Taiya dle so 3:2 - Kamula

² Yia꞉ hetame natilati akoloyale oplamiye kokoloma tala hale, ya꞉ hi ka꞉pi kokoloma demdiye, edla polla natiyo. Oplami iye ya꞉yata hammama mepo akoloyale hamaiyo. Epeleye alila hapuloma ya꞉mkadulota ya꞉ye hohopo hetame kokoloma tala hema pamelemdiyo. Epalati ya꞉tapo edla polomama opata aiyalma aya dla hetamha꞉ha꞉lati yia꞉ watle mani otompolomdiyo.

Taiya dle so 3:2 Iomraidhean Croise

Ka꞉dle molo atlale yu Lukta ilimale 16:20

Oloma edla alisisi pa꞉le oplami hale halaiyo, ya꞉ hiye Lasales. Ya꞉ moto hapulomaye hiliyamama hekakata sikemte yulupo halaiyo. Epapeleye ya꞉tapo alila hapuloma alisisi pasatale oplami aya kokoloma tala dla elemama ya꞉ta daya ka꞉dle dele hulluta teteyulati dlowe solotamdiyo. Epalati esemalatapo puame ya꞉ hekakaye sosopo demyemdiyo.

Ka꞉dle molo atlale yu Lukta ilimale 18:35

Yesuta Yeliko mo mateka꞉pi dla pumhallati inoma pa꞉le oplamitapo Yesuta pua api duka dla polomama opa watle mani otompolaiyo.

Ka꞉dle molo atlale yu Yonta ilimale 9:8

Epapele dulu dla oplami e ya꞉ asiyadulo mate epo opa opi mate ya꞉ta alila hapuloma dulu dla api duka dla otompolomduwa koko malapame sikemte yiyeliyo. Epame yia꞉ta epo atlamyaiyo, “Api duka dla otompolomduwa oplami ita꞉?” demyaiyo.

Taiya dle so 10:31

Ya꞉ta na꞉ watle epo atluwa, ‘Koneliyas, Godta wa꞉ta inoma sumhaluwaye, ya꞉ ma-daluwapo. Epame wa꞉ta atali so gagademhaluwaye, Godta ma-natiwapo.

Taiya dle so 10:4

Epalati Koneliyasta God ya꞉ banakaka oplami dla wota꞉le mate omhalemama epo atlaiyo, “Lod, wa꞉ apa solotama꞉?” diyo. Asiyama God ya꞉ banakaka oplamita ya꞉ watle epo atlaiyo, “Wa꞉ta God dla inoma sumhaluwaye, ya꞉ ma-daluwapo. Epame wa꞉ta atali so gagademhaluwaye, Godta ma-natiwapo.

Taiya dle so 14:8

Epame Listla mo dulu dla oplami hale ya꞉yata hammama mepo akoloyale hamaiyo.

Taiya dle so 4:22

Epedeme Pita mate Yon mate akoloyale oplami ka꞉dleye 40 sokomoko tla꞉mtame hallati apiyo.