Taiya dle so 9:3 - Kamula

³ Epalati Solta Damasko mo dla mikadepe dle so hohomolowedeme ma-taiyo. Ya꞉ tame Damasko mo mo-mateka꞉pi dla hallati pakasiyamalalo pepele di tle hela꞉dleta tulume ya꞉ dla haiyo.

Taiya dle so 9:3 Iomraidhean Croise

Taiya dle so 22:6

Na꞉ epamsela꞉mama alila haleta Damasko mo dla mikadepe dle so hohomala tauwa. Oloma edla alila dukuslopi dla Damasko mo mateka꞉pi dla tamhallati pakasiyamalalo pepele di tle hela꞉dleta tulume na꞉ye hauwa.

Taiya dle so 9:17

Epalati Ananayasta tame Yudas aya dla hetame Solye ya꞉ do mate ummama epo atlaiyo, “Namkale, Lod Yesu wa꞉ta api duka dla pumhalemama natiwaye, eta na꞉ tane de. Epo ya꞉tapo wa꞉ inoma ka꞉depame ma Hela꞉dle Sokoye wa꞉ dla hamili de,” diyo.

Taiya dle so 9:27

Amasiyama Banabasta ya꞉ye gademama Taiya dle so watle Sol semtame epo atlaiyo, “Lodtapo Solye Damasko api duka dla tamhallati woyapame ya꞉ watle yukamaiyo. Epalati Solta mikadepe depame Damasko dla itiyamale mate God yu Yesu Keliso koko atloweye powota꞉iyo,” diyo.

1 Kolin 15:8

Epame ma mosukulu dla ya꞉tapo na꞉ dla puame woyamuwapo. Epapele dulu dla na꞉ye a꞉yata owayemala hammama ala polo yemala hamdiye, na꞉ epapele some hallati apuwapo.

1 Kolin 9:1

Epedeme na꞉ dla itiyamale pe-elema꞉, na꞉ta wua꞉ dla yu ipo ilipo hamiloweye? Epame na꞉ye potane dle oplamita꞉? Epame na꞉ mape di Lod Yesu ponatilalo wekele oplamita꞉? Epame pona꞉ta꞉, wua꞉ yilo oko pato hauwaye, wua꞉ta mikadepe dlepo depame?

1 Timoti 6:16

God hatlo ya꞉tapo kokó halepo hallalo halapo. Epame ditapo ya꞉ta hala mateka꞉pi dla tuluweye po-ala꞉na. Adipalati, ya꞉ye sikemte hela꞉dle dulu dla hallalopo. Epapedeme oplami haletapo ya꞉ye ponatina. Ikadepe, oplami haleta ya꞉ natiloweye po-ala꞉na. Ya꞉ dla kokó elepo ellalo itiyamaleye elapo. Epedeme ditapo alila hapuloma hatlo ya꞉ dla siyele ta꞉demha꞉ha꞉lowe tlo ka꞉pi. Koko iye ikadepepo.

Bobotimatimale 21:23

Epame mo edla salita hela꞉dle mate epo mamata hela꞉dle mate ma posolotamasema. Adipalati, God ya꞉ hela꞉dletapo mo pato eye hela꞉depo hallepe. Epalati La꞉mtapo mo e ya꞉ tuloma hallepe.

Bobotimatimale 22:5

Epame mota matle po-amtumhallowa. Epame opata tulomata hela꞉dle mate epo salita hela꞉dle mate matle posolotamha꞉ha꞉lowa. Adipalati, Lod Godta meyelo mo edla hela꞉dle hamilalo hallepe. Epalati God ya꞉ opatapo kokó ha꞉ha꞉lalo dokopala so depo ha꞉ha꞉lepe.