Ma꞉tiyu 5:1 - Kamula

¹ Yesu opa hapulomata ya꞉ hala dla pula natipame tamali di dla hetame polaiyo. Epalati ya꞉ alotle tlalo sota ya꞉ dla puame alumaiyo.

Ma꞉tiyu 5:1 Iomraidhean Croise

Ma꞉tiyu 13:2

Ya꞉ edla tulume impollati opa hapulomatapo ya꞉ta imale dallowedeme ya꞉ hala dla puame sikemte alumaiyo. Epalati Yesuta koa dla posokolome polomama impollati opa hapulomata tamali tle dalempopa꞉iyo.

Ma꞉tiyu 15:29

Yesu mo e saliyome ma Ga꞉lili kaula peleyama tle polomyaiyo. Ya꞉ etle ma hetame tamali di dla polaiyo.

Ma꞉tiyu 4:25

Epedeme opa hapuloma Ga꞉lili tle epame Dekapolis tle epo Yelusalem tle epame Yudiya tle epame mo opi Yoden aloma seme dla ha꞉ha꞉lalo tle Yesu hala dla puame ya꞉ dolumtamalaiyo.

Ma꞉tiyu 5:2

Epapele oloma edla ya꞉tapo God yu yia꞉ watle imolowe kotiyamama epo atlaiyo,

Maka 3:13

Yesu tamali di dla hetame halemama ya꞉ta solotamale so opa tlo sisilamaiyo.

Maka 3:20

Yesu ma ilame aya dla tlati opata matle sikemte alumaiyo. Opata edla alumtumama Yesu mate ya꞉ alotle tlalo so mate daya dlowe alila ponatiyo.

Maka 4:1

Alila haleta Yesu Ga꞉lili kaula pili dla imhallati opa hapulomata dallowedeme ya꞉ hala dla puame sikemte alumaiyo. Epalati Yesuta koa dla posokolome yú duka tiyama dla akustepo polomama opaye impolaiyo. Epalati opa hapulomata tamali tle popa꞉mama dalempopa꞉iyo.

Ka꞉dle molo atlale yu Lukta ilimale 6:12

Alila haletapo Yesu tamali di dla hetame utula꞉la patoye God dla inoma sumhalaiyo.

Ka꞉dle molo atlale yu Lukta ilimale 6:17

Yesuye tamali di tle ya꞉ alotle tlalo so 12 mate tulume tamali kikiwi isili wou mo dla ha꞉ha꞉iyo. Yia꞉ edla tulume ha꞉ha꞉mama natilati Yesu dolumsiyamalalo so hapuloma mate epo opa opi hapuloma Yudiya tle epo Yelusalem tle epo kaula pato peleyama pili dla ha꞉ha꞉lalo Taya mo mate Saidon mo mate tle pumulale so tlamaiyo.

Ka꞉dle molo atlale yu Lukta ilimale 6:20

Yesuta ya꞉ alotle tlalo so watle omhalemama epo atlaiyo, “Alisisi pa꞉talo so, wua꞉ sisiyeiya. Adipalati, God ya꞉ mo kokoye wuolepo.

Ka꞉dle molo atlale yu Lukta ilimale 9:28

Epame 8 alila epapeleta mogudlati alotle Yesuta Pita epo Yon epo Yeims iwolo tlo tamali di dla eleme inoma sumala hetaiyo.

Ka꞉dle molo atlale yu Yonta ilimale 6:15

Epame Yesutapo yia꞉ dokopala oplami hallepo depame solotamama Yesu watle puame akumyaiyo. Amasiyama Yesuta yia꞉ta malamale ma-natipame ma meyelo tamali di dla hetaiyo.