Palimon 1:20 - Kamula

²⁰ Epapedeme na꞉ ei namkale, wa꞉ Lod yilo Onisimasye ma-sane, na꞉tapo Keliso dulu dla siyelepo depame.

Palimon 1:20 Iomraidhean Croise

1 Kolin 16:18

Yia꞉tapo wua꞉ ka꞉pi gademha꞉ha꞉uwaye, epammama yia꞉ ma watapo na꞉ye ka꞉pi gademha꞉ha꞉po. Epapedeme wua꞉ epapele so dla sisiyemha꞉ha꞉iya.

2 Kolin 2:2

Adipalati, na꞉tapo wua꞉ta hala dla tame upiyele mate epo wotiyalle mate hapilipiye, ma antapo na꞉ watle siyele hamipa꞉? Hawa.

2 Kolin 7:13

Epapele koko tle dia꞉ dla siyele pato elema. Epame ditapo Taitesta wua꞉ yilo siyele koko natipame di ma sikemte sisiyeuwa. Adipalati, wua꞉tapo ya꞉ye gademama ya꞉ta momalamale koko dla hedle hamiwapo.

Pilipi 1:8

God ya꞉malamana, na꞉ta wua꞉ natilowedeme solotamale pato himme hala kokoye. Adipalati, na꞉tapo wua꞉ye Yesu Kelisota bokotiyapo malamale mate wua꞉ye sikemte malahalema.

Pilipi 4:1

Namkadulo, na꞉ wua꞉ sikemte malamama wua꞉ tame natilowe solotama. Epame wua꞉ta na꞉ dla siyele pato hamima. Epedeme wua꞉ Lod dulu dla ha꞉ha꞉mama woloma kokalepo ha꞉ha꞉iya.

Palimon 1:12

Onisimasye na꞉ta sikemte solotamale oplamipo. Epedeme na꞉ solotama, ya꞉ye hema hamame hallowedeme. Adipalati, na꞉ta ka꞉dle yu yilo amtuwale aya dulu dla hallati ya꞉tapo wa꞉ta na꞉ gadlowe okoye ma ya꞉ta hamhalemde. Epapele tlope na꞉ ya꞉ye ma ilame wa꞉ dla tane dema.

Palimon 1:7

Na꞉ ei namkale, wa꞉tapo God ya꞉ opaye bokotiyapo malamama yia꞉ dla siyele hapimhala kokotapo na꞉ dla itiyamale mate siyele pato mate hamima.

Hibulu 13:17

Epedeme wua꞉ sos dokopala so yu dla salladepame siyamama yia꞉ yu dla hutullu dle mate ha꞉ha꞉iya. Adipalati, yia꞉tapo wua꞉ pasakalo omha꞉ha꞉lalo ha꞉ha꞉po. Epame mosukulu alila dla yia꞉tapo wua꞉ omha꞉ha꞉uwa kokoye woloma God dla bobotimatimelepe. Epapele koko tle yia꞉tapo siyele mate yia꞉ oko woloma ka꞉depo halomelepo depame wua꞉tapo yia꞉ yu dla salladle mate siyamaiya. Amasiyama wua꞉ta pe-epapalalo wekelepiye, asiyama yia꞉tapo upiyele mate ha꞉ha꞉mama wua꞉ye woloma pogadlowa.

1 Yon 3:17

Epapedeme oplami hale alisisi pasataletapo ya꞉mkale mikadepe dle oplami alisisi pa꞉le hallati natipame ya꞉ gadlowe allipiye, ya꞉ dupa dulu dla God sikemte malamaleye hawa ikadepepo.

3 Yon 1:4

Epapedeme koko opi patotota na꞉ dla siyele pato pohamisemde, amasiyama na꞉ mamadulotapo ikadepe api dolumtlati natipame na꞉ dla sikemte siyele elemde.