Taiya dle so 2:11 - Kamula

¹¹ Epame di opiye Kiliti mate Alabiya mate etle pumulale sopo. Di mo meyelope meyelope dle itle pumulale so tlope di yia꞉ta di yu meyelope meyelope dle mate yuhamyela me-dalepo. Epedeme yia꞉ta yuhamyaye Godtapo koko patoto halomale e atlamyemama apopo.”

Taiya dle so 2:11 Iomraidhean Croise

Ekesedes 15:11

Epapedeme god hale wa꞉ epapele halema꞉? Hao, hawa ikadepe. Adipalati, wa꞉ye sikemte aiyalma depo halemama hela꞉dle mate itiyamale mate halapo. Epame wa꞉tapo ulugiyemale koko patoto halomdepo.

Taiya dle so 2:10

epo Piligiya tle epo Pampiliya tle epo Isip tle pumulale sopo, epame di opiye Libiya mo pato dulu dla Kulene mo mateka꞉pi tle pumulale sopo. Epame opiye Loum tle pumulale sopo, epo opiye Loum tle pumulale po-Yu so, Yu so God dla mikadepe dle tle Yu so hi halomale sopo.

Taiya dle so 2:12

Yia꞉ yiyelle mate malamale tatlamale mate ha꞉ha꞉mama yimkadulo watle epo atlamyaiyo, “I apa kokota꞉, i apa kokota꞉?” demyaiyo.

Taiya dle so 27:12

Epapalati opa hapulomata epo atluwa, “Di tene yapi dla hema ha꞉ha꞉mama koa himme ha꞉ha꞉loweye koa sitali poka꞉dena,” duwa. Epammama yia꞉ solotamuwa, hapele Poiniks mo dla tame ha꞉ha꞉lati tene alilata gudlepo depame. Epedeme Poiniks iye koa sitali hale ka꞉pipo Kiliti hasu dla. Adipalati, koa sitali edla mosisi patota pase puame poyusemde.

Taiya dle so 27:13

Epapeleye alila haleta mosisi patota mo-ka꞉limtlati ma mosisi yimka꞉malata kaula pato duka tle peleyama tiyama dla bibikilimolowe kotiyamuwa. Epalati koa hamsiyamalalo sota e natipame ka꞉pi demama upiyele alisisi koa hohopo hutiyeleye yú dulu tle holalipo koa dulu dla hatitimuwa. Epame di Kiliti hasu peleyama tle polomyeuwa.

Taiya dle so 27:7

Epalati di koa dulu edla alupame Nidus dla woloma tamalemama alila pasatale kaula duka dla pololuwa. Di Nidus tla꞉mtamama mosisita bibikilimama ulota sikemte patoto dlati ma Kiliti hasu dla uluwa. Di epame Kiliti hasu ipi Salmone mateka꞉pi tle woloma polomyemama puame Lasea mo koa sitali dla puame woyamuwa. Epedeme koa sitali ya꞉ hiye Koa sitali ka꞉pi.

1 Kolin 12:10

Epame matle Soko hatlo meta oplami hale dla ulugiyemale koko halomolowe itiyamaleye hamimdepo. Epame Soko hatlo meta oplami hale dla God tle yu hapame molo atlowe itiyamaleye hamimdepo. Epame ma Soko hatlo meta oplami hale dla God ya꞉ Soko mate epo soko opi mate malanatilowe itiyamaleye hamimdepo. Epame ma Soko hatlo meta oplami hale dla ulugiyemale yu mate yukamolowe itiyamaleye hamimdepo. Epame ma Soko hatlo meta oplami hale dla ulugiyemale yu mate yukamale ya꞉ dulu koko woloma hatostepo atlowe malamaleye hamimdepo.

1 Kolin 12:28

Epapedeme Godtapo wua꞉ dulu dla ka꞉yapa opa opi dla Taiya dle okoye ma-hapiwapo. Epame ma medla opa opi dla God tle yu hapame molo atlamalalo okoye hapiwapo. Epame ma medla opa opi dla God yu atlowe okoye hapiwapo. Epame ma opa opi dla ulugiyemale koko halowe itiyamaleye hapiwapo. Epame opa opi dla esusulumale so ka꞉ka꞉dlowe itiyamaleye hapiwapo. Epame opa opi dla yimkadulo gagadlowe itiyamaleye hapiwapo. Epame opa opi dla sos omha꞉ha꞉lowe oko hapiwapo. Epame ma opa opi dla ulugiyemale yu yuhalowe itiyamaleye hapiwapo.

Galasiya 1:17

Epame Yelusalem dla hetame ka꞉yapa ha꞉ha꞉le Taiya dle so watle gadle yu yilo yia꞉ hala dla potana. Amasiyama Godta na꞉ sisilamala dalepame isikimi Alabiya mo dla tauwapo. Edla halepo depame ma Damasko dla ilampuwapo.

Galasiya 4:25

Epapedeme a꞉ya Hagai itapo Alabiya mo dulu dla Sainai tamali koko mate Yelusalem koko mate imapo. Adipalati, Yelusalem mo pato i mate epo ya꞉ opa mate aiyalma koko dulu dla upiyele mate ha꞉ha꞉po.

Taites 1:12

Epapedeme Kiliti so dulu dla imalalo oplami haletapo Kiliti so koko dla epo atluwapo, “Kiliti so hapulomaye isikimi mala-atlalo sopo. Epame yia꞉tapo moko esemala epapele some ha꞉ha꞉po. Yia꞉tapo oko halowe dla allimama asiyama dlowe tlo sikemte dlomha꞉ha꞉po,” duwapo.

Taites 1:5

Na꞉tapo wa꞉ye Kiliti hasu dla saliyome tauwapo, wa꞉tapo sos hapuloma dla yia꞉ dokopala so hohomtelepo depame, epame sos koko opi ma dinapelepo depame.

Hibulu 2:4

Epalati ditapo yia꞉ta atlamsiyamale yu dla mikadepe dlepo depame Godtapo di watle ulugiyemale koko patoto nalati-imduwapo. Epame ya꞉ta sesalemale so dla Hela꞉dle Sokoye hapimduwapo.