Pilipi 4:11 - Kamula

¹¹ Epedeme na꞉ dla alisisita pa꞉lati wua꞉ watle alisisi otomama po-atlasema. Amasiyama na꞉ na꞉malamana, na꞉ta adipapele koko dulu dla tulume hallepiye, na꞉ edla alimama pobatalimana desemde.

Pilipi 4:11 Iomraidhean Croise

Yeneses 28:20

Epame Yokobtapo God dla yu itiyapo himimama epo atlaiyo, “Wa꞉tapo na꞉ta tlati na꞉ omtamama dlowe alisisi mate kapala alisisi mate halopimtapame ma ilame woloma sempuame na꞉ a aya dla pomellepiye, eta wa꞉ye ikadepe na꞉ God mleni dlowepo.

Ekesedes 2:21

Epalati Mosesta yia꞉ aya dla hetaiyo. Epame aya edla me-hallati oplami Yetlo etapo yoti Sipolaye ya꞉ watle hamiyo.

Ka꞉dle molo atlale yu Lukta ilimale 3:14

Epame opahale sota Yon watle epo atlaiyo, “Di ma apa koko hapa꞉?” diyo. Epalati asiyama Yontapo yia꞉ watle epo atlaiyo, “Wua꞉ yimkadulo mani uhalowedeme yia꞉ye ha꞉ha꞉limha꞉ha꞉miya. Epame yimkadulo mani uhalowedeme isikimi yia꞉ mala-atlamsiyamiya. Amasiyama isikimi wua꞉ta wua꞉ oko asiyama dla mani hademha꞉ha꞉ dla mepo ha꞉ha꞉iya,” diyo.

2 Kolin 11:27

Epapele dulu dla na꞉tapo oko pato ma-hauwapo. Epame na꞉ utula꞉la opi dla woloma ka꞉dle elale pohamdena. Epame na꞉ alila opitapo yú ta꞉le mate epo daya ta꞉le mate halemduwapo. Epame daya dimi halemama tluka alisisi ma pa꞉po kapumale dulu dla halemduwapo.

2 Kolin 6:10

Epapele dulu dla dia꞉ dla dupa kolle pato me-elapo. Amasiyama di dulu medla alila hapuloma sisiyele mate ha꞉ha꞉mdepo. Epame ditapo atali so some ha꞉ha꞉mama opa hapulomaye mikadepe dle tle ma alisisi poposatilimale so depo melemdepo. Epame dia꞉ dla alisisi hawa tlope asiyama koko hapulomaye diolepo.

2 Kolin 8:9

Epedeme wua꞉ di Lod Yesu Kelisota bokotiyapo malamale kokoye mo-wua꞉malamana. Ya꞉ye alisisi sikemte pasatale oplami tlope ma wua꞉ yilo ma alisisi pa꞉le oplami duwapo, wua꞉tapo ma alisisi poposatilimale so depo ha꞉ha꞉lepo depame. Epapedeme ka꞉dena, wua꞉tapo wua꞉ amkadulo mikadepe dle so opi epo gagademha꞉ha꞉loweye.

2 Kolin 9:8

Epame Godtapo wua꞉ gadle tle wua꞉ dla alisisi ala꞉leta hutiyelati asiyama ma wua꞉tapo opa opi gadloweye ala꞉lepe.

Pilipi 3:8

Epapedeme na꞉ta Yesu Kelisoye na꞉ Lod duwa kokota pato halemama koko opi hapulomaye na꞉ dla koko pa꞉le halapo. Epedeme na꞉ Keliso hamolowedeme ya꞉ yilo takala koko hapuloma eye pokoko depame hakaka some mo-pololuwapo.

Hibulu 10:34

Epame amtuwale aya dulu dla ka꞉ka꞉timale sota wotiyalle halati wua꞉ta yia꞉ye gademduwapo. Epame opa opitapo wua꞉ alisisiye wua꞉ tle kokolahapo tlati wua꞉ asiyama yia꞉ dla yu hale po-atlalo isikimi sisiyemduwapo. Adipalati, wua꞉tapo kokó hutiyelalo ka꞉ka꞉dle kokota wua꞉ omelaye, etlo halomolowedeme omha꞉ha꞉mama ammduwapo.