Taites 3:1 - Kamula

¹ Epedeme mikadepe dle so opa dla ipapele kokoye imhalane, yia꞉tapo yia꞉ omha꞉ha꞉lalo gamani dokopala so yu dla epame mo dokopala so yu dla heodemha꞉ha꞉lepo depame. Epammama yia꞉tapo ka꞉ka꞉dle koko halomolowe dla ma-dinapopo ha꞉ha꞉lepo depame.

Taites 3:1 Iomraidhean Croise

Ma꞉tiyu 22:21

Epalati asiyama yia꞉ta epo atlaiyo, “Sisa mila꞉pi mate epo ya꞉ hi mateta hutiyema,” diyo. Epapalati Yesuta yia꞉ watle epo atlaiyo, “Wua꞉ epapedeme Sisa teteye Sisa watle halopiya, epame God teteye God watle halopiya,” diyo.

1 Kolin 15:58

Epapedeme mikadepe dle so namkadulo, wua꞉ kokalepo ha꞉ha꞉mama houlalimha꞉ha꞉miya. Epame alila hapuloma dulu dla Lod oko halowe yilo itiyamale mate ha꞉ha꞉iya. Adipalati, wua꞉malamana, wua꞉ta Lod dulu dla oko ha etapo isikimi koko pa꞉le pe-elasema.

Epeses 2:10

Epapedeme dia꞉ye Godtapo ka꞉depo dinapele so depo ha꞉ha꞉po. Epame dita Keliso dulu dla ha꞉ha꞉mama ka꞉ka꞉dle koko siyapo tlo halomha꞉ha꞉lepo depame dia꞉ye ka꞉depo dinapuwapo. Ka꞉ka꞉dle koko iye Godtapo mo-powataliya dita halomelepo depame dinapuwapo.

Pilipi 1:11

Epame na꞉ ma inoma sumale yu hale himima, wua꞉tapo Keliso tle ka꞉ka꞉dle koko halomoloweta wua꞉ dla poposatilipo ha꞉ha꞉lati Godta natipo siyelepo depame.

Kolosi 1:10

Epedeme ditapo wua꞉ yilo inoma sumha꞉ha꞉ye, wua꞉ta ka꞉depo ha꞉ha꞉le pasakalo tle Lod dla siyele hamilipo depo amma. Epame wua꞉tapo ka꞉ka꞉dle koko tlo halomha꞉ha꞉mama dlomoko some milimelepo depo amma. Epame wua꞉ta God koko malamoloweta ta꞉lepo depo amma.

1 Timoti 2:2

Epame ka꞉dena, ditapo gamani dokopala so mate epame mo dulu dla itiyamale hohopo ha꞉ha꞉lalo so mateye God dla inoma sumale mate ta꞉ta꞉demha꞉ha꞉loweye. Adipalati, ditapo yimkata sadle dulu dla ha꞉ha꞉mama God mila꞉pi tle ka꞉depo ha꞉ha꞉lepo depame.

1 Timoti 4:6

Wa꞉tapo yu iye woloma mikadepe dle so opa dla imhallepiye, wa꞉ye Yesu Keliso ya꞉ oko oplami ikadepe ka꞉dleta apelepe. Epame wa꞉ta daya demhalemama itiyamale hamdiye, epammama wa꞉tapo ka꞉dle yu dla mikadepe dlowe kokoye dolumhallepiye, eta wa꞉ dla itiyamale hamilipe.

1 Timoti 5:10

Epame yia꞉ye opa hapulomata ka꞉ka꞉dle koko halomalalo so dlalo wola꞉. Epame yia꞉ye yia꞉ yimlala woloma ka꞉pi omha꞉ha꞉lalo wola꞉. Epame yia꞉ye asepe so gadlalo wola꞉. Epame yia꞉ye mikadepe dle so opi dla salladle oko halalo so wola꞉. Epame yia꞉ye wotiyalle dulu dla ha꞉ha꞉lalo so gadlalo wola꞉. Epame yia꞉ye ka꞉ka꞉dle koko hapuloma halomalalo wola꞉. Epapele sepeyamatalo so hi tlo halomolowe ka꞉pi.

2 Timoti 1:6

Epapele koko tle na꞉ta wa꞉ dla atlema. Adipalati, na꞉ta wa꞉ dokopala dla do mate hamame inoma sumalati Hela꞉dle Sokota wa꞉ watle oko hamiwaye, woloma itiyamale mate oko eye hamtane.

