Yeims 5:15 - Kamula

¹⁵ Epalati yia꞉ta mikadepe depame inoma sumale himilipiye, esiyele oplami eta ka꞉dlepe. Adipalati, Lodta yia꞉ta inoma sumale yuye dalepame ma-ka꞉depo. Epapele dulu dla oplami ya꞉ dla batalimale koko hale ellepiye, Lodta oloma medla hiyolepo wellipe.

Yeims 5:15 Iomraidhean Croise

Ma꞉tiyu 17:20

Epalati Yesuta asiyama yia꞉ watle epo atlaiyo, “Wua꞉ta mikadepe dleye pta yimka꞉sikili ikadepe. Epapele koko tle wua꞉ta bataliya i alikili dla dodolomoloweye itiyamale hawa halalepo. Epedeme na꞉ ikadepe koko wua꞉ dla atlema. Wua꞉ta mikadepe dleta dlomoko ale yimka꞉sikili epapele some wua꞉ dla me-hutiyelepiye, eta wua꞉ ala꞉na, tamali watle atlemama ‘ma huma tame polane’ dlepiye, mepapelepe. Epedeme koko haletapo wua꞉ dla pokokallowa. [

Ka꞉dle molo atlale yu Yonta ilimale 5:14

Alotle Yesutapo oplami eye aiyalma aya dla pollati natipame ya꞉ watle epo atlaiyo, “Wa꞉ natine, wa꞉ wata ma-ka꞉dlepo. Epedeme wa꞉ matle batalimale koko halomsela꞉miyo. Wa꞉ matle batalimale koko halomsela꞉lepiye, koko batalimale patota ma wa꞉ dla woyamalala,” diyo.

Ka꞉dle molo atlale yu Yonta ilimale 6:39

Epapele dulu dla ya꞉ta solotamale kokoye ipo. Ya꞉ posolotamasema, ya꞉ta na꞉ watle hapili so dulu dla oplami haletapo haodloweye. Amasiyama mosukulu alila dla na꞉tapo yia꞉ye palli tle ma pasakalo dla hohopo ta꞉ta꞉dlowepo.

1 Kolin 1:21

Epedeme Godta malamaleye pta ka꞉pi. Epapedeme God meyelo opata ta꞉lamo malamale koko tle ya꞉ koko malamolowe apiye himomeluwapo. Amasiyama ya꞉tapo opata ta꞉lamo malamale tle natimama yiyilamale koko demde koko tle mikadepe dle so hapuloma dla yia꞉ pasakalo gadloweye hampuwapo.

2 Kolin 4:14

Adipalati, dimalamana, Godtapo Lod Yesu Kelisoye powale tle ma pasakalo dla ta꞉duwapo. Epapedeme di mape Godtapo pasakalo dla ta꞉ta꞉dlepe. Epame wua꞉ mate epo dia꞉ mateye ya꞉ta hala dla elempuame ya꞉ mila꞉pi tle ha꞉ha꞉lepe.

Yeims 1:6

Amasiyama ya꞉ God dla mikadepe depame inoma sumale himme polomama malamale potatlamolowa. Adipalati, malamale tatlamale oplamiye mosisita puame ulo dla yulati ulota hahala꞉po siyamdiye, ya꞉ ma epapele some halapo.

Yeims 5:13

Epapedeme wua꞉ta ha꞉ha꞉le dulu dla oplami antapo ya꞉ dla upiyele koko ellepiye, ka꞉dena, ya꞉tapo inoma sumale yu God dla otele himilipe. Epame oplami antapo siyele mate hallepiye, ka꞉dena, ya꞉tapo siyele sala mate God hi di dla ta꞉demhallepe.

Yeims 5:16

Epapedeme wuskamu wua꞉ dulu dla wua꞉ bobtalimale kokoye bobotimatipame inoma sumale mate asiyama ta꞉de asiyama ta꞉de demha꞉ha꞉iya, Godta wua꞉ dulu dla esusulumale so hutiyeye ka꞉ka꞉dlepo depame. Adipalati, God mila꞉pi tle ka꞉depo hallalo oplamita inoma sumaleye sikemte itiyamana.