Taiya dle so 18:5 - Kamula

⁵ Epalati Saeles mate Timoti mate Makedoniya tle Polo hala dla pulati Polotapo ya꞉ oko melepame alila hapuloma dla isikimi God yu atlowe kotiyapo sela꞉iyo. Epammama ya꞉tapo Yu so watle Yesu koko haliyamale dla imsela꞉mama Yesuye Godta sale Kelisopo demsela꞉iyo.

Taiya dle so 18:5 Iomraidhean Croise

2 Kolin 5:14

Adipalati, Kelisota bokotiyapo malamaletapo dia꞉ye elemsiyamapo. Ame adipalati, dimalamana, oplami hatlopetapo opa hapuloma yilo pouwapo. Epapele koko tle dita hapulomatapo mo-paliwapo.

Taiya dle so 18:28

Adipalati, ya꞉ta God koko sikemte malastale koko tle Yu sotapo Yesu koko dla yu ballalo so mate yu dlomama ya꞉ta malamaleta yia꞉ tla꞉mtamdiyo. Epammama ya꞉tapo God yu buka tle imama Yesuta ikadepe Godta sale Keliso depo hala kokoye opa watle haliyamale dla imdiyo.

Taiya dle so 20:21

Epedeme na꞉ Guliki so mate Yu so mateta malamale meyelope depo God dla heheletipame di Lod Yesu dla mikadepe dlepo depame yu atlamduwapo.

Taiya dle so 17:3

Ya꞉tapo God yu imama epo atlemdiyo, “Godtapo yu me-himiwapo, ya꞉ta sale Kelisotapo wotiyalle hapame popo ma powale tle pasakalo dloweye. Epedeme na꞉tapo wua꞉ watle Yesu koko atlamhala iye Kelisopo. Ya꞉ye Godtapo sepame tane dle oplami ikadepe wua꞉ta omha꞉ha꞉uwapo,” demdiyo.

Taiya dle so 9:22

Epapalati Sol dla God yu atlowe itiyamaletapo sikemte pato diyo. Epammama ya꞉ta Yesuye Godta sale Kelisopo depo imalati Yu so Damasko dla ha꞉ha꞉lalo sota asiyama yu atlowe malamale hawa halemdiyo.

Pilipi 1:23

Amasiyama na꞉tapo koko dapiyamte hema koko hatlo tlo solotamoloweye pta kokalema. Epele tlope na꞉ popame Keliso mate hallowe tlo sikemte solotama.

Taiya dle so 2:36

Epedeme Isalael so, wua꞉ koko i woloma malamaiya. Yesu wua꞉ta dali yekelemhimili di dla gogoduwa iye Godtapo ya꞉ye Lod depo Keliso duwapo.”

1 Pita 5:12

Epedeme na꞉tapo wua꞉ gadlowe yu kiyele iye mikadepe dle dulu dla na꞉ ei ikadepe some hallalo oplami Saeles mate ilipo hamima. Epedeme na꞉ta yu ilimale ya꞉ dulu kokoye, Godta bokotiyapo malamale kokopo. Epedeme wua꞉ye dulu medla kokalepo ha꞉ha꞉iya.

Taiya dle so 16:9

Yia꞉ Tlowas mo dla puame woyamale utula꞉la oloma edla Polotapo ya꞉ inomata meyelope dlati Makedoniya oplami natiyo. Oplami etapo ya꞉ watle otele mate epo atlaiyo, “Wa꞉ kaula ulumpuame Makedoniya dla di gadene,” diyo.

Taiya dle so 16:1

Polo wolota tame Delebe mo dla woyapame ma Listla mo dla tame natilati mikadepe dle oplami hale halaiyo, ya꞉ hiye Timoti. Timoti ya꞉ waiye mikadepe dle Yu a꞉yayo. Epalati ya꞉ a tlo Guliki oplamiyo.

Taiya dle so 15:22

Epame Taiya dle so mate epo sos dokopala so mate epo mikadepe dle so hapuloma matetapo solotamale himpame opa opi hohopo Polo wolo mate ma Antiyoka dla taiya diyo. Epammama yia꞉ta dokopala so alumale dulu tle opa iwolo hohomaiyo, Yudas Balesabas mate Saeles mate.

Taiya dle so 10:42

Ya꞉ di watle yu itiyamale mate atluwapo, ditapo opa watle God yu atlamsiyamelepo depame. Epame Godta Yesuye mo-pamoluwapo, ya꞉tapo pasakalo ha꞉ha꞉ so mate epo palli so mate yia꞉ koko gladlalo oplami hallepo depame. Epedeme dita koko iye botomastapame haliyamale dla atlamsiyamapo.

