Taiya dle so 19:1 - Kamula

^1-2 Apolos ala Kolin mo dla me-hallati Polota ta꞉la api tame Epeses mo dla woyamaiyo. Polota edla tame mikadepe dle so opi umpame yia꞉ watle epo atlaiyo, “Wua꞉ mikadepe dlati Hela꞉dle Sokota wua꞉ dla mo-maluwa?” diyo. Epalati asiyama yia꞉ta epo atlaiyo, “Wa꞉ apa kokoye di watle atlema꞉? Di Hela꞉dle Soko kokoye yeitamana,” diyo.

Taiya dle so 19:1 Iomraidhean Croise

Taiya dle so 18:1

Polota Atene mo dla halepame ma Kolin mo dla taiyo.

Taiya dle so 18:8

Epo dulu edla inoma sumalalo aya dokopala oplami Klispus mate epo ya꞉ aya dulu dla ha꞉ha꞉lalo so mate Lod Yesu dla mikadepe diyo. Epame Kolin so opi mape Polo yu dalepame mikadepe dlati yia꞉ye yú dla ka꞉ka꞉timaiyo.

Taiya dle so 19:17

Epapalati Epeses dla ha꞉ha꞉lalo Guliki so mate Yu so mate koko i dalepame sikemte wowota꞉mama hatlo Lod Yesu hi dla heodiyo.

Taiya dle so 19:26

Amasiyama wua꞉ oplami Polota koko hamsela꞉ye mo-wua꞉malamana. Ya꞉ta atlemama opata dota mimita꞉ple godye pogod ikadepe demsela꞉lati opa pato Asiya dla ha꞉ha꞉lalo mate epo Epeses dla ha꞉ha꞉lalo mateta ya꞉ mo-dolumsiyamapo.

Taiya dle so 20:16

Amasiyama Polo ya꞉ posolotamana, ma Epeses mo dla tlowedeme. Adipalati, ya꞉ solotamaiyo, Asiya moye hapele saliyome tame Yelusalem dla Pentikos daya dele alila dla hallowedeme.

Taiya dle so 20:18

Epame Epeses sos dokopala sota ya꞉ hala dla pumullati ya꞉ta yia꞉ watle epo atluwa, “Wua꞉ mo-wua꞉malamana, na꞉ta alila hapuloma wua꞉ mate Asiya mo dla halemama koko halomhaluwaye.

Taiya dle so 21:29

Yu so iwolotapo po-Yu oplami Epeses dla hallalo Tlopimusye Polo mate Yelusalem dla sela꞉lati natipo yia꞉ta malamaleta Polota ya꞉ye yia꞉ aiyalma aya dla semhetauwayo demama ipo atlamyeuwa.)

1 Kolin 1:12

Epedeme wua꞉ dulu dla yu topulolemyemama opita epo atlamyapo, “dia꞉ye Polo dolumalalo sopo,” epalati ma opita atlemama, “dia꞉ye Apolos dolumalalo sopo,” epalati ma opita atlemama, “dia꞉ye Pita dolumalalo sopo,” epalati ma opita atlemama, “dia꞉ye Keliso dolumalalo sopo,” demyapo.

1 Kolin 15:32

Palli tle ma silliwe kokota pe-ellalo wekematiye, ame na꞉ adipalati Epeses mo dla halemama na꞉ dla opahale dlalo so, moko esemala sepele mate nalatimhaluwa? Epedeme Godta palli soye ma pasakalo dla pota꞉ta꞉dlalo wekematiye, eta “ditapo daya mate yú mate dlomha꞉ha꞉lemla. Adipalati, iyelaye polowe alilata pulupe.”

1 Kolin 16:12

Na꞉ solotamuwa, di ei Apolostapo mikadepe dle so ya꞉mkadulo mate wua꞉ hala dla tame woyamelepo depame. Amasiyama ya꞉ta wua꞉ hala dla puluweye alilata po-ala꞉na. Epedeme ya꞉tapo alila ka꞉dle natipame wua꞉ hala dla pulupe.

1 Kolin 16:8

Amasiyama na꞉ yipta wua꞉ hala dla potlowa. Adipalati, Epeses mo hema na꞉ta ka꞉dle oko halowe kokoloma patota mo-dokostame elema. Amasiyama epapele tlope na꞉ dla opahale dlalo so ma pta wokasemana. Epedeme na꞉ ala Epeses mo midla halemama Pentikos alilata umulati edla tlowepo.

1 Kolin 4:6

Mikadepe dle so namkadulo, na꞉tapo wua꞉ malapame na꞉ mate Apolos mate di koko tle wua꞉ dla imalepo, wua꞉tapo God yu bukata atla mate ala꞉po ha꞉ha꞉mama wua꞉ dokopala so yilo wua꞉ dulu dla hukulli pa꞉po ha꞉ha꞉lepo depame.

Epeses 1:1

Na꞉ye Polopo. Godta na꞉ye sauwapo, na꞉tapo Yesu Keliso ya꞉ Taiya dle oko halepo depame. Epedeme na꞉tapo yu ilimale iye Epeses mo dulu dla ha꞉ha꞉lalo Yesu Keliso dla mikadepe dle so wua꞉ dla hamima. Adipalati, wua꞉ye God ya꞉ opapo.