Ma꞉tiyu 6:9 - Kamula

⁹ Amasiyama wua꞉ta inoma sumale dulu dla ipo inoma sumha꞉ha꞉lepe, ‘Di A Pepele di dla hallalo, hatlo wa꞉ hita alila hapuloma dulu dla aiyalma depo hallepe.

Ma꞉tiyu 6:9 Iomraidhean Croise

Ma꞉tiyu 10:29

Epedeme wua꞉ malamaiya, daliyama tea yimlala dapiyamteye isikimi palli manita halomdepo. Amasiyama dulu edla tea yimlala haleta poloweye wua꞉ A God tatle malamdepo.

Ma꞉tiyu 23:9

Epame ta꞉lamo hema oplami hale watle atlemama a demiya. Adipalati, wua꞉ A hatlope Pepele dimo dla halapo.

Ma꞉tiyu 26:29

Epedeme na꞉ ikadepe koko wua꞉ watle atlema. Na꞉ wata oloma itle tamama wain yú matle podlowa. Amasiyama na꞉tapo alotle wua꞉ mate wain yú amkoye na꞉ A mo dla dlowepo.”

Ma꞉tiyu 26:42

Ya꞉ matle tame ipo inoma sumaiyo, “A, na꞉ta wotiyalle halowe koko hema api hatlo ita ellepiye, na꞉ wotiyalle me-halowepo. Adipalati, na꞉tapo wa꞉ta solotamale koko tlo halowepo.”

Ma꞉tiyu 5:16

Epapele tle ka꞉dena, wua꞉tapo ta꞉lamo so dla hela꞉depo ha꞉ha꞉loweye. Epapelepiye, opatapo wua꞉ta koko ka꞉dle halomha꞉ha꞉ natipame yia꞉tapo wua꞉ A God Pepele di dla hala hi di dla ta꞉dlepe.”

Ma꞉tiyu 5:48

Epedeme wua꞉ A Godta opa hapuloma sikemte bokotiyapo malamhalaye, mepammama wua꞉ ma opa hapulomaye bokotiyapo malamha꞉ha꞉iya.”

Ma꞉tiyu 6:14

Epedeme wua꞉tapo wua꞉ amkadulota wua꞉ dla batalimale koko halati yia꞉ batalimaleye wellipe. Wua꞉ta epapelepiye, asiyama wua꞉ A Pepele di dla halatapo wua꞉ bobtalimaleye hiyotipo wowellipe.

Ma꞉tiyu 6:6

Amasiyama wa꞉ inoma sumolowedeme wa꞉ aya dulu dla tuwame kokoloma himomelepame opata ponatilalo wekelalo A God dla inoma sumelepe. Epalati ya꞉tapo wa꞉ta ya꞉ watle epo inoma sumale himhala natipame wa꞉ watle asiyama hamilipe.

Ma꞉tiyu 7:11

Wua꞉ batalimale so tlope, wua꞉malamana, wua꞉ yimlala dla ka꞉ka꞉dle alisisi tlo halopiliweye. Epapedeme dimalamana, A God Pepele di dla halata ya꞉ watle alisisi otomha꞉ha꞉lalo so dla alisisi ka꞉ka꞉dle hapimhalapo.

Ka꞉dle molo atlale yu Lukta ilimale 15:18

Epapedeme na꞉ ilame tame na꞉ a watle ipo atlowepo, “A, na꞉tapo God mate epo wa꞉ mate dla batalimale kokoye ma-hauwa.

Ka꞉dle molo atlale yu Lukta ilimale 15:21

Epalati yamitapo ya꞉ watle epo atlaiyo, ‘A, na꞉ God mate epo wa꞉ mate dla batalimale koko ma-hauwa. Epedeme wa꞉tapo na꞉ye ma na꞉ maseyemala dloweye poka꞉dena,’ diyo.

Ka꞉dle molo atlale yu Lukta ilimale 2:14

“Pepele di dla hallalo God dla siyele ta꞉diya. Epame ta꞉lamo hema Godta solotamale so dla sadleta ellepe,” demyaiyo.

