Yeneses 17:21 - Kamula

²¹ Amasiyama na꞉ta wa꞉ dla yu itiyapo himiwaye ma Aisek mate ellepe. Maseyemala iye Selata sokomoko hale dla alila oloma me-ipapele dla hamelepe.”

Yeneses 17:21 Iomraidhean Croise

Yeneses 17:19

Epalati Godta epo atlaiyo, “Hao pe-epapolowa. Amasiyama wa꞉ a꞉ya Selatapo wa꞉ elo ikadepe dla hallowe maseyemalaye hamelepe. Epalati wa꞉ta ya꞉ hiye Aisek dlepe. Epame na꞉ta wa꞉ dla yu itiyapo himiwatapo ya꞉ mate epo ya꞉ mamadulo mate dla kokó ellepe.

Yeneses 18:10

Epame Godta atlemama epo atlaiyo, “Sokomoko hale dla alila oloma hema na꞉ta matle pulupiye, wa꞉ a꞉ya Selatapo maseyemala hamelepe,” diyo. Amasiyama Godta epo atlempollati Selatapo hemele aya dulu dla polomama dalempolaiyo.

Yeneses 18:14

Epapele dulu dla koko adita God dla kokalle elema꞉? Epedeme na꞉ sokomoko hale na꞉ta sale alila dla ma ilame puluwepo. Epalati oloma edla Selatapo maseyemala hamelepe,” diyo.

Yeneses 21:1

Godta Selaye sikemte polowamama ya꞉ta yu itiyapo himili kokota ikadepe Sela dla woyamelepe diyo.

Yeneses 46:1

Epapeleye alila haletapo Yokobta ya꞉ wola꞉ mate epame yia꞉ yimlala mate Isip mo dla ma-tamalaiyo. Yia꞉ tamalemama Belseba mo dla woyapame Yokobta ya꞉ a Aisek ya꞉ God hi di dla ta꞉demama aliya halo poyupame God watle hapiyo.

Ekesedes 3:6

Epame Godta ma epo atlaiyo, “Na꞉ye wa꞉ mamadulo A꞉iblaham mate epo Aisek mate epame Yokob mate yia꞉ Godpo,” diyo. Epalati Mosestapo God natilowe wota꞉mama ya꞉ mila꞉piye bopudiyo.

Ka꞉dle molo atlale yu Lukta ilimale 1:72

Epame ya꞉tapo di mamadulo dla polowamale kokoye himhalli duwapo. Epame ya꞉tapo A꞉iblaham mate yu itiyapo himili eye malahalli duwapo.

Taiya dle so 1:7

Amasiyama Yesuta yia꞉ watle epo atlaiyo, “Hatlo Atapo alila epapeleye ya꞉ta itiyamale tle hatitimdepo. Epedeme wua꞉ta alila epapeleye malamolowe poka꞉dena.

Loum 9:9

Adipalati, Godtapo A꞉iblaham mate yu itiyapo himimama epo atluwapo, “Na꞉tapo sokomoko hale dla ma ilame pulupiye, Selatapo maseyemala hamelepe,” duwapo.

Galasiya 3:29

Epele dulu dla wua꞉ Keliso dulu dla ha꞉ha꞉lepiye, wua꞉ye ikadepe A꞉iblaham ya꞉ mamadulo depame ya꞉ elo dla ha꞉ha꞉lepe. Epedeme Godta A꞉iblaham watle yu itiyapo himiliye wuolepo.

Hibulu 11:9

A꞉iblahamtapo Godta ya꞉ watle hamili dle mo edla tame woyapame asepe oplami some halemama mo e halowe dla mikadepe depo haluwapo. Epame ya꞉ta mo edla tame halemama kimna꞉ya halopo halemsela꞉mduwapo. Adipalati, ya꞉tapo Godta woloma ka꞉depo dinapeleta kokó ellalo mo edla hallowe tlo omtamama dalemhaluwapo. Epame ya꞉ ko tle yami Aisek mate epo ya꞉ mama Yokob matetapo yia꞉ mape kimna꞉ya halopo ha꞉ha꞉msiyamalati Godtapo A꞉iblaham mate yu itiyapo himiliye ma yia꞉ watle hamiwapo.