Pilipi 4:2 - Kamula

² Na꞉ ma wola꞉ dapiyamte Yuwodiya mate Suntuka꞉ mate dla atlema, yia꞉ta yu topulolle dulu dla ha꞉ha꞉ye memelepame ma Lod dulu dla hatlope depo ha꞉ha꞉lepo depame.

Pilipi 4:2 Iomraidhean Croise

Yeneses 45:24

Epapeleye ya꞉ bapadulota ma-tlati yia꞉ watle epo atlaiyo, “Wua꞉ duka dla tamalemama woloma tamalaiye, ase sikemte momalamtamalemiyo,” diyo.

Maka 9:50

Epedeme soloye ka꞉pi alisisipo. Amasiyama solota ya꞉ta opalli pa꞉lepiye, ma adipo ya꞉ta opalli hapa꞉? Pohalowa. Epame dimalamana, solotapo dlowe alisisi dla opalli hamimdepo. Epedeme wua꞉ mape solo some ha꞉ha꞉mama yimkadulo sadle mate ka꞉pi ha꞉ha꞉iya.”

1 Kolin 1:10

Mikadepe dle so namkadulo, na꞉ Yesu Keliso hi tle wua꞉ye molo atlema, wua꞉tapo wua꞉ dulu dla hukulupo ha꞉ha꞉mama yu topulolemha꞉ha꞉ye medla gudepame matle sadle dulu dla ha꞉ha꞉mama hatlope depo ha꞉ha꞉lepo depame.

Pilipi 3:16

Amasiyama ka꞉dlepo, dita adipo ka꞉dle yuye dolumpuwa, ma mepo dolumtlowe ka꞉pi.

1 Tesalonika 5:13

Epapedeme yia꞉ta oko ha koko dla wua꞉ta yia꞉ye bokotiyapo malamama yia꞉ye di dla ipila꞉iya. Epammama wua꞉ amkadulo mate woloma sadepo ha꞉ha꞉iya.

Hibulu 12:14

Epedeme opa hapuloma mate woloma sadepo ha꞉ha꞉lowe koko tlo totamaiya. Epame ullu pa꞉po ha꞉ha꞉lowe koko ma totamaiya. Adipalati, ullu mate ha꞉ha꞉lalo sotapo Lodye ponatilowa.