Taiya dle so 12:9 - Kamula

⁹ Amasiyama Pita ya꞉ koko i natimama semte ya꞉ta malamaleta Godta ya꞉ inoma meyelope dlati koko tlamapo diyo.

Taiya dle so 12:9 Iomraidhean Croise

Yeneses 45:26

Epame ya꞉ watle epo atlaiyo, “A, Yosepye ala me-halema! Ya꞉ye popolalo wekena! Ya꞉ye Isip mo dla dokopala oplami halapo,” diyo. Amasiyama yia꞉ a Yokobtapo yu i dalepame sikemte yielemama pomikadepe dlalo wekiyo.

Yeneses 6:22

Epalati Nowatapo Godta atlale koko hapuloma eye ma-haiyo.

Ka꞉dle molo atlale yu Yonta ilimale 2:5

Epapalati asiyama ya꞉ waita aya dulu dla oko halalo so watle epo atlaiyo, “Wua꞉ Yesuta wua꞉ watle yu atlati yu e dalepame koko eye haiya,” diyo.

Taiya dle so 10:17

Pita ya꞉ta inomata meyelope dlati tlamale ya꞉ dulu kokoye ala momalampollati Koneliyasta taiya dle so opata puame Saimon aya natipame kokoloma tala dla omha꞉ha꞉iyo.

Taiya dle so 10:3

Epo alila haleta tamila꞉la dla hallati Godta Koneliyas inomaye meyelope dlati ya꞉tapo God ya꞉ banakaka oplami natiyo. Banakaka oplamita puame ya꞉ watle epo atlaiyo, “Koneliyas,” diyo.

Taiya dle so 11:5

“Na꞉ Yopa mo dla halemama inoma sumpollati Godta na꞉ inomaye meyelope duwa. Epapele dulu dla natilati soula sepeleta pepele di tle deata soula akutu dla hihimapo halum-malla natiwa. Alisisi eta malame na꞉ mateka꞉pi dla halla natilati dulu edla alinepi mila꞉pi meyelope meyelope dle ta꞉la dla siyamalalo alinepi mate epo di dla siyamalalo tea mate ha꞉ha꞉la tlamuwa.

Taiya dle so 12:8

Epame banakaka oplamita ya꞉ watle ma epo atlaiyo, “Wa꞉ sila꞉time wa꞉ tluka alisisi mate hete alisisi mate didiyepo na꞉ mate puane,” diyo. Epalati Pitata banakaka oplami yu dalepame koko eye haiyo.

Taiya dle so 26:19

Epedeme dokopala oplami Agilipa, na꞉ inomata meyelope demama Pepele di tle malale yu i dalepame na꞉ po-alina.

Taiya dle so 9:10

Amasiyama Damasko mo dulu dla mikadepe dle oplami hale halaiyo, ya꞉ hiye Ananayas. Oloma edla Lodta Ananayas inomaye meyelope depame ya꞉ mate yukamama epo atlaiyo, “Ananayas.” Epalati asiyama Ananayasta epo atlaiyo, “Lod, na꞉ ipo,” diyo.

Hibulu 11:8

Godtapo A꞉iblaham watle epo atluwapo, “Wa꞉ mo mate epo wa꞉ opa mate memelepame ma na꞉ta wa꞉ watle hamilowedeme hala mo dla tane,” duwapo. Epalati A꞉iblahamta God dla mikadepe depame ya꞉ mo saliyome Godta ya꞉ watle atlale mo edla yeliyemtamama oloma hadima tame woyamolowe demtauwapo.