Ka꞉dle molo atlale yu Yonta ilimale 20:17

Epedeme Yesutapo ya꞉ watle epo atlaiyo, “Na꞉ dla puame hammiya. Adipalati, na꞉ye ala A hala dla pehetasema. Amasiyama wa꞉ye tame na꞉ alotle tlalo soye atlamane, ‘Na꞉ye na꞉ A God hala dla hetama. A God hatlo eye wua꞉ ma wua꞉ A Godpo’ dene,” diyo.

Loum 1:7

Epapedeme na꞉ yu ilimale iye Godtapo bokotiyapo malamale opa Loum mo dla ha꞉ha꞉lalo so wua꞉ dla hamima. Godtapo wua꞉ta ya꞉ opa depo ha꞉ha꞉lepo depame ma-sisilamuwapo. Epedeme di A God mate epo di Lod Yesu Keliso mate yia꞉ta bokotiyapo malamale mate epo sadle mateta wua꞉ mate hallepe.

Loum 8:15

Epapedeme Godta di watle Soko hamiwaye wota꞉le soko pohamina. Amasiyama ya꞉ta di watle Soko hamiwata gadle tle ditapo ya꞉ akimlala depo ha꞉ha꞉mama ya꞉ watle “Aba, A,” demha꞉ha꞉po.

Galasiya 1:1

Na꞉ Taiya dle oplami hale Polopo. Na꞉tapo Galasiya mo pato dulu dla sos popa꞉mta dla yu ilimale iye hamima. Isikimi opatapo na꞉ sepame Taiya dle okoye pohamina. Amasiyama Yesu Keliso mate epame ya꞉ye powale tle ta꞉duwa God mate na꞉ye sepame Taiya dle okoye hamiwapo. Epame namkadulo na꞉ mate ha꞉ha꞉ mikadepe dle so mate dita yu ilimale iye wua꞉ watle hamima.

Galasiya 4:6

Godtapo wua꞉ye ya꞉ akimlala depo hala koko botomastamama Yami Sokoye di dupa dulu dla hamiwapo. Epedeme Soko eta epo sisilamhalapo, Aba, A.

1 Timoti 6:16

God hatlo ya꞉tapo kokó halepo hallalo halapo. Epame ditapo ya꞉ta hala mateka꞉pi dla tuluweye po-ala꞉na. Adipalati, ya꞉ye sikemte hela꞉dle dulu dla hallalopo. Epapedeme oplami haletapo ya꞉ye ponatina. Ikadepe, oplami haleta ya꞉ natiloweye po-ala꞉na. Ya꞉ dla kokó elepo ellalo itiyamaleye elapo. Epedeme ditapo alila hapuloma hatlo ya꞉ dla siyele ta꞉demha꞉ha꞉lowe tlo ka꞉pi. Koko iye ikadepepo.

1 Pita 1:17

Epapedeme wua꞉tapo God dla inoma sumha꞉ha꞉mama ya꞉ watle A demha꞉ha꞉mdepo. Amasiyama ya꞉tapo opa hapuloma yia꞉ kokoye glademama isikimi yia꞉ta halomha꞉ha꞉le koko mate ala꞉po gladlepe. Epapedeme wua꞉tapo ta꞉lamo hema asepe so some ha꞉ha꞉mama God wowota꞉le mate ha꞉ha꞉iya.

Bobotimatimale 4:11

“Di Lod God, ka꞉dena, wa꞉ta itiyamale hapuloma halomoloweye. Epedeme ka꞉dena, dita wa꞉ dla sisiyemama wa꞉ hi di dla ta꞉dloweye. Adipalati, wa꞉ta alisisi hapuloma mo-mimita꞉puwapo. Epedeme wa꞉ta solotamale tle yia꞉ta hapulomata me-ha꞉ha꞉po.”

Bobotimatimale 5:12

Yia꞉ta ha꞉ha꞉mama yu teta꞉le mate sala ipo sauwa, “Opata yumili La꞉mye ala꞉na, itiyamale hapuloma mate alisisi hapuloma mate malamale ka꞉dle mate hela꞉dle mate halomoloweye. Epedeme dita ya꞉ dla sisiyemama ya꞉ hi di dla ta꞉dlowe ka꞉pi.”