Yeneses 2:1 - Kamula

¹ Ta꞉lamo mate epo pepele di mate epo alisisi hapuloma dulu edla ha꞉ha꞉lalo mate mimita꞉mhalaleye medla puame gudiyo.

Yeneses 2:1 Iomraidhean Croise

Yeneses 1:1

Kotiyamale sitali dla Godtapo ta꞉lamo mate pepele di mate mimita꞉piyo.

Yeneses 1:10

Epalati Godtapo ta꞉la sekelle semama ta꞉lamo diyo. Epame yú hatlo alupo pamelleye semama kaula diyo. Epame Godta koko e natipame ka꞉pi diyo.

Yeneses 2:4

Epedeme ta꞉lamo pato mate epo pepele di mateye ipo mimita꞉piyo. Lod Godtapo ta꞉lamo pato mita꞉pele oloma edla alisisi haletapo ta꞉lamo edla ala pomatlalo halaiyo. Adipalati, Lod Godtapo tiyota hellowe kokoye yipta pohimiyo. Epame ta꞉la muwalepame alisisi emalalo oplamiye ala pohalaiyo.

Ekesedes 20:11

Adipalati, alila 6 dulu dla na꞉ta omapla mate epo ta꞉lamo mate epo kaula mate epame dulu edla ha꞉ha꞉lalo alisisi hapulomaye mimita꞉puwapo. Epame 7 alila dla na꞉ta hedepo poluwapo. Epapele koko tle na꞉ta 7 alila iye aiyalma duwapo.

Ka꞉dle molo atlale yu Lukta ilimale 2:13

Epalati pakasiyamalalo banakaka so alumale patota malame ka꞉yapa malale banakaka oplami mate hatlo godepame God dla siyele ta꞉demama epo atlamyaiyo,

Taiya dle so 4:24

Epalati yimkadulo mikadepe dle sota koko i dalepame yimkata inoma sumale yu God dla ta꞉diyo. Yia꞉ta inoma sumama epo atlaiyo, “Lod God, wa꞉tapo ta꞉lamo mate Pepele dimo mate epo kaula mate epame dulu edla ha꞉ha꞉lalo alisisi hapuloma mate mimita꞉puwapo.

Taiya dle so 7:42

Epalati Godta koko i natipame alimama yia꞉ tle kostauwapo. Epapele dulu dla yia꞉ta omapla di dla popa꞉ alisisi tamili epapele mate epo sali epapele mate dla god some yia꞉ dla sisiyemha꞉ha꞉lati Godta yia꞉ye pohumatlana. Epedeme God tle yu hapame molo atlalo oplami haleta koko hema ipo atluwapo, ‘Isalael so, wua꞉ daliya. Wua꞉ dalupa dulu dla sokomoko 40 dulu dla siyamama na꞉ watle namkale dle alisisi mate epo aliya mate poyupo halopimduwa? Hao. Wua꞉ na꞉ dla pohapimdena. Amasiyama wua꞉ biskapa god dla hapimduwapo.

Hibulu 4:3

Epapele dulu dla ditapo ya꞉ yu dla mikadepe dlepiye, ditapo Godta hedlowe mo dinapele dla u-ulapo tulupe. Amasiyama pomikadepe dlalo wekele so dla Godta epo atluwapo, “Na꞉tapo siyaladle mate yu ipo itiyapo himiwapo, ‘Yia꞉tapo na꞉ta hedlowe mo dinapele dla po-u-ulapo tuluwa,’” duwapo. Epapele tlope ka꞉yapa ta꞉lamo mita꞉ple oloma edla Godtapo ya꞉ oko hapuloma mogudepame hedepo poluwapo.