Ma꞉tiyu 4:8 - Kamula

⁸ Saiten matle Yesu seme tamali pato di dla hetaiyo. Epame ya꞉ watle ta꞉lamo patotota yia꞉ta itiyamale mate hela꞉dle mate hutiye kokoye nalati-iyo.

Ma꞉tiyu 4:8 Iomraidhean Croise

Ma꞉tiyu 16:26

Amasiyama oplami antapo ta꞉lamo pato hema halemama ya꞉ta solotamale koko hapulomaye ma-halopame hatlo pasakalo hallowe koko tlo hotlepiye, ya꞉ ma apa koko hapa꞉? Hawa. Adipalati, ya꞉ta alisisi hapuloma ta꞉lamo hema halopo halale e mate halepo halepo pasakalo pohalowa.

Ma꞉tiyu 4:5

Epame matle Saitenta Yesu seme Yelusalem dla taiyo. Epame aiyalma aya dopuko di ikadepe dla Yesuye pamelepame ya꞉ watle epo atlaiyo,

Ka꞉dle molo atlale yu Yonta ilimale 5:20

Epedeme Atapo Yami sikemte bokotiyapo malamama ya꞉ta koko halomhalemde hapulomaye Yami watle nati-imdepo. Epapedeme wua꞉tapo Yamita koko halati natipo yiyellepo depame Atapo ya꞉ watle koko sikemte patoto halomolowe nati-ilipe.

1 Pita 1:24

Epapedeme God yu bukata epo atlapo, “Opa hapulomaye osamokolota palimdiye, epapele some ha꞉ha꞉po. Epame matle dali hahata u-uplatipo ha꞉ha꞉po ma hapele balladepo tulumdiye, epapele some ha꞉ha꞉po. Epapedeme osamokolo mate epo dali haha matetapo palimha꞉ha꞉po.

Bobotimatimale 11:15

Mosukulu dla hallalo banakaka oplamita ya꞉ hulu sisilamalati yu itiyamaleta pepele di tle epo atlamyeuwa, “Watapo ta꞉lamo pato omhallowe itiyamaleye di God mate ya꞉ta sale Keliso mate dla me-elapo. Epedeme Godta ta꞉lamo pato iye omhalemama sukulu pa꞉le dulu dla hallepe.”