Yeneses 12:1 - Kamula

¹ Godta A꞉iblam watle epo atlaiyo, “Wa꞉ mo mate epo wa꞉ opa mate epo wa꞉ a ya꞉ asiyadulo mate medla salepame na꞉ta wa꞉ watle mo nati-iliwe mo dla tane.

Yeneses 12:1 Iomraidhean Croise

Yeneses 15:7

Epame Godta ya꞉ watle epo atlaiyo, “Na꞉ye Godpo. Na꞉tapo wa꞉ye Kaldeya mo dla Ul mo yemala tle hema sempumama api impuwapo. Na꞉ta mo iye wa꞉ watle hamilati wa꞉ta mo eye ikadepe wolë dlepo depame sempuwapo,” diyo.

Yeneses 20:13

Epapedeme Godta na꞉ a aya dulu tle na꞉ye ma asepe so mo dla tane dlati na꞉ta Sela watle atlemama epo atluwa, ‘Wa꞉ na꞉ malamama opa hapuloma dla atlamsela꞉mama na꞉ye wa꞉ bapapo demsela꞉lepe,’ duwa.”

Yeneses 24:38

Amasiyama wa꞉ na꞉ a ya꞉ asiyadulo dla tame na꞉ maseyemala Aisek ya꞉llu natipo sempuane,’ duwa.

Yeneses 24:4

Adipalati, na꞉ solotama, wa꞉tapo tame na꞉ta ka꞉yapa haluwa mo dla na꞉ asiya dulu dla a꞉ya hale natipo sempulupo depame,” diyo.

Yeneses 24:7

Adipalati, Pepele dimo omhallalo Godtapo na꞉ asiyadulo dulu tle na꞉ye sempuame Keinan mo iye na꞉ mamadulo watle ikadepe hamilowe yu atluwapo. Epedeme God etapo ya꞉ banakaka oplamiye tane dlepe, wa꞉ gadlepo depame. Epalati wa꞉tapo edla tame ya꞉ta gadle tle na꞉ maseyemalata a꞉ya halowe api dinapoloweye ka꞉pi ellepe.

Yeneses 26:2

Adipalati, Godta ya꞉ dla woyapo epo atlaiyo, “Wa꞉ Isip mo dla potlowa. Amasiyama wa꞉tapo na꞉ta wa꞉ watle halane dle mo hatlo medla halane.

2 Kolin 6:17

Epedeme itiyamale Godtapo ma epo atluwapo, “Batalimale koko halomha꞉ha꞉lalo so tle alikili a꞉ma woyapo tame ha꞉ha꞉iya. Epame ullu walle koko tle alikili a꞉ma potaiya. Epalati na꞉tapo wua꞉ye na꞉ta hala dla elempuluwepo. Epame na꞉tapo wua꞉ A ikadepe depo hallati wua꞉tapo na꞉ akimlala epo na꞉ utukaka ikadepe depo ha꞉ha꞉lepe,” duwapo.

Hibulu 11:8

Godtapo A꞉iblaham watle epo atluwapo, “Wa꞉ mo mate epo wa꞉ opa mate memelepame ma na꞉ta wa꞉ watle hamilowedeme hala mo dla tane,” duwapo. Epalati A꞉iblahamta God dla mikadepe depame ya꞉ mo saliyome Godta ya꞉ watle atlale mo edla yeliyemtamama oloma hadima tame woyamolowe demtauwapo.

Bobotimatimale 18:4

Epame na꞉ matle yuta pepele di tle epo atla daluwa, “Na꞉ opa, wua꞉ Babilon dulu tle alikili dla woyamaiya, wua꞉tapo ya꞉ mate batalimale koko pohalalo wekelepo depame. Adipalati, wua꞉tapo ya꞉ mate batalimale koko halomelepiye, wua꞉ mape ya꞉ta ya꞉ batalimale asiyama wotiyalle halati wua꞉ mate halomelepe.