Yeims 5:3 - Kamula

³ Wua꞉ elo mani aya dla kokolupo ha꞉ha꞉leta miyelo batalimelepe. Wua꞉ elo mani batalimaletapo wua꞉ bobtalimale kokoye nati-imama apelepe. Epedeme wua꞉ mani bobtalimale etapo koko gladle oloma dla wua꞉ye dlapa some hamdepo hamastlepe. Epapedeme wua꞉ yeitamale sopo. Wua꞉ adipalati mosukulu alila tlo omha꞉ha꞉mama alisisi kokolupo ha꞉ha꞉uwa?

Yeims 5:3 Iomraidhean Croise

Yeneses 49:1

Yokobtapo ya꞉ akimlala hapulomaye sisilapame yia꞉ watle epo atlaiyo, “Wua꞉ta hapuloma yimkata na꞉ mateka꞉pi dla puame alumaiya. Epalati na꞉tapo wua꞉ watle itapu dla wowoyamolowe kokoye atlamolowepo. Adipalati, na꞉ye Yokob, wua꞉ a Isalaelpo,” diyo.

Taiya dle so 2:17

‘Godta epo atluwapo, Mosukulu alila dla na꞉ta Hela꞉dle Sokoye opa hapuloma watle hamilowepo. Epalati wua꞉ akimlala mate wua꞉ utukaka mate amile kokoye momolo atlamsiyamelepe. Epame wua꞉ kiptalo mape yia꞉ inomata meyelope demama God tle pua koko tlamelepe. Epalati wua꞉ opolatalota God tle pua kokoye milamalo tlamha꞉ha꞉lepe.

Loum 2:5

Amasiyama wa꞉ dupa dulu sikemte kokalle koko mate epo malamale pomeyelope dlowe koko matetapo God dla sikemte siyaladle hapimhalapo. Epedeme ya꞉ta koko gladlowe alilata pulupiye, oloma edla wa꞉ watle ya꞉ta siyaladleye nati-ilipe.

2 Timoti 2:17

Epame epapele esemale kokotapo ta꞉mama hakopa pato some opa mo demdepo. Epapele so dulu dla opa opi ha꞉ha꞉ye Humenayos mate Piletus matepo.

2 Pita 3:3

Epedeme wua꞉ koko i woloma malamaiya. Adipalati, mosukulu alila dla God koko dla tepelemyemama putlomale yu mate atlamalalo so opatapo pulupe. Epame yia꞉ta puame yia꞉ motota solotamale koko hapulomaye halomyelepe.

Bobotimatimale 17:16

Epalati wa꞉ta natiwa ulugiyemale alinepi mate epo pate 10 mateta a꞉ya dla sikemte elle pato himilipe. Epammama yia꞉tapo ya꞉ alisisi hapuloma uhalopame ya꞉ye tidali siyapo pomellepe. Epame ma yia꞉tapo ya꞉ moye depame ya꞉ye dlapa dla ka꞉stlepe.

Bobotimatimale 20:15

Epame Pasakalo Buka dla hi pohutiyelalo wekele so opa hapulomaye Dlapa kaula dla ka꞉ka꞉timuwa.

Bobotimatimale 21:8

Amasiyama God yu dla wowota꞉le so mate, epo God yu dalla alli so mate, epame ullu watalo so mate, epo yimkadulo potimalalo so mate, epame wola꞉ mate opa mate uhalomalalo so mate, epo yimkadulo popolotimalalo so mate, epame biskapa god dla sisiyelalo so mate, epame mala-atlamalalo so mateye hohopame Dlapa kaula dla ka꞉ka꞉timelepe. Dlapa kaula iye soko tle polowe kokopo.”