Taites 2:12 - Kamula

¹² Godta bokotiyapo malamale koko etapo dia꞉ye imhalapo, ditapo ta꞉lamo koko dulu dla ma poha꞉ha꞉lalo wekelepo depame. Epame ditapo di moto hohopo ha꞉ha꞉mama God mila꞉pi tle woloma ka꞉ka꞉depo ha꞉ha꞉lepo depame.

Taites 2:12 Iomraidhean Croise

Ma꞉tiyu 12:32

Epedeme oplami antapo Opa Yami dla batalipo putlopo atlepiye, Godtapo ya꞉ batalimaleye howahapo hiyostlepe. Amasiyama oplami antapo Hela꞉dle Soko dla batalipo putlopo atlepiye, ya꞉ kokó elepo ellalo batalimale hapo. Epedeme ya꞉ batalimaleye Godtapo pohowahapo hiyostlowa.”

Ma꞉tiyu 16:24

Yesu matle ya꞉ alotle tlalo so dla epo atlaiyo, “Oplami antapo na꞉ dolumpuluwe solotamelepiye, ya꞉ ya꞉skamu ya꞉ta solotamale koko hamsela꞉ye memelepame ya꞉ dali yekelemhimiliye maka꞉himsela꞉mama na꞉ dolumpulupe.

Ma꞉tiyu 28:20

Epame molo atlale yu na꞉ta wua꞉ta dolumha꞉ha꞉lepo depo hamiwaye ma yia꞉ watle hamiya, ma yia꞉ta yu eye dolumha꞉ha꞉lepo depame. Amasiyama wua꞉ malamaiya, wata oloma itle kotiyapame ta꞉lamo mosukulu dla telepiye, na꞉tapo alila hapuloma dulu dla wua꞉ mate hallowepo.”

Ka꞉dle molo atlale yu Lukta ilimale 1:6

Epapeleye Sekalaya mate Elisabet mate God mila꞉pi tle woloma ka꞉ka꞉depo ha꞉ha꞉mama Godta molo atlale yu woloma dolumha꞉ha꞉iyo.

Ka꞉dle molo atlale yu Lukta ilimale 1:75

Adipalati, ya꞉tapo dia꞉ye ya꞉ mila꞉pi tle mo-ullu pa꞉talo so dlepe.

Ka꞉dle molo atlale yu Yonta ilimale 14:30

Epedeme watapo na꞉ta wua꞉ imolowe alilata mogudlowe mo-mateka꞉pi halapo. Adipalati, ta꞉lamo dokopala oplami Saitenye mo-puapo. Amasiyama ya꞉ dla itiyamale hawa ikadepe, na꞉ye tla꞉mtloweye.

Ka꞉dle molo atlale yu Yonta ilimale 6:25

Yia꞉ ulumtame Kapaniyem mo dla woyapame Yesu natipo epo atlaiyo, “Labai, wa꞉ adipalalo hema puwa?” diyo.

Taiya dle so 24:16

Epapedeme ipapele koko tle na꞉ solotamde, God mila꞉pi tle epo opa mila꞉pi tle woloma ka꞉ka꞉dle koko tlo halomolowedeme.

Taiya dle so 24:25

Ya꞉ta epo dalempollati Polota ya꞉ watle ka꞉depo hallowe koko mate epo batalimale koko dulu dla moto hamolowe koko mate atlemhalemama Godta mosukulu alila dla koko gladlowe mape atlaiyo. Epalati Peliksta yu i dalepame wota꞉mama ya꞉ watle epo atlaiyo, “Mope, medla gudene,” diyo. Epame ma Polo watle, “Na꞉ta alila ka꞉dle natilipiye, matle wa꞉ sisilamolowepo,” diyo.

Loum 12:2

Epapedeme wua꞉ ta꞉lamo kokota wua꞉ta malamaleye meyelope de demiya. Amasiyama Godta wua꞉ta malamaleye meyelope de diya. Wua꞉ta epapelepiye, eta wua꞉ Godta solotamale kokoye sikemte malastlepe. Epame wua꞉ dla ka꞉dle koko malamolowe mate epo ya꞉ dla siyele hamilowe koko mate epame ka꞉depo hallowe koko mateta hutiyelepe.

Loum 6:12

Epedeme wua꞉ mota solotamale koko dolumalala depame wua꞉ palilalo motoye batalimaleta dokopala depo hala de demiya.

Loum 6:19

Epapedeme na꞉ koko iye wua꞉ watle atlemama woloma botomastepo atlowama, wua꞉ta malamelepo depame. Epedeme wua꞉ ka꞉yapa wua꞉ motoye batalimale koko halomolowe dla hapimduwapo. Amasiyama watapo wua꞉ motoye ka꞉ka꞉dle koko halomolowe dla God watle halopiya, wua꞉tapo ma ya꞉ opa ikadepe depo ha꞉ha꞉lepo depame.

