Pilipi 3:5 - Kamula

⁵ Adipalati, na꞉ waita na꞉ hampame alila 7 pololepo gudlati 8 alila dla na꞉ kapala kestauwapo. Na꞉ye Isalael so dulu dla Benyamin elele halë oplamipo. Epapedeme na꞉ye Hibulu oplami ikadepepo. Epo na꞉ye Pa꞉lisi oplami halemama Godta aiyalma hatitimale hapulomaye woloma dolumpumama hale pohamastana.

Pilipi 3:5 Iomraidhean Croise

Yeneses 14:13

Epame oloma edla hemele teletale oplami haletapo puame Hibulu oplami A꞉iblam watle koko woyamale hapulomaye atlamaiyo. Oloma edla A꞉iblamye Amoli oplami Mamele ya꞉ dali patoto mateka꞉pi dla halaiyo. Epeleye Mamele mate epo ya꞉ eidulo Esko mate Ane mate A꞉iblamye sikemte gademha꞉ha꞉mdiyo.

Yeneses 17:12

Epame wata oloma itle kotiyapo tamama akimlala hohopo alila 8 umalati kapala kotima demha꞉ha꞉lepe. Epammama wa꞉ oko so hapuloma mate epo yia꞉ akimlala mate kapala kotima demha꞉ha꞉lepe. Epame asepe oplamita puame wa꞉ oko hamhallepiye, ka꞉dena ya꞉ mate epo ya꞉ akimlala mate kapala kotimha꞉ha꞉loweye. Wua꞉ moto dla ulu hutiyetapo wua꞉ta na꞉ta yu itiyapo himili koko dulu edla ha꞉ha꞉ye alila hapuloma dla botomastamhallepe.

Yeneses 40:15

Ame adipalati, na꞉ye dlopi akumale tle na꞉ mo ikadepe memelepame ma hema seme pumuluwapo. Epame na꞉ye koko pa꞉le amtuwale aya dulu hema ka꞉stauwapo. Amasiyama na꞉ batalimale koko hale pohana,” diyo.

Yeneses 41:12

Amasiyama dulu edla Hibulu oplami hale, Potipa ya꞉ oko oplamitapo dia꞉ mate amtuwale aya dulu edla me-haluwa. Epapeleye ditapo dita milamalo tlamale kokoye ya꞉ watle atlamalati ya꞉tapo asiyama di watle yia꞉ dulu kokoye ka꞉pi bobotimatimuwa.

Yona 1:9

Epalati Yonata yia꞉ watle asiyama epo atlaiyo, “Na꞉ye Hibulu oplami. Na꞉ pepele di mate epo ta꞉lamo mate mimita꞉pele God dla mikadepe demde,” diyo.

Ka꞉dle molo atlale yu Lukta ilimale 1:59

Epame maseyemala hamale alotle alila 8 umulati yia꞉ta hapuloma maseyemala e ya꞉ kapala kestlowedeme puame alumaiyo. Epame yia꞉ solotamaiyo, maseyemala hiye ya꞉ a Sekalaya hi sepilowedeme.

Ka꞉dle molo atlale yu Lukta ilimale 2:21

Epame owayemala hamale alotle alila 8 umulati maseyemalaye kapala kestaiyo. Epame ya꞉ watle Yesu hiye sepilaiyo. Adipalati, hi iye ka꞉yapa ya꞉ ala Meli koko dulu dla popollalo hallati banakaka oplamita hi iye hamiyo.

Ka꞉dle molo atlale yu Lukta ilimale 5:38

Epapedeme ka꞉dena, wain yú amkoye woloma aliya kapalata iwale ita amko dla simoloweye.

Taiya dle so 22:3

Epalati Polota epo atluwa, “Na꞉ye Yu oplami, Kilikiya mo pato dulu dla Talesas mo dla hamuwapo. Amasiyama na꞉ Yelusalem mo hema halemama ta꞉uwa. Epeleye Gamaliyelta na꞉ye imalati na꞉tapo di mamadulota aiyalma hatitimaleye sikemte malastauwa. Epapele dulu dla wata wua꞉ta semte God oko tepo depo na꞉ dla siyalasiyaladepame na꞉ yumuluwedeme apopo. Amasiyama na꞉ ma ka꞉yapa semte koko eye God oko tepo depame na꞉ta itiyamale pato himimama Yesu dolumtlalo soye wotiyalle hapimama opiye mo-potimalati na꞉ koko edla po-alimdena. Epame opa mate wola꞉ mate na꞉ta hohopame amtuwale aya dulu dla ka꞉ka꞉timduwapo.

Taiya dle so 23:6

Epame Polo natiyo, alumale dulu edla opa opiye Sa꞉dusi so epo opa opiye Pa꞉lisi so. Epedeme ya꞉ta epo atlaiyo, “Namkadulo, na꞉ye Pa꞉lisi oplami halepo, epo na꞉ a mape Pa꞉lisi oplami haluwapo. Epeleye na꞉tapo opaye palli tle ma sillipe dle koko dla mikadepe dlati koko gladle dla hamamhetame pola ipo,” diyo.

Taiya dle so 6:1

Alila oloma edla mikadepe dle sota mo-pasatamtaiyo. Amasiyama mikadepe dle so dulu dla Guliki yu yuhalalo sota Hibulu yu yuhalalo so mate yu topuloliyo. Adipalati, yia꞉ta alumale dulu dla daya alemtamama Guliki yuhalalo so sepeyamataloye daya pase pasatale halomdiyo.

Loum 11:1

Epapedeme na꞉ta atlama koko iye Godta ikadepe ya꞉ opa Isalael soye alimama alikili a꞉ma pomoluwa? Hao, pe-epapena. Ame adipalati, na꞉ mape Isalael oplamipo. Epame na꞉ mape A꞉iblaham ya꞉ mama hale, Benyamin elele dulu dla halapo.

2 Kolin 11:22

Epapele dulu dla biskapa koko imalalo sotapo yiskamu yia꞉ye Hibulu so demdepo. Epele tlope na꞉ mape Hibulu oplamipo. Epame yia꞉tapo yiskamu yia꞉ye Isalael so demdepo. Epele tlope na꞉ mape Isalael oplamipo. Epame ma yia꞉tapo atlemama yia꞉ye A꞉iblaham ya꞉ mamadulo demdepo. Epapele tlope na꞉ mape A꞉iblaham ya꞉ mamapo.