉ mate halapo.

Loum 8:31

Epapedeme di koko hema adipo atlepa꞉? Godta dia꞉ mate halema dlepiye, oplami antapo dia꞉ mate opahale demama dia꞉ye tla꞉mtapa꞉? Hawa.

Hibulu 13:5

Epame wua꞉ mani sikemte solotamale mate ha꞉ha꞉miya. Amasiyama wua꞉ dla alisisi hutiyeye etlo wua꞉ mate ma-ala꞉na demha꞉ha꞉iya. Adipalati, God meyelo epo atluwapo, “Na꞉tapo wua꞉ye posaliyome tlowa, epame na꞉tapo wua꞉ye powelilowa.”

Bobotimatimale 3:9

Wa꞉ dalene! Na꞉ta Saiten ya꞉ opaye elempuame wa꞉ hete sitali isili dla pomellepe. Epalati yia꞉ta edla popa꞉mama na꞉ta wa꞉ bokotiyapo malamale kokoye malanatilipe. Epedeme opa iwolota mala-atlamyemama yiskamu yia꞉ye Yu sopo demdepo. Epele tlope yia꞉ po-Yu so ikadepe.