Yeims 4:16 - Kamula

¹⁶ Epapele tlope wua꞉ wata wuskamu di dla halopo hehetamyemama wua꞉ta halomolowe koko atlamha꞉ha꞉po. Epedeme ipo yiskamu di dla halopo hehetamolowe kokoye batalimale kokopo.

Yeims 4:16 Iomraidhean Croise

1 Kolin 5:6

Wua꞉tapo wuskamu di dla halopo hehetamha꞉ha꞉ye pta batalimana. Epele dulu dla powua꞉malamata꞉, yist alisisi yemalatapo palawa daya dla goudepo dukumalati dayata di a꞉ma hetamdepo. Epammama oplami hatlota batalimale koko hamhallati pohumatlalo me-omha꞉ha꞉lepiye, wua꞉ta hapulomatapo batalimale koko hatlo medla tutula꞉lepe.

Yeims 3:14

Amasiyama wa꞉ hemele wa꞉ dupa dulu dla ya꞉mkale ellewe koko mate epo ya꞉mkale pomalamalalo wekelowe koko mate me-hutiyelati wa꞉skamu wa꞉ye ka꞉depo malamalalo oplami demiya. Adipalati, wa꞉ta epo atlaye wa꞉ ikadepe koko po-atlasema.

1 Yon 2:16

Epapedeme ta꞉lamo sikemte solotamale koko tle ipapele kokota woyamelepe. Mota solotamolowe koko, epo ta꞉lamota halopo pua alisisi tlapame sikemte solotamolowe koko, epame alisisi pasatepo halemama ya꞉skamu di dla hamhetlowe koko. Epele tlope koko hapuloma iye A God tle popuasema, amasiyama ta꞉lamota halopo pua kokopo.

Bobotimatimale 18:7

Ya꞉tapo ya꞉skamu di dla hamhetamhalemama alisisi pasatepo haluwa, e mate ala꞉le asiyamaye wotiyalle mate dupa kolle mate ya꞉ dla hapiya. Adipalati, ya꞉tapo ya꞉skamu epo atlemduwapo, ‘Na꞉ye podupulapi, na꞉ye dokopala a꞉yapo. Epedeme dupa kolle kokota na꞉ dla populuwa,’ demduwapo.