Taiya dle so 9:10 - Kamula

¹⁰ Amasiyama Damasko mo dulu dla mikadepe dle oplami hale halaiyo, ya꞉ hiye Ananayas. Oloma edla Lodta Ananayas inomaye meyelope depame ya꞉ mate yukamama epo atlaiyo, “Ananayas.” Epalati asiyama Ananayasta epo atlaiyo, “Lod, na꞉ ipo,” diyo.

Taiya dle so 9:10 Iomraidhean Croise

Yeneses 14:15

Epame utula꞉la oloma edla A꞉iblamta ya꞉ opaye huhukulupame alumale meyelo meyelope depo hatitimaiyo. Epame yia꞉tapo Kedolamel ya꞉ opaye poyumama opi tlo posalemtame Damasko mo tla꞉mtame tota ikadepe Hoba mo dla woyamaiyo.

Yeneses 22:1

Alila opi alotle Godtapo A꞉iblahamta mikadepe dle natilowedeme ya꞉ sisilamaiyo. Epalati asiyama A꞉iblahamta epo atlaiyo, “Na꞉ ipo,” diyo.

Yeneses 31:11

Epalati milamalo natili dulu edla God ya꞉ banakaka oplamitapo na꞉ watle epo atluwa, ‘Yokob.’ Epapalati na꞉ asiyama epo atluwa, ‘Yao, na꞉ me-dalemelema,’ duwa.

Ekesedes 3:4

Amasiyama Mosesta kulume pula natipame Godtapo dlapa ullumhala dulu tle ya꞉ watle epo sisilamaiyo, “Moses, Moses.” Epalati asiyama ya꞉ta epo atlaiyo, “Na꞉ ipo,” diyo.

Taiya dle so 10:3

Epo alila haleta tamila꞉la dla hallati Godta Koneliyas inomaye meyelope dlati ya꞉tapo God ya꞉ banakaka oplami natiyo. Banakaka oplamita puame ya꞉ watle epo atlaiyo, “Koneliyas,” diyo.

Taiya dle so 11:5

“Na꞉ Yopa mo dla halemama inoma sumpollati Godta na꞉ inomaye meyelope duwa. Epapele dulu dla natilati soula sepeleta pepele di tle deata soula akutu dla hihimapo halum-malla natiwa. Alisisi eta malame na꞉ mateka꞉pi dla halla natilati dulu edla alinepi mila꞉pi meyelope meyelope dle ta꞉la dla siyamalalo alinepi mate epo di dla siyamalalo tea mate ha꞉ha꞉la tlamuwa.

Taiya dle so 12:9

Amasiyama Pita ya꞉ koko i natimama semte ya꞉ta malamaleta Godta ya꞉ inoma meyelope dlati koko tlamapo diyo.

Taiya dle so 16:10

Epapele dulu dla di Godta dita Makedoniya so watle ka꞉dle yu hamtelepo depame di taiya duwa kokoye malapame Makedoniya dla tlowedeme me-dinapuwa.

Taiya dle so 16:9

Yia꞉ Tlowas mo dla puame woyamale utula꞉la oloma edla Polotapo ya꞉ inomata meyelope dlati Makedoniya oplami natiyo. Oplami etapo ya꞉ watle otele mate epo atlaiyo, “Wa꞉ kaula ulumpuame Makedoniya dla di gadene,” diyo.

Taiya dle so 18:9

Epo utula꞉la haleta Lodta Polo inoma meyelope depame ya꞉ watle epo atlaiyo, “Wa꞉ ase wota꞉miya. Epame wa꞉ta yu atlemsela꞉ye melemiya.

Taiya dle so 2:17

‘Godta epo atluwapo, Mosukulu alila dla na꞉ta Hela꞉dle Sokoye opa hapuloma watle hamilowepo. Epalati wua꞉ akimlala mate wua꞉ utukaka mate amile kokoye momolo atlamsiyamelepe. Epame wua꞉ kiptalo mape yia꞉ inomata meyelope demama God tle pua koko tlamelepe. Epalati wua꞉ opolatalota God tle pua kokoye milamalo tlamha꞉ha꞉lepe.

Taiya dle so 22:12

Na꞉ Damasko dla tame woyamalati oplami hale Ananayasta na꞉ natila puwa. Ya꞉ye Mosesta aiyalma hatitimaleye woloma dolumsela꞉lalo oplami. Epapalati Yu so Damasko dla ha꞉ha꞉lalota ya꞉ye ka꞉dle oplami demdiyo.

Taiya dle so 9:12

Adipalati, na꞉ta ya꞉ inomaye meyelope depame wa꞉ta puame wa꞉ dota ya꞉ hamalati ya꞉ inoma ka꞉dloweye ya꞉ watle ma-atla,” diyo.

Taiya dle so 9:9

Sol inoma kokowepo Damasko dla tame halemama alila dapahatlope dulu dla daya mate yú mate podemhalaiyo.

2 Kolin 11:32

Epedeme na꞉tapo Damasko mo dla tame hallati dokopala oplami Aletas ya꞉ oko oplamitapo na꞉ye yumuluwedeme solotamuwapo. Epammama ya꞉ opatapo na꞉ye hamolowedeme mo kosukulli kokoloma tala dla omha꞉ha꞉mduwapo.

Galasiya 1:17

Epame Yelusalem dla hetame ka꞉yapa ha꞉ha꞉le Taiya dle so watle gadle yu yilo yia꞉ hala dla potana. Amasiyama Godta na꞉ sisilamala dalepame isikimi Alabiya mo dla tauwapo. Edla halepo depame ma Damasko dla ilampuwapo.