Loum 8:13

Ame adipalati, wua꞉ koko ipapele halomsiyamelepiye, wua꞉ pallipe. Amasiyama wua꞉ Sokota itiyamale tle wua꞉ta batalimale solotamale koko wua꞉ dulu dla halaye yumilipiye, etapo wua꞉ halepo halepo pasakalo halepe.

2 Kolin 1:12

Epedeme di diskamu dita atlama koko hema ikadepe demama epo atlema. Eye ditapo diskamu woloma keketiyapo ha꞉ha꞉mama wua꞉ dulu dla epo opa hapuloma dulu dla ikadepe koko tle Godta solotamale koko tlo ala꞉mha꞉ha꞉uwapo. Dita ipo ha꞉ha꞉uwaye bidulo malamale tle po-apena, amasiyama Godta gadle tle ha꞉ha꞉mama apuwapo.

2 Kolin 7:1

Epedeme mikadepe dle so namkadulo, Godtapo yu itiyapo hatitimale hapuloma iye di watle ma-hapiwapo. Epapedeme di ka꞉dena, God wowota꞉mama di moto dla epo dita malamale dla ullu hutiye hapulomaye alikili a꞉ma pololepame woloma God mila꞉pi tle ka꞉depo ha꞉ha꞉lowa.

Galasiya 1:4

A Godta solotamale koko e dolumama Kelisota di batalimale yilo ya꞉ pasakaloye polowe dla himiwapo, dita ta꞉lamo batalimale dulu dla ha꞉ha꞉lati elepo alikili dla woyamolowedeme.

Galasiya 5:24

Epedeme Keliso dulu dla ha꞉ha꞉lalo sotapo mota solotamale batalimale koko hapulomaye dali yekelemhimili di dla mo-gogoduwapo.

Epeses 1:4

Ta꞉lamo ala pohallalo hallati ya꞉tapo dia꞉ye mo-hohomuwapo, ditapo Keliso dulu dla ha꞉ha꞉mama ya꞉ mila꞉pi tle batalimale pa꞉po aiyalma depo ha꞉ha꞉lepo depame.

Epeses 2:2

Adipalati, oloma edla wua꞉tapo ta꞉lamo koko hapuloma dolumale koko tle Saitenye mo-dolumuwapo. Ya꞉tapo ta꞉lamo pato iye omhalemama God dla poheodlalo wekele soye omhalapo.

Kolosi 1:22

Amasiyama ma watapo Yami Yesu Kelisota oplami moto hapame powale koko tle Godtapo wua꞉ye ya꞉ hala dla me-elempuwapo, wua꞉tapo ya꞉ mila꞉pi tle ullu pa꞉po ha꞉ha꞉mama batalimale pa꞉po ha꞉ha꞉lepo depame.

1 Tesalonika 4:7

Ame adipalati, Godtapo di sisilamuwaye, ditapo batalimale dulu dla ha꞉ha꞉lepo depo po-apena. Amasiyama ditapo God mila꞉pi tle woloma ka꞉ka꞉depo ha꞉ha꞉lepo depame ya꞉ta di sisilamuwapo.

1 Tesalonika 4:9

Epedeme wua꞉ bokotiyapo malamale dulu dla ha꞉ha꞉mama mikadepe dle sota ya꞉mkale asiyama gade ya꞉mkale asiyama gade dlowe kokoye mo-wua꞉malamana. Adipalati, Godtapo bokotiyapo malamale koko eye wua꞉ watle me-imuwapo. Epedeme ma dita koko hema wua꞉ dla yu ilipo hamilowe poka꞉dena.

1 Timoti 4:12

Epedeme wa꞉ta ala amkota꞉le oplami depo hala koko dla opata wa꞉ye yimka꞉mala de demiya. Amasiyama opata wa꞉ koko natipo dolumelepo depame woloma ka꞉ka꞉dle koko tlo halomhalane, wa꞉ta yukamale tle, epo wa꞉ta halale pasakalo tle, epame wa꞉tapo yimkadulo bokotiyapo malamale tle, epame wa꞉ta mikadepe dle koko tle, epame wa꞉ta wa꞉skamu wa꞉ moto hamale koko tle.

1 Timoti 6:17

Wa꞉ mani sikemte poposatilimale so opa watle yu iye atlamane, yia꞉tapo yiskamu di dla halopo hetamama yia꞉ mani dla hitaha꞉ha꞉lala depame. Amasiyama ka꞉dena, yia꞉tapo hatlo God dla hitaha꞉ha꞉loweye. Adipalati, God hatlo eta di gadlalo halapo. Epame hatlo ya꞉tapo ka꞉ka꞉dle kokoye dia꞉ dla halopimhalapo.