2 Timoti 2:14

Epedeme wa꞉ na꞉ta atlama koko iye ma mikadepe dle so dla woloma imhalane. Epame yia꞉tapo yimka꞉sikili koko dla yu topulolemha꞉ha꞉ye God mila꞉pi tle yia꞉ye atlamane. Adipalati, epapele kokota ka꞉dle kokoye opa dla pohampuasema. Amasiyama isikimi yu e dallalo so tlo bobtalimdepo.

2 Timoti 2:21

Epapedeme yu i ya꞉ dulu kokoye ipapena. Oplami antapo ya꞉ batalimale tle malamale meyelope depame alikili dla woyamelepiye, Godtapo ya꞉ye hampame koko pato dla pamellepe. Adipalati, epapele oplamitapo aiyalma depo halemama ya꞉ dokopala oplami okoye ka꞉depo halowedeme ma-dinapopo halapo.

Taites 1:16

Epedeme yia꞉ta atlemama, “Di Godye dimalamana,” demdepo. Amasiyama yia꞉ta batalimale koko halomdetapo yia꞉ta God dla pomikadepe dlalo wekele kokoye nati-imdepo. Yia꞉ye batalimale so ikadepepo. Epame yia꞉tapo ikadepe ka꞉dle yu dla allimdepo. Epame yia꞉ dla ka꞉ka꞉dle koko halomolowe dla po-ala꞉lalo wekele so ikadepepo.

Taites 2:14

Ya꞉tapo dia꞉ yilo mo-pouwapo, ditapo di batalimale dulu dla ha꞉ha꞉lati asiyama mate hohopame alikili dla eleme woyamolowedeme. Epammama ya꞉tapo mo-pouwapo, ditapo ya꞉ mila꞉pi tle ya꞉ opa depo ha꞉ha꞉mama ullu pa꞉talo so depo ha꞉ha꞉lepo depame. Epame ditapo ka꞉ka꞉dle koko tlo halomolowe dla sikemte solotamha꞉ha꞉lepo depame.

Taites 3:14

Epame ka꞉dena, mikadepe dle sotapo ka꞉ka꞉dle koko halomha꞉ha꞉lowe tlo malamha꞉ha꞉mama asiyama gade asiyama gade demha꞉ha꞉loweye. Adipalati, di opatapo mikadepe dle dulu dla ha꞉ha꞉mama isikimi ha꞉ha꞉lowe tlo poka꞉dena.

Taites 3:8

Epedeme yu iye ikadepepo. Adipalati, yu itapo opa hapulomaye gagademhalapo. Epedeme na꞉ solotama, wa꞉tapo koko iye mikadepe dle so dla woloma imhallepo depame. Epelepiye, yia꞉tapo woloma ka꞉ka꞉dle koko halomha꞉ha꞉mama opa gagademha꞉ha꞉lepe.

Hibulu 13:21

Epedeme na꞉ inoma sumale yu himima, wua꞉tapo Godta gadle tle ya꞉ta solotamale koko halomha꞉ha꞉lepo depame. Epame na꞉ ma inoma sumale yu hale himima, Godtapo Yesu Kelisota itiyamale tle wua꞉ pasakalota ya꞉ dla siyele hamilalo hallepo depame. Epedeme Yesu Keliso dla itiyamale mate hela꞉dle mateta kokó ellepe. Koko iye ikadepepo.

2 Pita 1:12

Wua꞉ta hapulomatapo ikadepe koko dulu dla mo-kokalepo ha꞉ha꞉po. Epedeme na꞉ta atlama koko iye mo-wua꞉malamana. Amasiyama epapele tlope na꞉ ala popolalo halemama koko iye wua꞉ta powelilalo me-malaha꞉ha꞉lepo depame wua꞉ watle atlama.

Yuda 1:5

Epapele dulu dla na꞉tapo mo-wua꞉malamale kokoye matle wua꞉ dla woloma imolowe solotama. Epedeme wua꞉ malamaiya, Lodtapo Isalael so gademama Isip mo tle alikili dla eleme woyamuwapo. Amasiyama ma alotle Isalael so opa opi ya꞉ dla pomikadepe dle soye ya꞉tapo mo-potimuwapo.