Taiya dle so 4:20

Adipalati, di bidulo Yesuta koko hamsela꞉la natiwa mate epo Yesuta koko atlamala dlaluwa mate atlamsiyamoloweye pomellowa,” diyo.

Ka꞉dle molo atlale yu Yonta ilimale 15:27

Epame wua꞉ mape opa dla na꞉ kokoye botomastlepe. Adipalati, wua꞉tapo ka꞉yapa na꞉ta oko kotiyamuwa oloma etle na꞉ mate siyamuwapo.”

Ka꞉dle molo atlale yu Yonta ilimale 10:24

Epalati Yu sotapo ya꞉ natipo puame ya꞉ye silligodepo ha꞉ha꞉mama ya꞉ watle epo atlaiyo, “Di alila pasatale dulu dla wa꞉ koko dla sikemte momalamha꞉ha꞉ma. Epedeme wa꞉ kokoye di watle haliyamale dla atlane, wa꞉ye ikadepe Kelisota꞉?” diyo.

Ka꞉dle molo atlale yu Yonta ilimale 3:28

Epedeme wua꞉ na꞉ta atlemama na꞉ye po-Keliso duwa kokoye ma-daluwapo. Amasiyama na꞉ye isikimi ya꞉ api dinapolowe koko dla tane dle oplamipo.

Ka꞉dle molo atlale yu Yonta ilimale 1:41

Epapedeme Enduluta Yesu natipame ya꞉ bapa Saimon totamaiyo. Ya꞉ totamtame ya꞉ natipame ya꞉ watle epo atlaiyo, “Di Mesaya ma-nati,” diyo. Mesaya deye Keliso demama apopo.

Ka꞉dle molo atlale yu Lukta ilimale 12:50

Amasiyama na꞉ta wotiyalle halowe alila ma mo-puapo. Epedeme na꞉ dla dupa yuli patota elema. Epapele tlope na꞉ta wotiyalle dulu etle ulatelepiye, eta dupa yuli na꞉ dla ela iye medla pa꞉lepe.

Ka꞉dle molo atlale yu Lukta ilimale 16:28

Adipalati, na꞉ a aya dla na꞉ eidulo 5 me-ha꞉ha꞉ma. Epedeme ka꞉dena, Lasalesta ma ilame tame yia꞉ye molo atloweye, yia꞉tapo palipame ma wotiyalle mo hema pulala depame,’ diyo.

Taiya dle so 16:12

Epame etle ma ta꞉la api Pilipi dla tauwa. Mo iye Makedoniya mo dulu dla mo pato halepo. Loum so mape mo hema me-ha꞉ha꞉uwa. Epalati di mo edla alila pasatale sepele ha꞉ha꞉uwa.

Taiya dle so 20:23

Amasiyama koko hatlo itlo na꞉malamana. Na꞉ta mo hapuloma dla sela꞉lati Hela꞉dle Sokota na꞉ta wotiyalle halowe mate amtuwale aya dulu dla tulluwe mate me-imduwapo.

Taiya dle so 20:24

Epapedeme na꞉ pasakalo pase malamasema. Amasiyama na꞉ hatlo Lod Yesuta na꞉ watle hamili oko eye, ka꞉dle yu Godta bokotiyapo malamale kokoye opa dla atlowe tlo sikemte malamama mosukulu dla tame gudlowe solotama.

2 Kolin 1:19

Adipalati, God Yami Yesu Kelisoye malamale potatlamalalo oplami. Adipalati, ya꞉ye ya꞉ta koko halomolowepo depo malamde koko hapulomaye halomdepo. Epapedeme Saeles mate epo Timoti mate epo na꞉ mate Keliso kokoye wua꞉ dla atlamsiyamuwapo.

2 Kolin 11:9

Epapele dulu dla na꞉ta wua꞉ mate haluwa oloma edla na꞉ alisisi dimi halemama wua꞉ dla alisisi podalemdena. Amasiyama Makedoniya dla mikadepe dle so ha꞉ha꞉lalotapo na꞉ watle alisisi halopo puame hapiwapo. Epedeme na꞉ wua꞉ dla alisisi hale podalemdena. Epame matle na꞉tapo wua꞉ watle alisisi hale podallowa.

1 Tesalonika 3:6

Amasiyama Timotita ala wua꞉ mate halepo ma ilampuame di watle wua꞉ koko atlamala daluwaye pta ka꞉pi. Adipalati, ya꞉tapo wua꞉ta mikadepe dle koko mate ya꞉mkale bokotiyapo malamolowe koko mate halomha꞉ha꞉ye puame di watle atlamuwa. Epo ya꞉ta di watle wua꞉ta di malaha꞉ha꞉mama di natilowe sikemte solotamale elema duwa. Epele dulu dla di ma asiyama wua꞉ natilowe sikemte solotama.