Yeims 2:6 - Kamula

⁶ Amasiyama dulu edla wua꞉tapo alisisi pa꞉talo soye pokoko demdepo. Ame wua꞉ adipalati ma alisisi pasatale so dla dostasiyama꞉? Ewolotapo wua꞉ dla wotiyalle hapipame koko gladle dla elemtulumdepo.

Yeims 2:6 Iomraidhean Croise

Ka꞉dle molo atlale yu Yonta ilimale 8:49

Amasiyama Yesutapo asiyama yia꞉ watle epo atlaiyo, “Na꞉ dulu dla bataliya yemala haleta pohalasema, hawa ikadepe. Amasiyama na꞉ isikimi hatlo na꞉ A hi di dla ta꞉demama apopo. Epapele tlope wua꞉tapo na꞉ dla putlomale yu atlalepo.

Taiya dle so 13:50

Amasiyama Yu sotapo Polo dla elle pato himimama yia꞉ta tame God dla mikadepe dlalo po-Yu so patoto wola꞉ mate epo mo dokopala so mateta siyalasiyaladlepo depame Polo wolo kokoye yia꞉ watle mala-atlamaiyo. Epalati yia꞉tapo Polo woloye wotiyalle hapipame mo etle alikili dla dodolomsaliyo.

Taiya dle so 17:6

Amasiyama yia꞉ta Polo wolo ponatilalo wekelati Yason mate mikadepe dle so opi mate hohopame mo dokopala so dla elemtaiyo. Epalati siyaladle ta꞉dlalo sota dokopala so watle yu teta꞉le mate Polo wolo koko dla epo atlamyaiyo, “Opa iwolotapo mo hapuloma dla opa watle yiyilamale koko imsiyamama ma di mo hema mo-puwapo.

Taiya dle so 18:12

Loum oplami Galiyota Kolin mo dla halemama Akaya mo pato omhalaiyo. Epapeleye Polota Kolin mo dulu dla God yu imsela꞉lati Yu so hapulomatapo allimama Poloye Galiyo watle hamame pumulaiyo.

1 Kolin 11:22

Epapalala depame wua꞉ ka꞉dena, mo-wua꞉ aya ikadepe dla daya mo-dlopame ma Lod malamale daya dele dla puluwe ka꞉pi. Adipalati, wua꞉ta yimkata alupo daya dele dulu dla daya pa꞉talo so pogadlalo wekemde kokotapo yia꞉ dla wota꞉le hampumama mo-wua꞉ sos dla mape wota꞉le hampumdepo. Epapedeme na꞉ ma apa kokoye wua꞉ dla atlepa꞉? Wua꞉ta malamaleta koko hema na꞉ye siyema dema꞉? Hao. Na꞉ posiyesema.

Yeims 2:3

Epalati wua꞉tapo tluka ka꞉ka꞉dle didiyepo mati oplami watle atlemama, “Wa꞉ itapu hema matime polane,” depame ma alotle tluka bobtalimale didiyepo mati oplami watle atlemama, “Wa꞉ alo huma tuwame polane,” dlepe.

Yeims 5:4

Epedeme wua꞉ natiya, wua꞉ta wua꞉ oko sotapo wua꞉ alisisi emale dla oko halomha꞉ha꞉lati asiyama pohalopimdena. Epapedeme yia꞉ta wua꞉ dla allimama God dla gadle yilo a꞉lemha꞉ha꞉po. Epalati di pato Lodtapo yia꞉ta a꞉lemha꞉ha꞉ kokoye ma-dalepo.

Yeims 5:6

Epame wua꞉tapo ka꞉ka꞉dle so opaye koko gladle dla elemhetame yia꞉ koko gladepame potimaiya demduwapo. Amasiyama opa iwolotapo wua꞉ dla batalimale koko hale pohalomdena.