Yeneses 14:14 - Kamula

¹⁴ A꞉iblamta ya꞉ aluwa Lotye opahale sota hamame tale dalepame ya꞉tapo ya꞉ opa, opahale dlowe sikemte malastale so 318 opa epapeleye elemaiyo. Epame yia꞉tapo Kedolamel woloye alotle dolumtame Dan mo dla popa꞉lati umaiyo.

Yeneses 14:14 Iomraidhean Croise

Yeneses 12:16

Epalati dokopala oplami Pelotapo semte Selaiye A꞉iblam yotimala tepo depame A꞉iblamye woloma gadiyo. Epammama ya꞉ watle sipi aliya mate epo bulumkiyawa aliya mate epo donki aliya molalatalo mate patetalo mate epame oko so opa mate wola꞉ mate epo ka꞉mol aliya mate hohopo iyo.

Yeneses 13:8

Epeleye A꞉iblamta Lot watle epo atlaiyo, “Wa꞉ mate na꞉ mate ta꞉la yilo yu dlomha꞉ha꞉lowe poka꞉dena. Epame wa꞉ opa mate epo na꞉ opa mate yu dlomha꞉ha꞉lowe poka꞉dena. Adipalati, di asiya hatlopepo.

Yeneses 14:16

Epapeleye A꞉iblamtapo Kedolamel wolota Sodom mo mate Gomola mo mate dla halomale alisisi hapuloma mate epo mo so hapuloma mate ma i-ilapo elempuaiyo. Ya꞉ ilampumama ya꞉ aluwa Lot mate epo ya꞉ alisisi hapuloma mate halopo puaiyo.

Yeneses 17:12

Epame wata oloma itle kotiyapo tamama akimlala hohopo alila 8 umalati kapala kotima demha꞉ha꞉lepe. Epammama wa꞉ oko so hapuloma mate epo yia꞉ akimlala mate kapala kotima demha꞉ha꞉lepe. Epame asepe oplamita puame wa꞉ oko hamhallepiye, ka꞉dena ya꞉ mate epo ya꞉ akimlala mate kapala kotimha꞉ha꞉loweye. Wua꞉ moto dla ulu hutiyetapo wua꞉ta na꞉ta yu itiyapo himili koko dulu edla ha꞉ha꞉ye alila hapuloma dla botomastamhallepe.

Yeneses 17:23

Epalati Godta atlale yu e dolumama alila hatlo medla A꞉iblahamtapo ya꞉ mate epo yami Ismael mate kapala kotimaiyo. Epame ya꞉ aya dulu dla ha꞉ha꞉le opa hapuloma mate epo yia꞉ akimlala hapuloma mate epo ya꞉ oko so opa hapuloma asepe so mate alila hatlo medla kapala kotimaiyo. Amasiyama oloma hema A꞉iblahamtapo sokomoko ma 99 oloma dla halaiyo. Epalati yami Ismael tlo 13 sokomoko oloma dla halaiyo.

Yeneses 18:19

Adipalati, na꞉tapo ya꞉ye mo-souwapo, ya꞉tapo ya꞉ mamaduloye God yu imama ka꞉ka꞉dle koko tlo halomha꞉ha꞉lepo depame. Epalati na꞉tapo ya꞉ dla yu itiyapo himiwa kokoye e hamilowepo,” diyo.

Yeneses 23:6

“A, wa꞉ di yu dalene. Wa꞉ye ikadepe diamkale ikadepepo. Di wa꞉ta wa꞉ allu moto hamatilowe ta꞉la koko dla po-alliwa. Amasiyama mowolo di mo hema ta꞉la ka꞉dle natipame wa꞉ a꞉ya moto edla hamatine,” diyo.

1 Yon 2:18

Na꞉ mamadulo wua꞉ daliya. Mosukulu alilaye mo-mateka꞉pi halapo. Epedeme Keliso dla humatlalo oplamita puluwe kokoye wua꞉ watle ma-atlamuwapo. Amasiyama Keliso dla humatlalo so opiye wata mo-wowoyapo siyamapo. Di epapele koko tle malanatipo, mosukulu alilaye mo-mateka꞉pi puapo depo.