Yeneses 15:18 - Kamula

¹⁸ Alila oloma edla Godta A꞉iblam dla yu itiyapo himmama epo atlaiyo, “Wa꞉ mamadulo dla na꞉ta ta꞉la iye hamilowepo. Ta꞉la ya꞉ sukuluye ipo, Isip aloma tle kotiyapame tame Yupalates aloma pato dla gudepo.

Yeneses 15:18 Iomraidhean Croise

Yeneses 12:7

Epalati Godta A꞉iblam watle woyapo epo atlaiyo, “Na꞉tapo wa꞉ mamadulo dla ta꞉la iye hamilowepo,” diyo. Epame A꞉iblamtapo God dla alinepi poyupo ha꞉lalo tile haiyo.

Yeneses 13:15

Ta꞉la pato wa꞉ta nati iye na꞉ta wa꞉ mate epo wa꞉ mamadulo mate dla hamilowepo. Ta꞉la itapo kokó halepo ha꞉ha꞉le dulu dla wua꞉lë hallepe.

Yeneses 2:14

Epame matle aloma hale tladle hiye Tigilispo. Aloma itapo Asul mo tle salita matlalo tiyama dla yapo. Epalati matle aloma hale tladleye Yupalatespo.

Yeneses 24:7

Adipalati, Pepele dimo omhallalo Godtapo na꞉ asiyadulo dulu tle na꞉ye sempuame Keinan mo iye na꞉ mamadulo watle ikadepe hamilowe yu atluwapo. Epedeme God etapo ya꞉ banakaka oplamiye tane dlepe, wa꞉ gadlepo depame. Epalati wa꞉tapo edla tame ya꞉ta gadle tle na꞉ maseyemalata a꞉ya halowe api dinapoloweye ka꞉pi ellepe.

Yeneses 26:4

Epame na꞉tapo wa꞉ mamaduloye ma-a꞉ma pasatepo mellowepo. Yia꞉tapo omapla di dla tamilita wokasepo elemdiye, epapele some pasatame ellepe. Epame na꞉tapo ta꞉la pato iye yia꞉ watle hamilowepo. Epalati ta꞉lamo meyelope meyelope dle sotapo yia꞉ tle siyele halepe.

Yeneses 28:4

Epame Godtapo A꞉iblaham watle ta꞉la i hamilowedeme yu itiyapo himiwaye ma alotle wa꞉ watle hamilipe. Amasiyama ditapo ta꞉la hema watapo asepe so some ha꞉ha꞉po,” diyo.

Yeneses 35:12

Epapedeme na꞉tapo A꞉iblaham mate epo Aisek mate dla hamiwa ta꞉laye matle wa꞉ mate epo wa꞉ mamadulo mate dla hamilowepo,” diyo.

Yeneses 50:24

Epapeleye Yoseptapo mo-polowe mateka꞉pi dla polomama ya꞉ bapadulo watle epo atlaiyo, “Na꞉ye mo-polowe mateka꞉pi dla polapo. Amasiyama Godtapo wua꞉ye woloma omhallepe. Epame ya꞉tapo wua꞉ye Isip mo tle ma Keinan mo dla elemtelepe. Adipalati, ta꞉la iye ya꞉tapo di mamadulo A꞉iblaham mate epo Aisek mate epo Yokob mate dla hamilowepo depo yu itiyapo himiwapo.

Ekesedes 13:11

Godtapo wua꞉ mamadulo dla yu itiyapo himili dolumama Keinan moye wua꞉ watle hamilati wua꞉tapo edla ha꞉ha꞉mama wua꞉ akimlala itapu hohomaleye God watle hohopo imha꞉ha꞉lepe. Epame aliya halo dulu dla itapu patetalo usulli mape God watle hohopo imha꞉ha꞉lepe. Adipalati, itapu hohomale akimlala mate epo alinepi patetalo mateye God tetepo.

