Ma꞉tiyu 6:12 - Kamula

¹² Epame di bobtalimaleye hihiyotipo woweline. Adipalati, di mape diamkadulota dia꞉ dla batalimale koko halomde hapulomaye wowelimdepo.

Ma꞉tiyu 6:12 Iomraidhean Croise

Ekesedes 34:7

Na꞉ opa hapulomaye bokotiyapo malamama yia꞉ bobtalimaleye hiyotipo welimdepo. Epapele tlope na꞉tapo batalimale walle oplami dla asiyama pohamilalo powekesemde. Epedeme adulo yia꞉ bobtalimale asiyama dla na꞉tapo yia꞉ yimlala dla epo yia꞉ mamadulo dla asiyama wotiyalle hapimdepo,” diyo.

Ma꞉tiyu 26:28

Iye na꞉ omalipo, opa hapuloma yia꞉ bobtalimale howahalowe yilo dla olostapo. Na꞉ omalitapo Godta opa mate yu itiyapo himili amkoye kokalepo.

Ma꞉tiyu 9:2

Ya꞉ edla yame woyamalati opatapo akoloyale oplamiye wa꞉ya dla himpame ya꞉ hala dla hamampumulaiyo. Epalati Yesu yia꞉ta mikadepe dle natipame akoloyale oplami watle epo atlaiyo, “Namkale, wa꞉ ase sikemte wota꞉miya. Wa꞉ bobtalimaleye mo-hiyotipame wellipo,” diyo.

Maka 11:25

Epame wa꞉ inoma sumama apa batalimale wa꞉ amkaleta wa꞉ dla ma hauwa, wa꞉ batalimale eye wellipe. Epalati wa꞉ A God Pepele di dla halata asiyama wa꞉ batalimaleye hiyostepo wellipe.

Ka꞉dle molo atlale yu Lukta ilimale 11:4

Epame di bobtalimaleye hihiyotipo woweline. Adipalati, di mape diamkadulota dia꞉ dla batalimale koko halomde hapulomaye wowelimdepo. Epame dia꞉ye elemala natili kokalle dla elemtaiya demiya.”

Ka꞉dle molo atlale yu Lukta ilimale 13:4

Epame wua꞉ ma koko hale i malamaiya. Sailoam mo dla aya di ikadepe dla halëta dokolahapo tulumama 18 opa potimuwapo. 18 opa potimale iwolotapo Yelusalem so dulu dla batalimale koko patoto halomha꞉ha꞉lati apuwa?

Ka꞉dle molo atlale yu Lukta ilimale 6:37

“Wa꞉ wa꞉ amkale kokoye isikimi glademhalemiya, epalati asiyama wa꞉ kokoye poglademhallowa. Epame wa꞉ amkaleye batalimale oplami demiya, epalati asiyama wa꞉ye pobatalimale oplami dlowa. Epame apa batalimaleye wa꞉ amkaleta wa꞉ dla hauwa, wa꞉ ya꞉ batalimale eye weline. Wa꞉ta epapelepiye, asiyama wa꞉ batalimaleye wellipe.

Taiya dle so 13:38

Epedeme namkadulo, wua꞉ dita atlama yu i woloma daliya. Adipalati, Godtapo Yesuta koko halë tle wua꞉ bobtalimaleye hiyolepame ullu pa꞉talo so dlepe. Ame adipalati, Mosesta aiyalma hatitimaleta wua꞉ye wua꞉ bobtalimale tle alikili dla eleme woyapame po-ullu pa꞉talo so dena. Amasiyama oplami antapo Yesu dla mikadepe dlepiye, Yesuta ya꞉ye batalimaleta itiyamale tle alikili dla hamame woyamelepe.

Epeses 1:7

Epapedeme Kelisota ya꞉ omali asiyama mate dia꞉ye elepame di bobtalimaleye me-hihiyotipo weliwapo. Koko iye Godta di bokotiyapo malamale tle apuwapo.

Epeses 4:32

Amasiyama wua꞉ namkale dle mate epo ya꞉mkale bokotiyapo malamale mate ha꞉ha꞉iya. Epame Godta Yesu Keliso tle wua꞉ bobtalimale howahapo weliwaye, epammama wua꞉ ma wua꞉ amkadulo bobtalimale kokoye wowelimha꞉ha꞉iya.

Kolosi 3:13

Epame wua꞉ amkadulo mate woloma ha꞉ha꞉mama hapele siyalade demha꞉ha꞉miya. Amasiyama wua꞉ amkadulo bobtalimale kokoye wowelimha꞉ha꞉iya. Adipalati, Lodta wua꞉ bobtalimale hapuloma woweluwaye, epammama wua꞉ ma wua꞉ amkadulo bobtalimaleye wowelimha꞉ha꞉iya.