Taiya dle so 26:4 - Kamula

⁴ Epapele dulu dla Yu so hapuloma me-yia꞉malamana, na꞉ta ka꞉yapa na꞉ opa dulu dla epo Yelusalem dla haluwa pasakaloye.

Taiya dle so 26:4 Iomraidhean Croise

Taiya dle so 22:3

Epalati Polota epo atluwa, “Na꞉ye Yu oplami, Kilikiya mo pato dulu dla Talesas mo dla hamuwapo. Amasiyama na꞉ Yelusalem mo hema halemama ta꞉uwa. Epeleye Gamaliyelta na꞉ye imalati na꞉tapo di mamadulota aiyalma hatitimaleye sikemte malastauwa. Epapele dulu dla wata wua꞉ta semte God oko tepo depo na꞉ dla siyalasiyaladepame na꞉ yumuluwedeme apopo. Amasiyama na꞉ ma ka꞉yapa semte koko eye God oko tepo depame na꞉ta itiyamale pato himimama Yesu dolumtlalo soye wotiyalle hapimama opiye mo-potimalati na꞉ koko edla po-alimdena. Epame opa mate wola꞉ mate na꞉ta hohopame amtuwale aya dulu dla ka꞉ka꞉timduwapo.

Taiya dle so 24:14

Amasiyama yia꞉ta atlamale dulu dla koko hale tlo mikadepe. Eye, na꞉ di mamadulo God hi ta꞉dlowedeme Yesu hi dla mikadepe demde. Amasiyama Yu sota na꞉ta Yesu koko dla imaleye pomikadepedesemde. Na꞉ ma epame Mosesta aiyalma hatitimale mate epo God tle yu hapame molo atlamalalo sota hatitimale yu dla mikadepe demde.

Galasiya 1:13

Epedeme wua꞉ mo-wua꞉malamana, na꞉ta Yu sota imale koko dulu dla haluwa pasakaloye. Na꞉tapo God ya꞉ sos opaye elle himpo halemama wotiyalle hapimduwapo. Adipalati, na꞉ solotamduwa, sos iye yumuluwedeme.

Pilipi 3:5

Adipalati, na꞉ waita na꞉ hampame alila 7 pololepo gudlati 8 alila dla na꞉ kapala kestauwapo. Na꞉ye Isalael so dulu dla Benyamin elele halë oplamipo. Epapedeme na꞉ye Hibulu oplami ikadepepo. Epo na꞉ye Pa꞉lisi oplami halemama Godta aiyalma hatitimale hapulomaye woloma dolumpumama hale pohamastana.

2 Timoti 3:10

Epedeme Timoti, wa꞉ mo-wa꞉malamana, na꞉ta imuwa kokoye, epame na꞉ta haluwa kokoye, epo na꞉ta solotapame mala tauwa kokoye, epame na꞉ta mikadepe dle kokoye, epo na꞉ta sadle mate bokotiyapo malamhaluwa kokoye. Epame wa꞉ ma me-daluwapo, na꞉tapo Antiyoka mo dla epo Ikoniyom mo dla epo Listla mo dla wotiyalle koko dulu dla kokalepo me-haluwaye. Na꞉ wotiyalle koko hapuloma dulu medla me-haluwapo, amasiyama Lodtapo na꞉ye wotiyalle koko dulu etle seme alikili dla woyamuwapo.