Yeneses 16:2 - Kamula

^2-4 Epapeleye Selaita A꞉iblam watle epo atlaiyo, “Na꞉ Godta na꞉ta yimlala hohomolowe apiye godena. Epapedeme wa꞉ wata tame na꞉ oko a꞉ya ipilalo Hagai hane. Epame ya꞉ta yimlala hatitimelepiye, eye nolëpo,” diyo. Epalati A꞉iblamta Selai yu dla dalepo ka꞉dena depame Hagaiye haiyo. Epedeme koko iye A꞉iblamta tame Keinan mo dla sokomoko 10 halale oloma edla apiyo. Epalati alotle Hagaita ya꞉ta mopapo polaleye natipame A꞉iblam ya꞉llu ikadepe Selaiye kokosa꞉mdiyo.

Yeneses 16:2 Iomraidhean Croise

Yeneses 17:16

Na꞉tapo ya꞉ gadlati ya꞉ye maseyemala hamelepe. Epalati wa꞉tapo ya꞉ a hallepe. Epalati Selatapo ta꞉la so hapuloma yia꞉ wai hallepe. Epame ya꞉ awadulo opitapo dokopala hi halopo ha꞉ha꞉mtelepe,” diyo.

Yeneses 18:10

Epame Godta atlemama epo atlaiyo, “Sokomoko hale dla alila oloma hema na꞉ta matle pulupiye, wa꞉ a꞉ya Selatapo maseyemala hamelepe,” diyo. Amasiyama Godta epo atlempollati Selatapo hemele aya dulu dla polomama dalempolaiyo.

Yeneses 19:31

Oloma edla Lot yoti patotapo ya꞉la yemala watle epo atlaiyo, “Di aye mo-totoyemala halemtama. Epame dita ha꞉ha꞉ mo hema dita opa halopo yimlala hatitimolowe opaye hawapo.

Yeneses 25:21

Lebekata hamkapi pollati ya꞉wolali Aisekta God dla inoma sumale yu himhallati Godta daliyo. Epalati Lebekata mopapo mo-polaiyo.

Yeneses 3:12

Epalati asiyama oplamita epo atlaiyo, “Wa꞉ta na꞉ watle a꞉ya hamiwatapo na꞉ watle dlomoko eye hamilati na꞉ ma eye de,” diyo.

Yeneses 3:17

Epame Godta matle A꞉dam watle epo atlaiyo, “Wa꞉ mape wa꞉ a꞉ya yu dalepame na꞉ta dlomoko demiyo dle dlomokoye delepo. Epedeme wa꞉ta dlomoko dele koko tle na꞉tapo ta꞉laye batalipo mellowepo. Epedeme dlowe alisisita isikimi meyelo pomatlowa, amasiyama osamokolo mate epo tuwale mateta matelepe. Epedeme wa꞉ dlowe alisisi dlowedeme mowolo oko pato hamama ekukulli mate oko hapo de demhallepe. Epapedeme wa꞉ oko pato metlo me-hamhalemama wa꞉ta polowe sukulu dla malatelepe. Epedeme wa꞉ta polopiye, wa꞉ motoye matle ta꞉la yielepe. Adipalati, wa꞉ motoye ta꞉la mate mita꞉puwapo,” diyo.

Yeneses 30:22

Epame Godtapo ma Leisolye malapame ya꞉ta inoma sumale yu dalepame ya꞉ta yimlala isukumolowe itiyamale hamiyo.

Yeneses 30:6

Epapalati Leisoltapo maseyemala hiye Dan hi sepilaiyo. Epame epo atlaiyo, “Godtapo na꞉ta inoma sumale yu dalepame asiyama hamipo. Ya꞉tapo na꞉ kokoye natipame maseyemala na꞉ watle hamipo,” diyo.