Ma꞉tiyu 6:34 - Kamula

³⁴ Epedeme wua꞉ iyelata koko halopo puluwe dla ase sikemte momalamha꞉ha꞉miya. Adipalati, iyela kokoye e iyela kokopo. Amasiyama wua꞉ wata alila dla koko wowoyamolowe tlo momalamaiya.”

Ma꞉tiyu 6:34 Iomraidhean Croise

Ma꞉tiyu 6:11

Epame alila hapuloma dulu dla dita dlowe alisisiye halopimhalane.

Ma꞉tiyu 6:25

“Epedeme na꞉ wua꞉ dla atlema, wua꞉ta ha꞉ha꞉mama daya demha꞉ha꞉lowe mate epo tluka didiyemha꞉ha꞉lowe mate dla ase sikemte momalamha꞉ha꞉miya. Adipalati, dlowe alisisita koko pato pohalasema. Hao. Amasiyama wua꞉ pasakalota koko pato halapo. Epame tluka alisisita koko pato pohalasema. Hao. Amasiyama wua꞉ motota koko pato halapo.

Ma꞉tiyu 6:27

Epedeme oplami antapo tluka alisisi mate epo daya dlowe koko mate dla sikemte momalamhalemama ya꞉ pasakaloye ma a꞉ma selemalemdi?

Ka꞉dle molo atlale yu Lukta ilimale 10:41

Amasiyama Lodta epo atlaiyo, “Mata namkale, wa꞉ koko hapuloma halomsela꞉mama sikemte momalamsela꞉po.

Ka꞉dle molo atlale yu Lukta ilimale 11:3

Epame alila hapuloma dulu dla dita dlowe alisisiye halopimhalane.

Ka꞉dle molo atlale yu Lukta ilimale 12:11

Epapedeme opata wua꞉ye inoma sumalalo aya dla epo dokopala so aya dla wua꞉ koko gladlowedeme eleme hetlati wua꞉tapo wuskamu gadlowe yu atlowe dla ase sikemte momalamiya.

Ka꞉dle molo atlale yu Lukta ilimale 12:22

Yesu ma ya꞉ alotle tlalo so watle epo atlaiyo, “Wua꞉ wua꞉ta ha꞉ha꞉mama daya demha꞉ha꞉lowe mate epo tluka didiyemha꞉ha꞉lowe mate dla ase sikemte momalamha꞉ha꞉miya.

Ka꞉dle molo atlale yu Yonta ilimale 14:27

Epedeme na꞉ta sadleye wua꞉ dla hamima. Sadle na꞉ta hami iye ta꞉lamo sota wua꞉ watle hamilalo pe-epapena. Epapedeme wua꞉ ase dupa sikemte momalamale mate epo wowota꞉le mate ha꞉ha꞉miya.

Ka꞉dle molo atlale yu Yonta ilimale 16:33

Epedeme wua꞉tapo na꞉ tle sadle halepo depame na꞉tapo wua꞉ watle koko hapuloma iye ma-atlamalepo. Epapedeme wua꞉ta ta꞉lamo hema ha꞉ha꞉lowe oloma edla wua꞉ ala wotiyalle dulu medla me-ha꞉ha꞉lepe. Amasiyama wua꞉ wota꞉le pa꞉po kokalepo ha꞉ha꞉iya. Adipalati, na꞉tapo ta꞉lamo dokopala oplamiye mo-tla꞉mtame halapo.”

Pilipi 4:6

Epapele dulu dla wua꞉ ase sikemte momalamale mate ha꞉ha꞉miya. Amasiyama inoma sumale yu mate siyele yu mate wua꞉ta solotamale koko hapulomaye God dla otele himme ha꞉ha꞉iya.

1 Pita 5:7

Epame epele dulu dla ha꞉ha꞉mama wua꞉ta momalamde koko hapulomaye God watle halopiya. Adipalati, ya꞉tapo wua꞉ye malamama woloma ka꞉pi gademhalapo.