Yeneses 20:6 - Kamula

⁶ Epame Godtapo Abimelek watle milamalo epo atlaiyo, “Na꞉malamana, wa꞉ye ka꞉dle malamale mate koko iye halepo. Epapele koko tle na꞉tapo wa꞉ta ya꞉ kapala umuluwe apiye himomeluwapo.

Yeneses 20:6 Iomraidhean Croise

Yeneses 26:11

Epame dokopala oplamitapo haliyamale dla imale yu hamimama epo atlaiyo, “Oplami antapo Aisek dla epame ya꞉llu dla wotiyalle hamilipiye, oplami eye polowe dla himilipe,” diyo.

Yeneses 3:3

Amasiyama hatlo osalo duka dla hala dlomoko dali tlo demiyo duwa. Adipalati, dita dlomoko e doahapo delepiye, dia꞉ye pallipe duwa.”

Yeneses 31:24

Epalati yia꞉ mape seme mateka꞉pi medla kimpo hutiyeiyo. Epalati utula꞉la oloma edla Godtapo milamalo malame Laban watle epo atlaiyo, “Wa꞉ Yokob watle koko atlamolowedemeye woloma malapo atlamelepe,” diyo.

Yeneses 35:5

Epame Yokob mate epo ya꞉ wola꞉ mate epo ya꞉ yimlala mate epame opa opi yia꞉ mate tale so mate ma-tamalaiyo. Amasiyama Godta mo yimlala mateka꞉pi dla popa꞉myale so dla wowota꞉le hamilati yia꞉tapo Yokob wolota ma-tlati yia꞉ mate opahale dlowedeme yia꞉ alotle podolumtamallalo wekiyo.

Ekesedes 34:24

Amasiyama wua꞉ta ta꞉la halowedeme ha꞉ha꞉ mo edla ha꞉ha꞉lalo soye na꞉tapo dodolomsalepame ma ta꞉la eye popolalepo mellowepo. Epalati wua꞉ta mo edla ha꞉ha꞉mama sokomoko hatlo dulu dla alumale dapahatlope i halomha꞉ha꞉lati opa ewolotapo ma ilampuame wua꞉ ta꞉la halowedeme wua꞉ye pokotlomolowa.

Ma꞉tiyu 27:19

Paelet ala koko gladlalo mo dla me-pollati ya꞉lluta ya꞉ watle yu hamimama epo atlaiyo, “Wa꞉ batalimale pa꞉le oplami edla koko hale hamiyo. Adipalati, na꞉ wata utula꞉la milamalo ya꞉ koko dla pta batalipo nati,” diyo.

1 Kolin 7:1

Epedeme wua꞉ta na꞉ watle yu ilipo hamimama atlanatiwaye, na꞉ wata koko edla asiyama yuye wua꞉ dla atlowe solotama. Yao, oplamitapo isikimi a꞉ya pohalalo hallowe tlo ka꞉pi.

2 Kolin 6:17

Epedeme itiyamale Godtapo ma epo atluwapo, “Batalimale koko halomha꞉ha꞉lalo so tle alikili a꞉ma woyapo tame ha꞉ha꞉iya. Epame ullu walle koko tle alikili a꞉ma potaiya. Epalati na꞉tapo wua꞉ye na꞉ta hala dla elempuluwepo. Epame na꞉tapo wua꞉ A ikadepe depo hallati wua꞉tapo na꞉ akimlala epo na꞉ utukaka ikadepe depo ha꞉ha꞉lepe,” duwapo.

2 Tesalonika 2:11

Ipapele koko tle Godtapo elemala natili koko patoye yia꞉ watle hamilipe, yia꞉tapo elemala natili dulu edla tutula꞉lepo depame.

2 Tesalonika 2:7

Epapele tlope humatla podallalo wekelalo kokotapo hemele opa dulu dla oko ma-hamhalapo. Amasiyama ipapele kokota ta꞉lala depame ya꞉ api himomeleme hallalotapo ya꞉ apiye ala me-himomelemhalapo. Epame alotle ya꞉ api himomeleme hallaloye alikili dla gilidlati ya꞉tapo edla woyamelepe. Amasiyama Lod Yesuta puame ya꞉ mati tle hedle mate epo ya꞉ta hela꞉dle itiyamale mate humatla podallalo wekelalo oplamiye yumpo hamastlepe.