1 Timoti 6:9

Amasiyama alisisi sikemte poposatilipo ha꞉ha꞉lowa depo momalamalalo sotapo yiskamu yia꞉ye elemala natili koko dla elemtulumdepo. Opa ipapele soye aliyatapo dea susumale dulu dla tumdiye, epapele some ha꞉ha꞉po. Adipalati, yia꞉ta alisisi poposatilipo ha꞉ha꞉lowe malamale kokotapo batalimale koko hapuloma halomolowe dla yia꞉ye eleme tamama bobtalimelepe.

2 Timoti 3:12

Yao, ikadepe, opa anawolotapo Yesu Keliso dulu dla ka꞉ka꞉depo ha꞉ha꞉lowa depo solotamelepiye, opatapo yia꞉ dla wotiyalle hapimha꞉ha꞉lepe.

2 Timoti 4:10

Adipalati, oplami na꞉ mate haluwa Dimasye meyelo ta꞉lamo solotamale koko tle na꞉ saliyome ma Tesalonika mo dla tauwa. Amasiyama Kleskesye Galasiya mo dla God oko hala tauwa. Epalati Taites tlo Dalamatiya mo dla God oko hala tauwa.

Taites 3:3

Epedeme Taites, wa꞉ dita ka꞉yapa ha꞉ha꞉uwa pasakalo malamane. Di ala pomikadepe dlalo ha꞉ha꞉mama pasakalo batalimale dulu dla ha꞉ha꞉uwapo. Dita God yu dla posalladlalo ha꞉ha꞉lati batalimale kokota dia꞉ye elemsiyamuwapo. Epalati ditapo yimkadulo allimduwapo, epame yimkadulo alisisi natipame solotamama yia꞉ye elemduwapo. Epame opata dia꞉ dla allilati asiyama dita yia꞉ye allimduwapo.

Hibulu 8:11

Epapedeme yia꞉ dulu dla oplami haletapo yimkaduloye na꞉ koko malastepo ha꞉ha꞉lepo depame po-imolowa. Adipalati, yia꞉ta hapuloma yimka꞉sikili tle kotiyapo tame patoto oloma dla na꞉ kokoye malastepo ha꞉ha꞉lepe.

Yeims 1:27

Amasiyama oplamitapo atali so mate dupulapi so mate gagademhalemama ta꞉lamo batalimale koko mate podopdomalalo hallepiye, Godta ya꞉ta mikadepe dle kokoye sikemte ka꞉dena dlepe.

2 Pita 2:9

Epapedeme wua꞉ natiya, God ya꞉malamana, ya꞉ opatapo kokalalimale koko dulu dla epo upiyele koko dulu dla ha꞉ha꞉lati natipame gadlowe apiye. Epame ya꞉ ma ya꞉malamana, koko gladlowe alila dla omtamama batalimale so opaye hohopo halloweye, yia꞉ koko gladlowedeme.

2 Pita 3:11

Epapedeme ka꞉e! Koko hapulomaye dlapata epo hamdepo hamastlepe dlepiye, wua꞉ ka꞉dena, aiyalma depo ha꞉ha꞉mama God mila꞉pi tle woloma ka꞉depo ha꞉ha꞉iya.

1 Yon 2:27

Adipalati, wua꞉ dla Kelisota ya꞉ Hela꞉dle Sokoye mo-olostauwapo. Epedeme Hela꞉dle Soko eta wua꞉ye imalalo hallati wua꞉ ma posolotamasema oplami haleta wua꞉ye imoloweye. Ame adipalati, Hela꞉dle Soko etapo wua꞉ye ikadepe koko hapuloma me-imhalapo. Epedeme ya꞉ta imale dulu dla isikimi ikadepe koko siyapo tlo imhalemama isikimi mala-atlale koko po-imhalasema. Epapedeme wua꞉ Keliso dulu medla mepo ha꞉ha꞉iya.

1 Yon 2:6

Eye, oplami haleta atlemama, “Na꞉ God mate hatlope depo halema,” dlepiye, ka꞉dena, epapele oplamitapo Yesuta haluwa pasakalo epapele some hallepe.

1 Yon 5:19

Epame di dimalamana, dia꞉ye God ya꞉ akimlalapo. Amasiyama ta꞉lamo pato iye Saitenta omhalapo.

Yuda 1:18

Adipalati, yia꞉tapo wua꞉ dla ipo atluwapo, “Mosukulu alila dla God koko dla tepelemyemama putlomale yu mate atlamalalo so opatapo pulupe. Epame yia꞉ta puame yia꞉ mota solotamale koko hapulomaye halomyelepe,” duwapo.

Bobotimatimale 14:12

Ipapele koko natimama God ya꞉ opa Yesu dla mikadepe dlalo sotapo mikadepe dle dulu dla woloma kokalepo ha꞉ha꞉lowe ka꞉pi.”