Ekesedes 3:8

Epapedeme na꞉tapo yia꞉ye Isip mo tle alikili dla eleme mo hale ka꞉dle dla tlowedeme malalepo. Mo eye pta pato epame dlowe alisisi mape pta wokasemana. Wata oloma hema Keinan so mate epo Hitai so mate epo Amoli so mate epo Pelisi so mate epo Hibai so mate epo Yebusi so matetapo mo edla ha꞉ha꞉po. Amasiyama na꞉tapo yia꞉ ta꞉la eye kolahapame ma na꞉ opa Isalael so watle hamilowepo.

Ekesedes 32:13

Adipalati, wa꞉tapo di mamadulo A꞉iblaham mate epo Aisek mate epo Yokob mate dla yu itiyapo himiwa kokoye e malamane. Ame adipalati, wa꞉tapo yia꞉ watle epo atluwapo, yia꞉ mamadulotapo sikemte pasatamama tamili some hallepe. Epame wa꞉ta yia꞉ watle hamili duwa moye yia꞉ta halepe duwapo. Epame ta꞉la itapo yia꞉ hi mate kokó mepo ellepe duwapo,” diyo.

Ekesedes 34:11

Epapedeme na꞉tapo Amoli so mate epo Keinan so mate epo Hitai so mate epo Pelisi so mate epo Hibai so mate epo Yebusi so mateye na꞉ta wua꞉ watle hamilowe mo tle alikili a꞉ma dodolomsallowepo. Amasiyama na꞉ta epapelepo depame wua꞉tapo na꞉ta atla yu hema dolumha꞉ha꞉iya.

Ekesedes 34:24

Amasiyama wua꞉ta ta꞉la halowedeme ha꞉ha꞉ mo edla ha꞉ha꞉lalo soye na꞉tapo dodolomsalepame ma ta꞉la eye popolalepo mellowepo. Epalati wua꞉ta mo edla ha꞉ha꞉mama sokomoko hatlo dulu dla alumale dapahatlope i halomha꞉ha꞉lati opa ewolotapo ma ilampuame wua꞉ ta꞉la halowedeme wua꞉ye pokotlomolowa.

Ekesedes 6:4

Epame na꞉tapo Keinan ta꞉la yia꞉ watle hamilowe yuye me-itiyapo himiwapo. Epedeme oloma edla yia꞉ Keinan mo eye ala pohalalo isikimi asepe so some ha꞉ha꞉uwapo.

Ekesedes 6:8

Epame na꞉tapo yia꞉ye na꞉ta A꞉iblaham mate epo Aisek mate epo Yokob mate dla yu itiyapo himiwa mo edla eleme tlowepo. Epame mo eye yiole ikadepe depame yia꞉ watle hamilowepo. Na꞉ye Godpo.”

Taiya dle so 7:5

God epame A꞉iblaham watle mo hema ta꞉la hale pohamina. Amasiyama Godta A꞉iblaham mate yu itiyamale me-himiwapo, ya꞉ mate epo ya꞉ mamadulo mateta alotle ta꞉la i haloweye. A꞉iblaham ya꞉ ala maseyemala pohimilalo hallati yu i himiwapo.

Hibulu 13:20

Godtapo sadle hamilalo halapo. Epame ya꞉tapo di Lod Yesuye powale tle ma pasakalo duwapo. Epedeme watapo Yesutapo ya꞉ opaye sipi aliya some eleme tlalo halapo. Adipalati, ya꞉tapo Godta ya꞉ opa mate kokó ellalo yu itiyapo himili amkoye kokallepo depame ya꞉ omaliye olostauwapo.

Bobotimatimale 9:14

Yu eta yo hulu sisilamalalo banakaka oplami dla epo atluwa, “Yupalates aloma pato pili dla banakaka so opa dapiyamte dapiyamte dle dea mate yulupo ha꞉ha꞉ye totowatimane.