Yeneses 1:26 - Kamula

²⁶ Epame Godta ma epo atlaiyo, “Di matle oplami di mila꞉pi sepele mita꞉plowa, ya꞉tapo amalo hapuloma mate epo tea hapuloma mate epo alinepi hapuloma halo mate epo yowo mate omhallepo depame,” diyo.

Yeneses 1:26 Iomraidhean Croise

Yeneses 11:7

Epapedeme di tulume ha꞉ha꞉mama yia꞉ta yu hatlo yuhamsiyamaye duka hutukuliyapo mellowa, yia꞉ta ya꞉mkale yu asiyama pomala dallalo weke asiyama pomala dallalo weke demsiyamelepo depame,” diyo.

Yeneses 2:19

Epame ya꞉tapo ta꞉la polapame alinepi hapuloma mate epo tea hapuloma mate mo-mimita꞉piyo. Epame oplami hala dla elempuwaiyo, ya꞉tapo yia꞉ hi hapilipo depame. Epalati alinepi hapulomaye oplamita yia꞉ hiye halopiyo.

Yeneses 3:22

Epame ya꞉ta ma epo atlaiyo, “Watapo oplamiye dia꞉ sepele some halemama ka꞉ka꞉dle koko mate batalimale koko mate malanatiloweye me-ya꞉malamana. Epapedeme di matle ya꞉ watle pasakalo hapimhallalo dlomoko dali tle dlomoko haleye podoahame dene dlowa, ya꞉tapo kokó pohallalo wekelepo depame,” diyo.

Yeneses 5:1

Godtapo oplami mita꞉mama ikadepe ya꞉ sepele mita꞉piyo. Epame ya꞉ sepele mimita꞉mama oplami mate a꞉ya mate mimita꞉piyo. Epame yia꞉ dla siyemama yia꞉ semama oplayemala diyo. Epalati A꞉dam ya꞉ mamadulo hiye ipo.

Yeneses 9:6

Epedeme oplami antapo ya꞉mkale omaliye olostlepiye, ya꞉ ma asiyama ya꞉ omaliye olostlepe. Adipalati, Godtapo oplamiye me-ya꞉ mila꞉pi sepele mita꞉puwapo.

Ka꞉dle molo atlale yu Yonta ilimale 14:23

Amasiyama Yesutapo asiyama epo atlaiyo, “Oplami antapo na꞉ye sikemte malahallepiye, ya꞉ na꞉ta imale koko dla ma salladepo sela꞉lepe. Epalati na꞉ Atapo ya꞉ye sikemte bokotiyapo malamhallepe. Epame na꞉ mate epo na꞉ A mate ya꞉ hala dla puame yimkata ya꞉ mate ha꞉ha꞉lepe.

Ka꞉dle molo atlale yu Yonta ilimale 5:17

Amasiyama Yesutapo yia꞉ watle epo atlaiyo, “Na꞉ Aye alila hapuloma dulu dla oko hamhalapo. Epapedeme na꞉ mape alila hapuloma dulu dla ala me-oko hamhalapo,” diyo.

Taiya dle so 17:20

Adipalati, wa꞉ta imsela꞉ye di podimalamana. Epedeme di woloma dallowe solotama,” diyo.

Taiya dle so 17:26

Epedeme Godta ka꞉yapa oplami hatlo mita꞉puwapo. Epame oplami hatlo ya꞉ tle ta꞉lamo patoye opa mila꞉pi meyelope meyelope dleta pasatauwapo. Epame Godtapo yia꞉ mo sukulu mate alila sukulu mate ma hatitimuwapo.

1 Kolin 11:7

Amasiyama oplamitapo ya꞉ dokopalaye pobopudlowa. Adipalati, ya꞉tapo God mila꞉pi mate epo ya꞉ta hela꞉dle mateye ya꞉ tle botomastamhalapo. Amasiyama a꞉ya tle oplami hiye di dla ta꞉demhalapo.

2 Kolin 3:18

Epapele dulu dla di mila꞉piye tlukatapo pobopudepo ha꞉ha꞉sema. Epapele koko tle dita hapulomatapo di mila꞉pi tle Lodta hela꞉dleye opa dla nati-ipo. Epame Lod ya꞉ Sokota dia꞉ dulu dla oko hamhallati dia꞉ye dita ha꞉ha꞉le tle Lod some ha꞉ha꞉mtapo. Epammama ditapo ya꞉ta sikemte hela꞉dleye ma-a꞉ma nati-imtamalapo.

2 Kolin 4:4

Adipalati, ta꞉lamo dokopala oplami Saitentapo yia꞉ta momalamale hapulomaye mo-hihimapo hamastauwapo. Epapele koko tle ka꞉dle yu Yesu Keliso kokota yia꞉ dla hela꞉depo dompuaye yia꞉ ponatisema. Epapele tlope Kelisoye ikadepe God mila꞉pi himili oplamipo.

Epeses 4:24

Epame wua꞉ pasakalo takalaye tluka takala some uptipame ma pasakalo amkoye tluka amko some halopo didiyeiya. Pasakalo amko eye Godtapo dinapuwapo, ditapo ya꞉ some aiyalma dle mate ullu pa꞉po ha꞉ha꞉lepo depame.

Kolosi 1:15

Epedeme Kelisoye opata ponatilalo wekemde God mila꞉pi himhalapo. Epame Godta alisisi hapuloma mimita꞉ple dulu dla ya꞉tapo itapu halemama omhallalo halapo.

Yeims 3:7

Epapele dulu dla opata yowo alinepi mila꞉pi meyelope meyelope dle tea epo aliya epo yú dulu dla ha꞉ha꞉lalo ipapeleye ma halo dlepo depame ilimdepo.

Yeims 3:9

Epapele tlope te hatlo ita di A Lod hi di dla ta꞉demdepo. Epame te hatlo me-itapo Godta ya꞉ sepele mimita꞉ple opaye wotiyalle halopiliwe yu atlamdepo.

1 Yon 5:7

Dapahatlope koko iwolotapo Keliso koko dla imapo.